Trunturnar frýsa, ausa og prjóna

Það gengur fram af manni að sjá hvernig kommatruntur landsins bregðast við útskýringum forsetans. Kommatrunturnar komu honum á Bessastaði með harðfylgi á sínum tíma og það var ekki lítið afrek, því Ólafur Ragnar var ár eftir ár kosinn óvinsælasti stjórnmálamaður landsins. Nú frýsa, ausa og prjóna þessar sömu truntur eins og hryssur í látum vitandi af gröðum fola í banastuði handan við næstu girðingu.

Álfheiði væri nær að fjargviðrast yfir eigin ódæðisverkum, ofbeldi og árásum á á láglaunaða lögregluþjóna, ofsóknum og áminningum á hendur grandvörum embættismönnum, en láta forsetann í friði.

Til að forðast misskilning tek ég fram að aldrei kaus ég Ólaf, þótt mér hafi að vísu aldrei á ævinni liðið jafn illa í kjörklefa og daginn sem ég krossaði við Pétur Hafstein. Annars er Margrét Þórhildur mín drottning, ég er stoltur af henni og er skítsama hvaða gikk menn kjósa á Bessastaði.

Ofbauð viðbrögð forseta Íslands

Athugasemdir

[Sigurbjörg Eiríksdóttir, 15.4.2010 kl. 13:44]

Margrét Þórhildur var örugglega þín prinsessa..Það snýr ýmislegt á haus þessa dagana hjá truntunum!

[Baldur Hermannsson, 15.4.2010 kl. 13:47]

Já Silla, ég er fæddur fyrir stofnun lýðveldis á Íslandi og hef aldrei yfirgefið konungsdæmið.

[Heimir Lárusson Fjeldsted, 15.4.2010 kl. 14:00]

Drottningin lengi lifi!

[Baldur Hermannsson, 15.4.2010 kl. 14:06]

Hún lifi!

[Jón Snæbjörnsson, 15.4.2010 kl. 14:20]

stendur ekki á skoðunum sýnum þessi - því "skotast" hún ekki yfir lækinn og sækir í meðal fyrir kroppinn

[Árni Gunnarsson, 15.4.2010 kl. 14:26]

Ólafur er auðvitað mikil yfirstærð í þessu samfélagi. Og hann mun standa þessar gusur af sér. Það eina sem gæti haggað því væri þá helst ef hann færi að reyna að bera sig yfir á hestbaki. Það virðist alls ekki passa fyrir hann.

Eins og ég held þó að búi í honum laginn hestamaður.

Og í alvöru: Hvern sjáið þið fyrir ykkur sem gæti tekið við hlutverkinu af honum?

[Björn Birgisson, 15.4.2010 kl. 14:32]

Aldrei hef ég kosið ÓRG. "Kommatrunturnar komu honum á Bessastaði með harðfylgi á sínum tíma og það var ekki lítið afrek, því Ólafur Ragnar var ár eftir ár kosinn óvinsælasti stjórnmálamaður landsins." Það hefur þurft meira til en bara kommana. Líklega all nokkra íhaldsmenn!

1996 fóru kosningarnar svona: Ólafur Ragnar 41,4%, Pétur Kr. Hafstein 29,5%, Guðrún Agnarsdóttir 26,4% og Ástþór Magnússon var hársbreidd frá því að ná kjöri með sín 2,7%. 

[Björn Birgisson, 15.4.2010 kl. 14:34]

Árni, ég nefni Rögnu Árnadóttur dómsmálaráðherra.

[Baldur Hermannsson, 15.4.2010 kl. 14:51]

Hehe Árni alltaf drjúgur með líkingamálið, Ólafur harkar af sér allt nema þegar hann fer út að ríða truntunum, hann ætti að láta þær eiga sig.

[Vilhjálmur Eyþórsson, 15.4.2010 kl. 15:51]

Grísinn ætti að senda í langan útreiðartúr á stuttri bryggju. En annars er ég kominn með ágætan kandídat í embættið. Guðna!

Það þarf að hafa mann á Bessastöðum sem kann að kyssa kýr. 

[hilmar jónsson, 15.4.2010 kl. 17:48]

Tókuð þið eftir því hvernig Ólafur allt í einu breyttist í Davíð Oddson í sjónvarpsviðtalinu í gær ?

[Baldur Hermannsson, 15.4.2010 kl. 18:03]

Hilmar, ég ber fulla virðingu fyrir þér og þínum skoðunum - en vinsamlegast ekkert guðlast á minni bloggsíðu, takk fyrir.

[Baldur Hermannsson, 15.4.2010 kl. 18:05]

Vilhjálmur, það eru tvö ár eftir að kjörtímabilinu og það gæti reynst Ólafi langur tími. Þess ber þó að gæta að til pólitískra sviptinga gæti dregið á þessum tveim árum, og hann vill væntanlega hafa hönd í bagga og tryggja viðvarandi vinstri slagsíðu.