Lilja lyftir öllum á hærra plan

Það er mjög óvenjulegt að heyra íslenskan þingmann tala á þessum nótum. Lilja Mósesdóttir hefur meðfædda gáfu til þess að lyfta umræðunni á hærra plan. Hún lyftir Alþingi á hærra plan með nærveru sinni og væri hún í ríkisstjórn myndi hún lyfta henni á hærra plan.

Skoðanakúgun leiðir til samfélagshruns

Steingrími líður illa

Steingrími leið illa í Kastljóss-viðtalinu í gær. Hann var tvísaga um öll mál ... hann hældist yfir því hve allt væri galopið hjá Vinstri grænum og umræður fyrir opnum tjöldum, en bætti svo við að ný yrði öllu lokað og umræður færu fram eftirleiðis fyrir lokuðum dyrum. Hann hafði ekkert í hendi. Engin mál voru afgreidd. Öllu var slegið á frest. Það er sjaldan að maður sér Steingrím svona óöruggan. Hann titraði og tinaði með höfðinu af öryggisleysi. Stjórnin lafir á þeim bláþræði sem heitir Þráinn Bertelsson og getur splundrast á hverri stundu. Það er vont að hafa vondan málstað. Engin furða þótt mannaumingjanum liði illa.

Umræðunni ekki lokið

Þorsteinn Pálsson fær langhæstu bæturnar

Páll Vilhjálmsson bendir á að þarna sé komið langþráð og mikilvægt fordæmi: allir þeir sem skriðið hafa í skítnum til þess að þóknast Jóni Ásgeiri og þeim Bónusfeðgum eiga nú rétt á skaðabótum fyrir þann skelfilega mannorðsmissi sem þeir hafa mátt þola fyrir auvirðilega þjónkun sína. Hæstu bæturnar fær að sjálfsögðu Þorsteinn Pálsson sem um langt skeið var helsti leigupenni Bónusfeðga. Hallgrímur Helgason og Gunnar Smári Egilsson fá líka vænar fúlgur en þó ekki eins miklar og Þorsteinn, því þeir höfðu ekki eins háan söðul úr að detta. 

Fékk þóknun vegna málaferla

Er Mogginn loksins að vitkast?

Það er ekki ýkja langt síðan bloggstjóri Morgunblaðsins sendi mér skilaboð og skipaði mér að fjarlægja færslu um heiðursmorð múslima á Norðurlöndum. Heiðursmorð voru þá þegar orðið talsvert vandamál sem fjallað var um opinskátt í fjölmiðlum á Norðurlöndum en Mogganum hugnaðist ekki hreinskilni í þessu efni og greip til ritskoðunar.

 

Þessi frétt bendir sterklega til þess að Moggamenn séu að vitkast og geri sér að einhverju marki grein fyrir þeirri vá sem er fyrir dyrum. 

Hryðjuverkamenn horfa til norðurs

Ég verð sífellt gáfaðri og þú líka

Þessi tíðindi koma mér ekki á óvart. Ég hef fundið þessa þróun hjá sjálfum mér og mínu kæra samferðafólki. Mér finnst hryggilegt að sjá hvernig neikvæðni og illska tærir litla samfélagið okkar. Við eigum eitt besta land heimsins: hér eru ríkulegar auðlindir, fiskimið, jarðvarmi, fallorka vatna, vindorka, gnótt af fersku vatni, landrými, glæsilegir fjallasalir, óviðjafnanleg náttúrufegurð, sterkur og fallegur norrænn kynstofn og hæfileg fjarlægð frá löndum Evrópusambandsins. Við getum átt hér besta þjóðfélag heimsins. Neikvæðni úrtölufólksins hefur skemmt samfélag okkar á liðnum misserum..... en látum það ekki eyðileggja framtíðina líka.

Gáfaðast um sextugt

"Við erum ekki geðveikir"

Stelpurnar kvarta undan geimverugerpinu. Kokkarnir flýja unnvörpum. "Við erum ekki geðveikir", segir aðstoðarmaður geimverunnar. Er það nú alveg víst?

 

http://www.dv.is/frettir/2011/1/3/ur-radhusinu-vegna-samloku/

 

Mér leiðist móðgunargirni

Ég er hjartanlega sammála formanni Frjálslynda flokksins. Hvað eru menn að æsa sig þótt Össur skemmti sér. Hann má eiga það, þrjóturinn sá arna, að hann er málsnjallasti þingmaðurinn núna og tilsvör hans eru stundum mjög fyndin. Hann er vitlaus og vinstri sinnaður en leyfum manninum að eiga það sem hann á.

