Við munum enn þá Jón og Einar

Fantarnir í ESB byrjuðu á því að keyra íslensku þjóðina í gjaldþrot, svo hafa þeir margstagast á því, flissandi með pulsurnar standandi út úr kámugum kjöftunum, sötrandi kókið að senn muni Íslendingar koma skríðandi á fjórum fótum eins og grenjandi rakkar og grátbiðja um inngöngu í hið nýja Sovét-samband Evrópuríkja.

Stór hluti Íslendinga er því miður reiðubúinn að svíkja ættland sitt í tryggðum og forsprakki þeirra heitir Jóhanna Sigurðardóttir.

Skítseiðin hafa ekki reiknað með því að nokkur karlmennska væri eftir með íslensku þjóðinni en á ögurstundu kemur á daginn að enn rennur blóð í æðum okkar og enn höfum við hvorki gleymt Jóni Sigurðssyni né Einari Þveræingi. 

ESB óttist að vera hafnað af Íslendingum

Athugasemdir

[(IP-tala skráð) 28.11.2009 kl. 18:13]

Við verðum að vona að sá ótti sé á rökum reistur, það er svo miklu ánægjulegra að öllu leiti. En ég þarf svo sem ekkert að vona, ég veit að svo mun fara alveg handviss, annars þarf ég að fara taka undir með og vera sammála samfylkingunni um það hvað íslendingar eru vitlausir, og því neita ég bara að trúa.

[Baldur Hermannsson, 28.11.2009 kl. 18:19]

Hvernig munu vindar blása þegar ríkisfjölmiðlarnir og Fréttó verða búnir að heilaþvo mannskapinn í heilt ár samfleytt fyrir kosningar og ESB búið að ausa í okkar falsgjöfunum?

[(IP-tala skráð) 28.11.2009 kl. 19:44]

Góð spurning, en ég ætla að áfram að trúa á hið  góða sem og visku landans í þessu máli. Og svo hvílir það á okkur hinum að gera  sjálfstæði þjóðarinnar það sem málið snýst um sem og gera fólki það kleift að sjá hvílík spilling er hjá bruzzelvaldi, þannig að við förum ekki úr öskunni í eldinn.

[Offari, 28.11.2009 kl. 21:42]

Velkominn til byggða.

[Björn Birgisson, 28.11.2009 kl. 21:53]

"Stór hluti Íslendinga er því miður reiðubúinn að svíkja ættland sitt í tryggðum og forsprakki þeirra heitir Jóhanna Sigurðardóttir."

Löðurmannlega mælt. Mannstu eftir manni sem gengur undir nafninu Geir Hilmar Haarde, sem þú nefndir Stálmanninn, í þinni pólitísku blindni? Þjóðin man vel eftir honum og hans afrekum, öllu heldur skorti á þeim. Líka þeim sem fetuðu einstigið til einkavæðingar, einkavinavæðingar, á undan honum. Fjallaðu af sanngirni um þá kumpána, áður en þú vænir Heilaga Jóhönnu um svik við þjóðina. Taktu þér tak! Taktu kíkinn frá blinda auganu. Fortíðin hittir ykkur íhaldsdindlana fyrir af krafti. Þið kjaftið ykkur ekkert frá henni. Nú er stundin fyrir ykkur að halda ykkur til hlés.

[Jóhann Elíasson, 28.11.2009 kl. 21:59]

Mikið er ég búinn að bíða eftir bloggi frá þér og ekki varð ég fyrir vonbrigðum loksins þegar það kom.

[Sigurbjörg Eiríksdóttir, 28.11.2009 kl. 22:10]

Já margir bíða eftir að þú opnir munninn eða frekar pikkið! Ég líka..Þú ert með þeim bestu eða oftast!!

Kveðja úr Heiðarbæ.

[Eygló, 29.11.2009 kl. 01:01]

Velkomin aftur, bróðir!

[Eygló, 29.11.2009 kl. 01:01]

+ n

[Baldur Hermannsson, 29.11.2009 kl. 01:03]

Takk fyrir systir Eygló!

[Árni Gunnarsson, 29.11.2009 kl. 11:00]

Og ekki máttu gleyma Staðarhóls Páli þegar þú nefnir einurð í samskiptum við Royalið. Meðal annara orða: Hvar í heiminum finnum við land sem ræður yfir jafn miklum auðlindum og Ísland í hlutfalli við íbúafjölda?

[Baldur Hermannsson, 29.11.2009 kl. 11:39]

Staðarhóls Páll, var það ekki hann sem orti svo eftirminnilega:

Lítið er lunga

í lóuþrælsunga,

miklu er þó minna

manvitið kvinna.

Það örlar nú á karlrembu í þessum kveðskap, en óneitanlega gæti þetta átt vel við Ástu Ragnheiði og jafnvel fleiri fósturlandsins Freyjur.

[Sigurbjörg Eiríksdóttir, 29.11.2009 kl. 11:45]

Honum hefur verið illa við konur þessum Staðarhóls Páli ;o)

[Baldur Hermannsson, 29.11.2009 kl. 12:18]

Silla, það efast ég um, karlmönnum er aldrei illa við konur. Stundum er ein og ein kona að fara í taugarnar á þeim en það er af og frá að þeim sé í nöp við allar konur.

[Árni Gunnarsson, 29.11.2009 kl. 13:43]

Jú, sá er maðurinn en næstsíðasta hendingin var nú ekki alveg svona. En það var Staðarhóls Páll sem kraup á annað hnéð þegar hann laut kónginum. Og sagðist krjúpa hátigninni en standa á réttlætinu!

[Baldur Hermannsson, 29.11.2009 kl. 19:14]

Þetta er bráðskemmtileg frásögn sem ég hef ekki heyrt áður. En hvernig er þá þriðja línann rétt?