Því fyrr sem hún hverfur því betra

Ég hlustaði á þessa gömlu, gráhærðu konu sem er að sligast af þunglyndi og vonbrigðum og hálfpartinn undraðist að ég skyldi ekki finna snefil af vorkunnsemi í hjarta mínu. En ég er búinn að heyra þessa konu einum of oft í áranna rás leggja illt til annarra, snúa út úr, fara rangt með og rangtúlka upplýsingar viljandi og gera öðrum upp sakir. Þetta er ekki góð kona. Hún er knúin áfram af metorðasýki og einhverjum fráhrindandi fólskukrafti sem blekkir marga en ekki alla. Nú horfir hún framan í þá fordæmingu sem hún svo oft hefur bruggað öðrum. Því fyrr sem hún lætur sig hverfa af sjónarsviðinu því betra.

Ekki hélt ég að sá dagur kæmi að ég saknaði Össurar Skarphéðinssonar.

Skattkerfinu breytt óhikað

Er eitthvað að marka Þorvald núna?

Þorvaldur Gylfason skrifaði hverja greinina af annarri í fréttablað Jóns Ásgeirs þar sem hann veittist að fyrrverandi seðlabankastjóra fyrir að hafa ekki safnað nægum gjaldeyrisforða til þess að verja bankana falli. Persónulegt hatur eða óuppgerðar sakir frá menntaskólaárunum lágu að baki þessum þráhyggjukenndu árásum hans. Reyndar hafði umræddur seðlabankastjóri á skömmum tíma stóraukið gjaldeyrisforðann og menn skilja núna að hefði hann verið margfalt stærri og hefðu bankaþrjótarnir haft að honum frjálsan aðgang, þá hefði hrunið einungis orðið margfalt verra.

Er ástæða til þess að trúa Þorvaldi núna fyrst ekkert var að marka hann áður?

Stórlaxarnir munu ekki allir sleppa

Látið gamlingjann sigla sinn sjó

Engin spurning að Polanski braut af sér en stúlkan hefur margbeðið um að málið verði látið niður falla og ef það er rétt, sem ýjað er að í þessari frétt, að hann hafi þegar greitt henni skaðabæturnar, sem er rúmlega hálf milljón dollara, þá er farsælast fyrir alla að láta gamlingjann sigla sinn sjó. En er hægt að koma einhverju tauti við Bandaríkjamenn? Þeir létu eins og vitleysingar í máli Bobby Fischers og það er eins og þessari voldugu þjóð sé stundum fyrirmunað að láta skynsemina ráða.

Polanski sveik Geimer um hálfa milljón dollara

Ungir Samfylkingarmenn prumpa upphátt

Óskaplega lágkúra er þetta hjá stelpukjánanum og því miður í algeru samræmi við allar hennar handartiltektir á almannafæri til þessa. Skrílmennskan, menningarleysið og fruntaskapurinn lekur af hverju orði. Hvað er það í Samfylkingunni sem sogar til sín ómerkilegasta fólk landsins?

Auðvitað skiptir það miklu máli að ungliðasamtök stjórnmálaflokkanna séu vel skipuð, því þar er grunnur lagður að pólitísku starfi framtíðarinnar. Ungir Sjálfstæðismenn völdu sér nýlega foringja og heitir sá Ólafur Örn Nielsen.

Það vill svo skemmtilega til að ég hef einu sinni hitt Ólaf og lék þá með honum golfhring austur á Hellu. Þetta er kornungur maður, ríflega tvítugur, harðduglegur og vann fyrir sér meðfram náminu sem einskonar tölvugúrú á mogganum. Hann er háttvís, fastur fyrir, hæglátur, vel máli farinn, hugsar öll mál út í æsar, rökvís og hefur skýra og afar skilmerkilega afstöðu. Ekki fóru skoðanir okkar saman í mörgum veigamiklum málum, en ég gladdist mjög að eiga dagstund með svo vel gefnum, háttvísum og vönduðum æskumanni. Allt í fari þessa drengs bar vitni um góðan stofn og gott uppeldi.

Hjá Ólafi fara líka saman atgervin andleg og líkamleg, því hann er tveir metrar á hæð, afrenndur að afli og jafnoki Gunnars á Hlíðarenda að fræknleik. Hann er prúður leikmaður á golfvelli, dræfar firnalangt og járnahöggin eru há, löng og hárnákvæm. Ég beið ósigur en þetta var góður dagur. Megi Drottinn gefa oss fleiri slíka æskumenn og þá þurfum við ekki að kvíða neinu, Íslendingar.

