Reynir pönkast á Bjarna Ben

Reyni Traustasyni finnst skemmtilegt að pönkast á mönnum. Hann pönkaðist á Björgólfi og hældist mjög af pönkinu. Nú pönkast hann í gríð og erg á Bjarna Ben. Bjarni kveinkar sér undan pönkinu og hringir í Hrein Loftsson. Svo vill til að Hreinn er gamall fallisti úr prófkjörsbaráttu í Sjálfstæðisflokknum. Hreinn bregst við fúlmannlega, kallar Bjarna símadóna og skellir á hann. Reynir Traustason æsist allur og heldur áfram að pönkast á Bjarna.

Sakargiftir á hendur Bjarna eru raunar engar. Hann á hlut í fyrirtæki sem á hlut í öðru fyrirtæki og það fyrirtæki var eitthvað að braska úti í heimi. Það er bara eins og gengur. Bjarni kom hvergi að þessu máli. Hans eina aðild er sú að hann á hlut í fyrsta fyrirtækinu, sem á síðan hlut í hinu sem fór að braska.

Samt heldur Reynir áfram að pönkast. Hann lætur í veðri vaka að Bjarni Ben sé stórglæpamaður að eiga hlut í fyrirtæki. DV makar drullunni á Bjarna. Við sem heima sitjum veltum því fyrir okkur hvort allur þessi drullumokstur skipti einhverju máli.

Því er til að svara: já, hann skiptir máli. Þegar drullu er makað á menn er óhjákvæmilegt að eitthvað loði við þá. Að vísu loðir meira við drullumokarann sjálfan en hann á heima í drullupyttinum og líður vel í honum.

Við skulum bara átta okkur strax á því að rógurinn bítur alltaf. Rógurinn hefur þegar bitið Bjarna Ben og mun halda áfram að gera það.  Það var óskiljanlegt fljótræði að hringja í Hrein Loftsson, manninn með 300 milljónirnar, manninn sem löngu hefur sagt skilið við siðaðra manna samfélag.

Bjarni Benediktsson er heiðarlegur maður, stálgreindur, vandaður og vel upp alinn - í einu orði sagt: drengur góður. Hann mun standa af sér rógsherferðina en  sá sigur verður honum dýrkeyptur.

Athugasemdir

[Offari, 14.12.2009 kl. 14:36]

Ég held að meðan við höldum endalaust áfram þessu skítkasti komust við aldrei uppúr drullupittnum.

[Baldur Hermannsson, 14.12.2009 kl. 14:41]

Það er örugglega hárrétt, Offari góður, en það er nú einu sinni náttúra margra að kunna best við sig þar sem drullupytturinn er dýpstur.

[Guðmundur 2. Gunnarsson (IP-tala skráð) 14.12.2009 kl. 14:42]

Auðvitað fauk í þá Hrein og Reyni "Upptekinn" vegna símadólgskaps Bjarna og það á helgidegi.  Maðurinn átti auðvitað að hringja beint í ritstjórann, Jón Ásgeir.

[Guðmundur 2. Gunnarsson (IP-tala skráð) 14.12.2009 kl. 14:50]

http://pressan.is/pressupennar/Lesa_Svein_Andra/hreinn-othverraskapur

[Finnur Bárðarson, 14.12.2009 kl. 14:53]

"pönkaðist á Björgólfi" var það ekki réttmætt pönk ?

[Baldur Hermannsson, 14.12.2009 kl. 14:55]

Takk fyrir þessa ábendingu, Guðmundur. Endilega smellið á linkinn sem Guðmundur gefið upp og lesið pistil Sveins Andra.

[Baldur Hermannsson, 14.12.2009 kl. 14:57]

Finnur, ég veit ekki neitt um það pönk og alls ekki hvort það ver réttmætt eður ei. Hvenær er pönk réttmætt? Ég get ekki svarað því en hitt veit ég að Reynir Traustason er enginn Lukku-Láki, hann pönkast á mönnum sér til skemmtunar og til þess að selja DV en ekki á vegum réttlætiskenndar.

