Hún hjarir en hún er dauð. Steindauð.

Þjóðin er gríðarlega óánægð með ríkisstjórnina og mótmælin beinast gegn henni mestan part. Ef þjóðin sæi að allt væri með felldu í stjórnarráðinu og þær væri fólk að vinna landinu gagn, þá yrðu engin mótmæli. Ég tek eftir því á mínum vinnustað, þar sem 90% eru kommúnistar, að allir eru þeir búnir að gefast upp á stjórninni. Ekki einn einasti heiðarlegur vinstri maður ber lengur blak af henni. Hún hjarir en hún er dauð. Steindauð.

Boða til mótmæla á morgun

Athugasemdir

[Gústaf Níelsson, 17.1.2011 kl. 01:16]

Þetta er kannski spurningin um að skipta um vinnustað, Baldur? Og "heiðarlegu vinstrimennirnir" geta auðvitað skipt um skoðun, ekki satt? Þessi stjórn er fjarri því að vera dauð, hún mun færast í aukana og láta okkur blásnauðann lýðinn ákveða hvort hún eða slorugir kapítalistar eiga að stjórna þessu landi, og Stjáni Blái mun tapa í þeirri atkvæðagreiðslu, held ég.

[Guðjón Sigþór Jensson, 17.1.2011 kl. 11:22]

Hvaða ríkisstjórn sérðu betri Baldur? Ekki er svo að skilja að þú saknir spillingarflokkanna? Eða er það virkilega svo?

Gústaf: Hvern stjórnmálamann nefnir þú Stjána bláa? Varla Kristján Möller eða Kristján fyrrum bæjarstjóra á Akureyri sem Akureyringar eru sagðir hafa kosið á þing til að losna við hann úr bæjarpólitíkinni?

Man aðeins eftir gamallri þjóðsagnapersónu, sægarp með þessu nafni, þekkt í kvæði Arnar Arnarsonar.

Mosi

[Baldur Hermannsson, 17.1.2011 kl. 12:32]

Mosi, það væru allar stjórnir betri en þessi. Við þurfum kosningar í vor og kannski aftur næsta ár, stjórnmálaflokkarnir verða að koma til móts við óskir landsmanna um nýtt fólk og nýja siði.

[Guðjón Sigþór Jensson, 17.1.2011 kl. 16:32]

Ekki myndi eg fúlsa við kosningum en til hvers?

Á síðasta ári voru þrívegis kosningar og fannst mörgum nóg um. Sjálfur var eg feginn, hafði 3 daga verkefni að starfa í kjörstjórn. Var það eina launaða vinna mín yfir vetrartímann.

Mosi

[Helgi (IP-tala skráð) 19.1.2011 kl. 18:58]

@Mosi:

Þetta er orðin ansi þreytt tugga með spillingarflokkana. Er hrunið líka Sjöllunum að þakka? Þeir sem halda það hafa ekki hugmynd um hvað olli hruninu. Eru vandræðin í fjármálakerfum annarra landa líka Sjöllunum að þakka?

Til hvers kosningar? Finnst þér eðilegt að safna öllum þessum lánum frá AGS sem eru algerlega óþörf!! Er ekki nóg að borga 74 milljarða í vexti og afborganir í ár? Á enn að bæta við þessa lánasúpu? Það er heldur ekki í lagi að vera með fjármálaráðherra sem segir í fyrra að hagvöxtur sé en örfáum dögum síðar kemur í ljós að samdráttur er. Laug maðurinn eða vissi hann ekki betur?