Landvættirnar skerist í leikinn

Versta ríkisstjórn veraldarsögunnar hefur fylgi þriðjungs þjóðarinnar. Það segir auðvitað vissa sögu um þennan tiltekna þriðjung ....... skynlaus og fyrirlitleg hjarðdýr sem fylgja í blindni sturluðum forystuskepnum beint fram af hengifluginu.

 

En þessi útkoma segir líka ærna sögu um stjórnarandstöðuna: D og B fá aðeins 47% samanlagt. Það er óheyrilega vond útkoma. Í þessum tveimur flokkum eru margir góðir drengir en þeir hafa ekki traust almennings. Ef kosningar væru eftir viku myndi aulaframboð á borð við Besta flokkinn fá 20%. 

 

Okkur dauðlangar í góða þingmenn og góða stjórnmálaflokka. Við erum ekki ánægð með það sem er í boði. Ég mælist til þess við Landvættirnar að þær skerist í leikinn og sendi okkur  betri þingmenn.

Ríkisstjórnin með 37% fylgi

Athugasemdir

[hilmar jónsson, 1.1.2011 kl. 20:42]

Baldur, ég vil umorða fyrstu línuna hjá þér. Versti viðskilnaður sem nokkur ríkisstjórn hefur tekið við. Hissa á að allt skuli ekki vera í blússandi uppsveiflu, Baldur ?

Gleðilegt ár..

[Rafn Haraldur Sigurðsson (IP-tala skráð) 1.1.2011 kl. 20:50]

Gleðilegt ár Baldur Við skulum vona að landvættirnir leiði þessa blindu sauði frá villu síns vega og vísi þeim á réttu brautina

[asdis o. (IP-tala skráð) 1.1.2011 kl. 21:09]

En sjáið, svona er "nýja fólkið": Þór Saari heimtaði fram á síðasta dag "lausn" á skuldum heimila sem kostað hefði Ríkið (almenning) minnst 220 milljarða, og sett Ísland - um áratugaskeið - í slíka fátækt og niðurskurðarþörf að margfalt fleiri heimili hefðu farið fram af brúninni. Daginn eftir, er aðgerðir voru kynntar, kvað Saari þær engu breyta því 6 milljarðar lentu á Ríkinu, þe almenningi! Það þótti Margréti í sama flokki nískt af Ríkinu! Þetta er fólk sem greinilega ætti að treysta fyrir fjármálum þjóðarinnar, enda er þetta jú akkúrat það sem Íslendingar í barnaskap sínum trúa á eins og jólasveininn: þe þetta er NÝTT FÓLK. Og þetta (Hreyfingin) er meiraðsegja mestmegnis KONUR, en konur eru jú annar jólasveinn sem þessi bjánaþjóð trúir á. 

[Baldur Hermannsson, 1.1.2011 kl. 21:44]

hilmar, það er orðið ansi þreytt að skýla sér alltaf á bak við áföll fyrri daga, þið kommarnir verðið að læra að standa á eigin fótum og taka ábyrgð á gerðum ykkar.

[Baldur Hermannsson, 1.1.2011 kl. 21:45]

Rafn, ég held það væri best að Landvættirnir leyfðu þessum hjarðdýrum að arka fram af hengifluginu en sendu okkur hinum betri leiðtoga.

[Baldur Hermannsson, 1.1.2011 kl. 21:47]

asdis, Borgarahreyfingin var mynduð af fólki sem kunni ekkert til verka, gat ekki hugsað heila hugsun og var meira og minna sturluð af búsáhaldabyltingunni.

[hilmar jónsson, 1.1.2011 kl. 22:00]

Já fyrirgefðu að það skuli ekki vera fyrir löngu búið að kippa gjaldþroti heillrar þjóðar í liðinn Bladur.

[Baldur Hermannsson, 1.1.2011 kl. 22:02]

Þér er fyrirgefið. Þjóðin varð að vísu ekki gjaldþrota...en við skulum ekki vera smámunasamir á þessum fagra nýársdegi. Þjóðin hefði átt að rétta úr kútnum á þessu ári en vegna úrræðaleysis vinstri flokkanna versnaði ástandið ef eitthvað er. Og verra verður það ef við skiptum ekki um stjórn fljótlega.

[Björn Birgisson, 1.1.2011 kl. 22:10]

"Ég mælist til þess við Landvættirnar að þær skerist í leikinn og sendi okkur  betri þingmenn."

Ég er til.

Gleðilegt ár gamli fauskur.

[stormsveipur (IP-tala skráð) 1.1.2011 kl. 22:11]

Nú er kominn nýársdagur

nú er vilji Drottins skýr

ört mun þjóðar eflast hagur

aftur þegar Davíð snýr

[Heimir Lárusson Fjeldsted, 1.1.2011 kl. 22:17]

Er það rétt Baldur að þú sér kallaður Orðvar "blandst venner"?

[Baldur Hermannsson, 1.1.2011 kl. 22:21]

Bjössi, gleðilegt ár sömuleiðis. Þér að segja mæti ég nýja árinu með karlmannlegt brjóstið þanið af bjartsýni ..... reikna fastlega með því að forgjöfin lækki úr 10,2 niður í 7,0. Ég verð ótrúlega góður í sumar.

[Baldur Hermannsson, 1.1.2011 kl. 22:22]

stormsveipur, margir munu taka undir ákall okkar til Landvættanna.

[Baldur Hermannsson, 1.1.2011 kl. 22:22]

Hef ekki heyrt það, Heimir, en ég mun gera kröfu um það hér eftir.

[Bárður Bringdal (IP-tala skráð) 1.1.2011 kl. 23:58]

Ég er mest hræddur um að landvættirnir myndu reka landslýð á haf út og segja, "Landið er fagurt og frítt en fólkið er helvíti skítt", amen.

[Baldur Hermannsson, 2.1.2011 kl. 08:23]

Bárður, þessi hugsun hefur svo sem flögrað að manni.