[Guðmundur 2. Gunnarsson (IP-tala skráð) 14.12.2009 kl. 15:21]

Þar sem Hreini tókst að gera söluforsíðu fyrir Reyni með því að hafa ekkert ritstjórnanlegt vald yfir ritsóðanum, er ekki í vegi fyrir mannorðstilræðismanninn að pönkast á einum þungavigtarmanni í Baugsskólpkerfinu.  Sjálfum 300 miljóna mútubjóðinum Hreini Loftssyni.  Þar fengi Reynir frítt ritstjórnanlegt spil eins og þekkt er og afar sölulega forsíður í marga daga.  Ekkert ritskoðað Björgólfs pönk eða óþægilegar hljóðupptökur.  Sama fría ritstjórnarlega spilið og hann hefur haft með Jón Ásgeir og Baugsmafíuna.  Enda ekki staðið á Reyni í að notfæra sér ritstjórnarlegt frelsið og pönkast í þeim út í eitt eins og alþjóð veit.

http://www.litlaisland.net/corruption/200/hreinn-loftsson/

[Heimir Lárusson Fjeldsted, 14.12.2009 kl. 16:02]

Reynir Traustason er ekki skárri kostur en Hreinn, er þá mikið sagt.

[Baldur Hermannsson, 14.12.2009 kl. 16:58]

Þjófurinn þrífst en þjófsnauturinn aldrei, sagði kellingin fræga. Mér finnst Reynir þrátt fyrir allt skárri en  Óhreinn.

[Vilhjálmur Eyþórsson, 14.12.2009 kl. 19:24]

Stefán heitinn Valgeirsson sagði einu sinni: "Þegar sannleikurinn er kominn upp að Elliðaám, er rógurinn kominn norður á Langanes". Þótt Stefán verði seint í hópi átrúnaðargoða minna, ratast kjöftugum stundum satt á munn. Því miður er til fólk, sem tekur mark á Reyni Traustasyni. Bjarni stendur sig vel í erfiðri stöðu og verður vonandi forsætisráðherra strax á næsta ári. 

[Baldur Hermannsson, 14.12.2009 kl. 19:31]

Allir góðir menn hljóta að taka undir með þér - Bjarni stendur sig vel í erfiðri stöðu. Davíð Oddsson og Bjarni Ben senior gættu þess að flækjast ekki í bisniss. Formaður Sjálfstæðisflokksins ætti ekki að vera í bissniss. Það verður notað gegn honum.

[Björn Birgisson, 14.12.2009 kl. 20:04]

Ef Bjarni Ben. verður forsætisráðherra, hvað ætlið þið þá að gera við Þorgerði Katrínu?

[Björn Birgisson, 14.12.2009 kl. 20:05]

......................  hvernig læt ég, auðvitað verður hún ráðherra bankamála!

[Sveinn hinn Ungi (IP-tala skráð) 14.12.2009 kl. 20:10]

Það er pönkast á Steingrími Joð alla daga, ekkert hrín á honum.

Ég veit ekki betur, en allt sé sannleikanum samkvæmt sem komið hefur fram í DV um þetta mál. Hvers vegna er þá Bjarni Ben í vandræðum?

[Baldur Hermannsson, 14.12.2009 kl. 21:15]

Sveinn, DV ýjar að því að hann hafi verið virkur í einhverju sem ekki var allskostar gott. Ég kaupi ekki DV og veit ekki meira um málið en stendur á dv.is. Í svona málum stendur orð gegn orði. DV getur sagt allt sem þeim dettur í hug og hann getur ekki afsannað það. Eins og ég segi: það er ekki sniðugt fyrir formann flokks að vera í bisniss. Fyrr eða síðar verður það notað gegn honum.

[Baldur Hermannsson, 14.12.2009 kl. 21:16]

Björn, eigi verður þér að þeirri ósk þinni!

[Jón Snæbjörnsson, 14.12.2009 kl. 21:30]

held að sama hversu heiðralegur maður er þá fara stjórnmál samhliða atvinnurekstri illa saman, ágætur þessi hjá Birni að gera ÞKG að Bankamálaráðherra hehe tja hver veit

[Baldur Hermannsson, 14.12.2009 kl. 22:03]

ÞKG er eins pólitískt steindauð og hugsast getur, hún mætir að vísu í sjónvarpsviðtöl sem bendir til að hún sé einskonar zombie - pólitískur zombie.

[Baldur Hermannsson, 14.12.2009 kl. 22:05]

Annars finnst mér ferlegt ef reyndir dugandis menn úr atvinnulífinu mega ekki fara í pólitík, okkur vantar einmitt þess konar menn á þing og ráðherrastóla. Nóg er af þessum hálfmenntuðu, þröngsýnu og grunnhyggnu kjaftöskum sem ekkert geta annað en talað.

[hilmar jónsson, 14.12.2009 kl. 22:59]

Ef Bjarni er alsaklaus af því braski sem ýjað er að í Dv, þá ætti honum ekki að vera vorkun að gera hreint fyrir sínum dyrum.