Kreppan eins og prump í eilífðinni

Ofbeldisvæðing og siðrof

Enn ein birtingarmynd Austurvallarskrílsins. Þegar siðferðishömlurnar eru að velli lagðar í einni svipan opnast flóðgáttir helvítis. Búsáhaldabyltingin hefur unnið óbætanlegt tjón á sálarlífi íslensku þjóðarinnar. Ef þjóðinni tekst að koma vinstri stjórninni frá völdum munum við fljótlega endurheimta hagsældina en það mun taka heila kynslóð að lækna þau sár sem ofbeldismennirnir á Austurvelli veittu þjóðinni. Til hamingju með dagsverk þitt, Hörður Torfason.

Fékk sýru í andlitið

Nú verða Sjálfstæðismenn að hlusta

Stjórnarflokkarnir hrapa fyrir björg, fylgi Framsóknar vex dagvöxtum en íhaldið stendur í stað. Þetta kemur mér ekki á óvart. Framsóknarmenn endurnýjuðu forystuna og tefldu fram nýjum mönnum. Vitaskuld er þetta áfram sami gamli spillti, ljóti ógeðsflokkurinn en nýjar umbúðir duga alltaf til að blekkja einhverja.

En íhaldið þarf að skoða þessi skilaboð vandlega. Hvers vegna eykst ekki fylgi Sjálfstæðisflokksins þegar vinstri flokkarnir sýna og sanna á hverjum degi að þeir eru alls ófærir um að stýra landinu?

Sjálfstæðisflokkurinn þarf að ganga í endurnýjun lífdaganna. Hann þarf að þakka nokkrum þingmönnum fyrir samstarfið og tefla fram nýjum umsækjendum. Þessi þurfa að fara og það án tafar: Þorgerður Katrín, Illugi, Tryggvi Þór, Guðlaugur Þór, Árni Johnsen. Margt gott má um þau segja en það er fjallgrimm vissa að þau eru svo nátengd hruninu og "gamla Íslandi" að þau verða aldrei annað en hræðilegir dragbítar á flokkinn.

Verst er vitaskuld að neyðast til að hafna Illuga Gunnarssyni, því hann er heiðarlegur og góður drengur, vel viti borinn og til forystu fallinn. En hann tróð hrunadansinn af kappi og verður að gjalda fyrir það með pólitísku lífi sínu.

Sjálfsagt vilja sumir fresta óhjákvæmilegum hreinsunum fram að næstu kosningum en það er ekki eftir neinu að bíða. Flokkurinn verður að fá svigrúm til að biðja kjósendur um nýtt traust og nýtt umboð. Geri hann það ekki í tíma - þá fellur hann á tíma.

Fylgi Framsóknarflokks eykst

Æ blessaður kallinn

Mér finnst leiðinlegt að vita af þessum góða dreng á vergangi. Biskupsstofa hlýtur að geta fundið fyrir hann eitthvert starf þar sem hann getur kysst og knúsað án þess að misbjóða blygðunarsemi unglingsstúlkna. Hvað með sjúkrahúsin? Ég hugsa að hann yrði vinsæll spítalaprestur því hann er glaðvær, listhneigður, upplífgandi og skemmtilegur. Hann gæti knúsað sjúklingana og það myndi mælast vel fyrir.

Leyfi séra Gunnars framlengt

Veskú, hirðið þingeyska hlöðukálfinn

Megi Hund-Tyrkinn hirða og eiga þennan þingeyska hlöðukálf skuldlaust og kvaðalaust um aldur og ævi.

Steingrímur til Tyrklands

Var ekki hægt að festa blöðru í kellinguna?

Var ekki hægt að festa eins og 20 blöðrur við kerlingarálftina og losna þannig við hana úr þjóðlífinu í eitt skipti fyrir öll? Það hefði nú verið landhreinsun í lagi.

Svarta fortíðin kvödd

Gefum þessum hetjum gott lófaklapp

Þetta eru mennirnir sem eiga eftir að leiða Ísland aftur til hagsældar og hamingju. Athafnamennirnir. Athafnaskáldin. Menn sem eru vel menntaðir, ljóngáfaðir, hugmyndaríkir, harðduglegir og kalla ekki allt ömmu sína. Það er stórkostlegt lán fyrir okkur að eiga svona menn.

Ríkisstjórnin mun gera allt sem í hennar valdi stendur til þess að reyra þá niður og rota þetta framtak. Vinstri Grænir hafa þegar lýst yfir hatri sínu á þessu. Vinstri menn hata allt sem heitir framdag, dugnaður og sjálfsbjargarviðleitni. Hjá þeim kemst ekkert annað að en bætur, styrkir, úrtölumennska, neikvæðni, ræfladýrkun og Evrópusambandið.

En við skulum gefa fólkinu í PrimaCare gott lófaklapp og standa með þeim. Þetta fólk er framtíð Íslands.

Einkasjúkrahús í Mosfellsbæ