Gefum þessum hetjum gott lófaklapp

Þetta eru mennirnir sem eiga eftir að leiða Ísland aftur til hagsældar og hamingju. Athafnamennirnir. Athafnaskáldin. Menn sem eru vel menntaðir, ljóngáfaðir, hugmyndaríkir, harðduglegir og kalla ekki allt ömmu sína. Það er stórkostlegt lán fyrir okkur að eiga svona menn.

Ríkisstjórnin mun gera allt sem í hennar valdi stendur til þess að reyra þá niður og rota þetta framtak. Vinstri Grænir hafa þegar lýst yfir hatri sínu á þessu. Vinstri menn hata allt sem heitir framdag, dugnaður og sjálfsbjargarviðleitni. Hjá þeim kemst ekkert annað að en bætur, styrkir, úrtölumennska, neikvæðni, ræfladýrkun og Evrópusambandið.

En við skulum gefa fólkinu í PrimaCare gott lófaklapp og standa með þeim. Þetta fólk er framtíð Íslands.

Einkasjúkrahús í Mosfellsbæ

Athugasemdir

[Rúnar Berg Baugsson (IP-tala skráð) 2.10.2009 kl. 14:11]

Það eru engir menn jafn hentugir fyrir ríkið og kapítalið en vel menntaðir, ljóngáfaðir, hugmyndaríkir og harðduglegir athafnamenn sem kalla ekki allt ömmu sína.

-En það eru jafnframt engir menn verri óvinir fólksins og akkúrat sömu típurnar.

[Jón Snæbjörnsson, 2.10.2009 kl. 14:14]

Sammála þér Baldur

undarleg skrif hjá þessum manni hér fyrir ofan - hvar ætla sumir að velferð komi frá ?

[Baldur Hermannsson, 2.10.2009 kl. 14:30]

Þeir halda að Steingrímur búi til fiskinn í sjónum en Jóhanna býr til rollurnar og kýrnar.

[Rúnar Berg Baugsson (IP-tala skráð) 2.10.2009 kl. 14:33]

...sem er ólík þeirri hugmyndafræði að halda að rafmagnið komi frá Jóni Ásgeiri og mjólkin frá Björgólfi.

Nei, velferðin kemur frá vinnandi fólki, en hvorki frá kaupsýslumönnum né stjórnmálamönnum.

[Jón Snæbjörnsson, 2.10.2009 kl. 14:42]

er ekki verið að "reyna" að setja atvinnutækifæri af stað Rúnar - lífið er ekki bara fiskur rolla kýr svín eða haughopparar

þar er ávalt upphaf

[Baldur Hermannsson, 2.10.2009 kl. 15:02]

Runki, þetta er svo hárrétt hjá þér að það hálfa væri nóg, en einhver verður þó að taka af skarið um hvað skuli gera, hvernig skuli gera það, hvenær og með hverjum. Byssurnar skjóta ekki sjálfar.