Sigurður er mígfyndinn

Það er gaman að sjá unga menn vaxa í starfi og breytast úr léttadreng í fullgildan háseta. Nú er Sigurður Kári Kristjánsson orðinn einn af sterkustu þingmönnum Sjálfstæðisflokksins, rammur að afli, hugdjarfur, orðheppinn og mígfyndinn og leggst vel á árarnar þegar róið er beint upp í vindinn. 

*

Það er gaman að sjá hve vinstri skriffinnum liggur illa orð til Sigurðar Kára. Það sannar svo ekki verður um villst að þar fer drengur góður og mannvænlegur. Hann er býsna vel menntaður,  kýrskýr, fróður og rökvís og fer aldrei á handahlaupum í málin, heldur reifar allt snöfurmannlega og styður gildum rökum.

*

Þráinn Bertelsson og aðrir léttadrengir vinstri flokkanna ríða ekki feitum truntum frá orðaskiptum við Sigurð Kára. Hann er framtíðarmaður á þingi en þeir munu allir hverfa eins og illur draumur þegar þjóðin vaknar. 

Gagnrýnir ummæli Þráins á Facebook

Dýrbítar eitra út frá sér

Það eru vissulega slúbbertar og letihaugar í löggunni eins og annars staðar, en þegar lögreglan er að störfum ber að sýna henni fulla virðingu og fara umsvifalaust að tilmælum hennar. Löggan vinnur sín störf oftar en ekki við erfiðar aðstæður og stundum stórhættulegar. Það er lífsnauðsynlegt fyrir hverja þjóð að borgararnir sýni löggunni virðingu. Þeir þurfa ekki að virða hvern einstakling fyrir sig, en þeir eiga að virða stofnunina og embættismenn hennar að störfum.

*

Níumenningarnir börðust gegn lögreglumönnum að skyldustörfum, óhlýðnuðust tilmælum þeirra og skaðbitu þá að hætti dýrbíta ..... níumenningunum hugnast orðið "glefsa" betur en "bíta" svo því sé nú til haga haldið .... og löggan hafði engin úrræði önnur en beita valdi, því íslenskir lögreglumenn bera því miður hvorki skotvopn né rafbyssur.

*

Verjendur dýrbítanna og seinlæti dómstóla veldur því að ekki er búið að dæma í þessu máli. Það er illt því svona mál eitra út frá sér og þeim ber að ljúka sem allra fyrst, svo afbrotamennirnir geti afplánað refsinguna og byrjað nýtt líf og göfugra. 

Lögreglumenn neita harðræði

Er þingvörðurinn með öllum mjalla?

Ætli þessi nafngreindi þingvörður sé með öllum mjalla? Hann eyðir gögnum í afar viðkvæmu sakamáli og velur sjálfur þá búta sem nú er teflt fram í réttarhöldunum. Það er langt síðan maður hefur heyrt af annarri eins heimsku. Nema skýringin sé ekki heimska, heldur brotavilji .... tilraun til að hylma yfir ofbeldisverk níumenninganna eða þá framferði hans sjálfs, annarra þingvarða eða lögreglumanna. Þessi handvömm eyðileggur ekki málið en skemmir það og vekur illar grunsemdir.

Aðeins bútur til af myndskeiði

Níumenningarnir glata samúð

Níumenningarnir koma ekki vel út úr þessari yfirheyrslu. Þeir haga sér eins og harðsvíraðir stórglæpamenn sem hafa sér til fulltingis teymi af siðlausum lögfræðingum: þeir neita að svara spurningum saksóknara. Níumenningarnir eru óðum að glata allri samúð sem þeir kunna að hafa notið í samfélaginu. Og ekki bætir úr skák þegar í ljós kemur að árásin á Alþingi var vandlega skipulögð með löngum fyrirvara eins og hver önnur styrjaldaraðgerð.

Mótmælin í Alþingishúsinu skipulögð?