En það virðist vera lenska hjá Sjálfstæðismönnum, sé hallað á þá í fjölmiðlum, að heimta ritskoðanir og helst brottrekstra..þessi líka "lýðræðisflokkur"

Að öðru leyti tek ég undir með Sveini unga; Á engum hefur verið pönkast jafnmikið og Steingími.J. Og það fyrir þær einu sakir að leggja sig allann í það að reyna að þrífa upp óþverann eftir flokk Bjarna.B...

[Jón Snæbjörnsson, 14.12.2009 kl. 23:06]

já  Baldur, en þá verður viðkomandi að vera með allt sitt á kristal tæru - anskotanum verra að láta hengja sig upp (næstum á sprellanum) fyrir þær sakir einar að vera sonur föður síns eða að hafa verið dugnaðar forkur í viðskiptum

Bjarni er ákaflega góður og vel gerður maður, þarf ekki fleiri orð um það - mig svíður að sjá "rítstjórann" koma svona fram og kanski að komast upp með það.......

[Baldur Hermannsson, 14.12.2009 kl. 23:09]

Hilmar, kjarni málsins er sá að þegar maður sem á hlut í fyrirtæki sem á hlut í öðru fyrirtæki sem stendur í braski, þá er fræðilega útilokað fyrir hann að leggja fram sannanir fyrir því að hann hafi ekki átt hlut í braskinu. Það er alltaf hægt að segja eins og DV gerir: hann hlýtur að hafa vitað það. Þetta er no-win staða hjá Bjarna.

Hisn vegar er það alrangt að menn hafi pönkast á Steingrími. Menn hafa borið honum á brýn að hafa svikið fyrirheit kosninganna, en það eru aðallega hans eigin flokksmenn sem það gera og það er heldur ekkert umdeilt að þeir hafa rétt fyrir sér. En hann hefur ekki verið vændur um neitt glæpsamlegt athæfi, svindilbrask eða nauðganir. Menn hafa ekki pönkast á honum.

[Baldur Hermannsson, 14.12.2009 kl. 23:10]

Jón, Bjarni er í no-win stöðu. Sama hverjar staðreyndir eru, hann getur ekki annað en tapað þessum slag.

[Björn Birgisson, 14.12.2009 kl. 23:15]

Hvenær komst sögnin að pönkast inn í málið okkar? Baldur, er Bjarni á útleið?

[Baldur Hermannsson, 14.12.2009 kl. 23:19]

Reynir Traustason gerði það í samtalinu við blaðamanninn sem hann rak - en sá hafði tekið samtalið upp á segulband. Hann lýsti því fjálglega hvernig hann hefði pönkast á mönnum.

Ég ímynda mér að Bjarni lifi af þessa hríð en Sjálfstæðisflokkurinn mun þurfa að greiða gjaldið. Þúsundir manna - jafnvel tugþúsundir - sem gætu hugsað sér að kjósa flokkinn vegna stefnunnar munu hafna honum vegna áhafnarinnar.

[Björn Birgisson, 14.12.2009 kl. 23:28]

Baldur, ég ætla rétt að vona að þú sért spámannlega vaxinn.

[Baldur Hermannsson, 14.12.2009 kl. 23:43]

Ég veit þú vonar, ég veit, ég veit.

[Steingrímur Helgason, 14.12.2009 kl. 23:51]

Engeyjarblóminn er fallinn að trúverðugleika undanfarna daga.

Við gefum það lítt lagað, Baldrið mitt vænt.

[Baldur Hermannsson, 15.12.2009 kl. 00:10]

Við bara ypptum öxlum og reynum að gera það vel.

[Jens Guð, 15.12.2009 kl. 05:59]

  Ég var blaðamaður í þrjá áratugi og starfaði við útvarp þar til hliðar.  Stundum kom upp sú staða að menn voru ósáttir við það sem ég lét frá mér fara.  Reyndar - eftir á að hyggja - ótrúlega fáir.  Þá höfðu viðkomandi samband við mig og ræddu málin.  Alltaf með lendingu sem sátt varð um.  Það er eðlilegasta afgreiðsla.

  Mér er kunnugt um tvö dæmi þar sem ekki var haft samband við mig heldur útgefanda og í einu tilfelli útvarpsstjóra.  Þá var erindið krafa um að ég yrði rekinn.  Sem ekki var orðið við.  Enda óeðlileg afgreiðsla.

  Eins og ég þekki fjölmiðlamarkaðinn eru skrítin vinnubrögð að krefja útgefanda um aðgerðir áður en látið er reyna á samkomulag við blaðamann.  Það er pönk.  Blaðamaðurinn á að vera sem óháðastur útgefandanum.  Nema í Rússlandi.  Þar er þetta öðruvísi.  