Mér leiðist svona móðgunargirni. Jesú Kristur var kenndur við lamb, Sigurður konungur sýr var kenndur við gyltu, garpurinn Þórir hundur var kenndur við .... já hvað haldið þið?

Telur að Lilja eigi að sýna Össuri skilning

Landvættirnar skerist í leikinn

Versta ríkisstjórn veraldarsögunnar hefur fylgi þriðjungs þjóðarinnar. Það segir auðvitað vissa sögu um þennan tiltekna þriðjung ....... skynlaus og fyrirlitleg hjarðdýr sem fylgja í blindni sturluðum forystuskepnum beint fram af hengifluginu.

 

En þessi útkoma segir líka ærna sögu um stjórnarandstöðuna: D og B fá aðeins 47% samanlagt. Það er óheyrilega vond útkoma. Í þessum tveimur flokkum eru margir góðir drengir en þeir hafa ekki traust almennings. Ef kosningar væru eftir viku myndi aulaframboð á borð við Besta flokkinn fá 20%. 

 

Okkur dauðlangar í góða þingmenn og góða stjórnmálaflokka. Við erum ekki ánægð með það sem er í boði. Ég mælist til þess við Landvættirnar að þær skerist í leikinn og sendi okkur  betri þingmenn.

Ríkisstjórnin með 37% fylgi

Þorsteinn Pálsson hefndi sín á Davíð

Seðlabankar bera nákvæmlega enga ábyrgð á hegðun viðskiptabanka en engu að síður tókst hinni skrautlegu fylkingu Davíðshataranna að kenna Davíð um ósómann. Þar kom til sögu máttur hinna mörgu:

1. Bónusfeðgar með alla sína leigupenna náðu fram langþráðum hefndum og beindu sjónum frá sjálfum sér.

2. Ingibjörg Sólrún og Samfylkingin komu höggi á fornan andstæðing.

3. Útrásarvíkingarnir sátu um stund með geislabaug á enni og kenndu Davíð um allt saman.

4. Einstaklingar á borð við Þorvald Gylfason sem töldu sig eiga Davíð grátt að gjalda sáu sér færi að leggja til hans. Þorvaldur hjakkaði mánuðum saman á staðhæfingum sem síðar reyndust marklausar.

5. Þorsteinn Pálsson var þá ritstjóri Fréttablaðsins og fremsti leigupenni Jóns Ásgeirs. Hann mokaði út þúsund óhróðursgreinum um Davíð Oddsson en bannaði birtingu greina sem héldu uppi vörnum fyrir hann. Þetta veit ég af eigin reynslu.  Þarna hefndi Þorsteinn greypilega fyrir ófarirnar á Landsfundi Sjálfstæðisflokksins, þegar Davíð steypti honum af stóli forðum daga. Hefndin er sæt.

 

Um daginn var þess getið í sjónvarpsfréttum að Seðlabankinn vildi fá lagaheimildir til þess að hafa taumhald á viðskiptabönkunum svo hrunið myndi ekki endurtaka sig. Þessar umleitanir eru vitaskuld staðfesting á því að Seðlabankinn hafði ekki þessar heimildir og því út í bláinn að gera hann meðsekan.

Davíð: Ekki starfhæf ríkisstjórn

Gefum Reykvíkingum ódýr matvæli og notuð föt

Sókn Sjálfstæðisflokksins er óveruleg og ekkert til að tala um. Þegar borginni er stjórnað af trúðum og vanvitum sem svínbeygja smælingjann og traðka á ungu kynslóðinni, þá ætti Sjálfstæðisflokkurinn að hafa 65% í þessari könnun.....en hann fær bara 37%.

Besti flokkurinn á eftir að reynast Reykvíkingum dýrkeypt spaug. Reykvíkingar hafa dæmt sjálfa sig til að lifa til eilífðarnóns í fátæktargreni, þar sem ríkja systkinin örbirgð, spilling og vonleysi.

Ég hef verið duglegur að gefa vinum og ættingjum í Reykjavík ódýr matvæli og notuð föt af sjálfum mér og hvet Hafnfirðinga og aðra nærsveitarmenn að fylgja fordæmi mínu.

Sjálfstæðisflokkur sækir í sig veðrið