Réttlát refsing sem hæfir glæpnum

Árásirnar á Alþingi marka upphaf ofbeldishrinunnar sem dynur yfir borgarbúa með sívaxandi þunga. Eftir náttmál er enginn óhultur í Borg Óttans. Þegar sjónvarpið sýndi vikum saman linnulausar árásir á lögreglumenn og þingverði og skemmdarverk á mannvirkjum lukust upp flóðgáttir villimennskunar. Ofbeldi verður að refsa stranglega. En refsing verður líka að vera réttlæt og hæfa glæpnum. Níumenningarnir verða að greiða skaðabætur þeim sem þeir hafa misþyrmt og valdið örorku en að öðru leyti finnst mér koma til greina að skikka þá til að gegna samfélagsþjónustu í hæfilegan tíma. Fangelsin eru yfirfull og Íslendingar ættu að nota þetta úrræði rétt eins og aðrar þjóðir gera.

Aðalmeðferð í máli nímenninga hafin

Er Halla með þroska tveggja ára barns?

 

Hvernig geta menn vænst þess að flokkurinn Vinstri grænir hangi saman á hjöruliðunum þegar forystufólkið hefur félagslegan þroska á við tveggja ára gamalt barn?

http://www.dv.is/sandkorn/2011/1/18/halla-trompadist/

Heiðarlegir stjórnmálamenn koma í leitirnar

Það er meiri manndómur í litlu tánni á Karólínu en öllum þeim hræsnisfullu silkihúfum Vinstri grænna sem gera lítið úr álitamálum og breiða yfir ágreininginn. Þótt hún sé harðsvíraður kommi verðskuldar hún samt vissa virðingu. Ísland hefur lýst eftir heiðarlegum stjórnmálamönnum og þeir eru smátt og smátt að koma í leitirnar.

 

http://www.dv.is/frettir/2011/1/17/formadur-vg-i-kopavogi-segir-sig-ur-flokknum/

Davíð Oddsson og Ólafur Ragnar

Það eru bara tveir Íslendingar sem heimurinn hlustar á: Davíð Oddsson og Ólafur Ragnar Grímsson. Þegar forsetar Bandaríkjanna koma til Íslands heilsa þeir strax upp á Ólaf, svo leggja þeir leið sína heim til Davíðs, í hugum þeirra er hann merkilegasti maðurinn sem þessi litla þjóð hefur alið. Báðir eiga þessir menn aðdáendur og hatursmenn. Báðir eru þeir með eindæmum hugrakkir og kraftmiklir. Það er þjóðarólán að þeir skuli ekki hafa borið gæfu til þess að vinna saman að heill Íslands.

Brown ætti að biðjast afsökunar

Hún hjarir en hún er dauð. Steindauð.

Þjóðin er gríðarlega óánægð með ríkisstjórnina og mótmælin beinast gegn henni mestan part. Ef þjóðin sæi að allt væri með felldu í stjórnarráðinu og þær væri fólk að vinna landinu gagn, þá yrðu engin mótmæli. Ég tek eftir því á mínum vinnustað, þar sem 90% eru kommúnistar, að allir eru þeir búnir að gefast upp á stjórninni. Ekki einn einasti heiðarlegur vinstri maður ber lengur blak af henni. Hún hjarir en hún er dauð. Steindauð.

Boða til mótmæla á morgun

Sorapollurinn Reykjavík

Reykjavík er orðinn hættulegasti staður Evrópu. Harðsvíruð glæpagengi ráða lögum og lofum. Nauðgarar og innbrotsþjófar eru alls staðar á kreiki, ofbeldismenn myrða og misþyrma og þegar sól hnígur í sæ er enginn óhultur. Allur almenningur er genginn af göflunum og kýs yfir sig sjálfumglaða vitleysinga sem stórhækka gjöld og álögur en skynsamt fólk flýr unnvörpum til annarra sveitarfélaga eða jafnvel annarra landa. Ef Ísland ætti her væri löngu búið að setja herlög í Reykjavík. Ekki þýðir að handsama ofbeldismennina því þeim er sleppt jafnharðan, þeir fá alltof væga dóma og refsingar fyrnast því fangelsin eru yfirfull af útlendingum. Sorapollurinn Reykjavík er smánarblettur á Reykjavík og það er vont að búa í Reykjavík.

Tvennt í haldi vegna árásar