Nú getur Ólafur bætt tjónið

Mun Ólafur Ragnar nota þetta einstæða tækifæri sem örlögin færa honum til þess að bæta fyrir misgjörðir sínar og ná sátt við þjóðina?

Ólafur undirritaði Icesave lögin á liðnu sumri með þeim útskýringum að það gerði hann í krafti fyrirvaranna sem Alþingi samþykkti - þessir fyrirvarar væri trygging fyrir hagsmunum Íslands. Nú eru þessir fyrirvarar að engu orðnir vegna ræfildóms Jóhönnu, Steingríms og Össurar.

Ólafur á því engan kost annan en synja nýju lögunum staðfestingar. Ólafur hefur hagað sér illa sem forseti og hann er búinn að gjöreyðileggja virðingu þessa fornfræga embættis. Hann hefði aldrei átt að vera forseti. Hann er alltof gallaður maður til að vera forseti.

En nú getur hann bætt tjónið til muna.

Tíu þúsund skrifað undir

Athugasemdir

[Haraldur Hansson, 28.11.2009 kl. 16:21]

Ólafur Ragnar á tveggja kosta völ.

Hann nýtti synjunarheimild fyrstur forseta og gaf tóninn. Hann undirritaði IceSave með vísan í fyrirvara, sem nú eru horfnir.

Hann á ekki aðra kosti en að neita að skrifa undir eða segja af sér.

(Hressandi að sjá þig aftur á blogginu)

[Baldur Hermannsson, 28.11.2009 kl. 16:23]

Sömuleiðis Haraldur :)

[Baldur Hermannsson, 28.11.2009 kl. 16:24]

Skást væri líklega að hann segði af sér.

[Björn Birgisson, 28.11.2009 kl. 17:34]

Auðvitað skrifar Ólafur Ragnar undir, sem er í sjálfu sér afleitt. Hvað verður um okkur ef hann neitar að pára nafnið sitt? Hver andskotinn tekur þá við?

[Baldur Hermannsson, 28.11.2009 kl. 17:36]

Kommon Björn, er öll ævintýraþráin dauð sem fyrrum brann í æðum þér?

[Björn Birgisson, 28.11.2009 kl. 17:48]

Baldur, ertu að segja að synjun staðfestingar sé góð fyrir áhættufíkla? Hversu góð gæti hún orðið fyrir land og þjóð?

[Baldur Hermannsson, 28.11.2009 kl. 17:51]

Íslendingar hafa alltaf þurft að standa á rétti sínu gagnvart Bretum. Líka núna.

[Björn Birgisson, 28.11.2009 kl. 17:54]

Já, já, annars gaman að sjá þig hér aftur, gamli skunkur!

[Baldur Hermannsson, 28.11.2009 kl. 18:03]

Sömuleiðis Björn.