[Baldur Hermannsson, 15.12.2009 kl. 07:14]

Jens, ég hef einnig starfað á fjölmiðlum og er sammála þeim óformlegu verklagsreglum sem þú talar um. Það var mikið axarskaft að hringja í Hrein Loftsson og eiginlega ætti enginn að hringja í þann mann nema þá helst kófdrukkinn.

[Gísli Ingvarsson, 15.12.2009 kl. 11:25]

Eruði búin að gleyma Lúðvíki Bergvinssyni? Það var pönkast á honum svo nú er hann kominn með lögfæðistofu í Kringlunni í stað þess að vera í forystu Samfó á þingi.

[Baldur Hermannsson, 15.12.2009 kl. 14:08]

Hver pönkaðist á honum? Var það líka Reynir? Kannski verður Bjarni kominn með kontór við hliðina á honum ainnan tíðar.

[Jón Snæbjörnsson, 15.12.2009 kl. 14:32]

þessu er nú ekki lokið enn með Bjarna - hvernig var það Baldur fældi ÞKG Ásdísi Höllu frá flokknum ?

[Baldur Hermannsson, 15.12.2009 kl. 14:34]

Ég veit það ekki Jón en efast um það. Halla var í flottu starfi sem sveitarstjóri í Garðabæ og hafði þar höfuðvígi sem enginn gat hrakið hana úr. Hef ekki hugmynd um hvar stelpan er niður komin núna.

Því miður er ég hræddur um að ÞKG fæli kjósendur í hrönnum frá flokknum núna.

[Jón Snæbjörnsson, 15.12.2009 kl. 15:00]

sammála þér með ÞKG en hún virðist ekki þekkja sinn vitjunartíma,  það er virðing af því að stíga til hliðar með reisn þe sé það ekki nú þegar of seint.

[Baldur Hermannsson, 15.12.2009 kl. 15:14]

Hvort það er. Það er bara eins og þessir pólitíkusar þekki yfirleitt ekki sinn vitjunartíma. Hún átti að hoppa af vagninum fyrir löngu. Hún stórskaðar flokkinn. En kannski er öllum orðið sama um þennan Sjálfstæðisflokk, hvað veit ég. Vona bara að Arsenal standi sig í kvöld.

[Baldur Hermannsson, 15.12.2009 kl. 15:16]

Reyndar spilar Arsenal ekki fyrr en á morgun.

[Jón Snæbjörnsson, 15.12.2009 kl. 15:24]

Arsenal ? ég er nú ekki mikill fótboaltakall eins og svo margir á þó mitt uppáhaldslið eða þannig, Watford en það er nú bara vegan þess að hann Elton John átti í þessu liði þegar ég var við nám í englandi fyrir löngu - nú og svo er það Grótta hérna heima, svík ekki heimahagana

[Baldur Hermannsson, 15.12.2009 kl. 15:38]

Fallega mælt, svík þú aldrei ættland þitt í tryggðum.......

[Guðmundur 2. Gunnarsson (IP-tala skráð) 15.12.2009 kl. 17:22]

Hér skrifar Jón Ásgeir Jóhannesson um blogghöfundinn með sýrupennanum sínum hundtrygga Jóhanni Haukssyni.

http://www.dv.is/blogg/johann-hauksson/2009/12/15/vaelandi-fallbyssupenninn-baldur/

[Baldur Hermannsson, 15.12.2009 kl. 17:53]

Afar einkennilegur pistill. Nenni ekki að svara honum núna. Geri það í kvöld eða á morgun. Nú er ég að lesa skemmtilega bók eftir Montefiore: Heroes, History´s greatest Men and Women............

[Baldur Hermannsson, 15.12.2009 kl. 17:54]

Svolítið hissa að Davíð Oddsson skuli ekki vera í þessari bók.

[Baldur Hermannsson, 15.12.2009 kl. 19:51]

Jóhann Hauksson kallar mig til yfirheyrslu á bloggsíðu sinni vegna þessara orða í ofangreindri færslu:

"Við skulum bara átta okkur strax á því að rógurinn bítur alltaf. Rógurinn hefur þegar bitið Bjarna Ben og mun halda áfram að gera það.  Það var óskiljanlegt fljótræði að hringja í Hrein Loftsson, manninn með 300 milljónirnar, manninn sem löngu hefur sagt skilið við siðaðra manna samfélag."

Ég er enn að brjóta heilann um hvers vegna Jóhann skrifar ekki á þessa bloggsíðu og spyr mig hér. Ekki myndi ég úthýsa gömlum borðtennisfélaga þótt hann sé kominn í bland við tröllin.

Svarið við spurningu Jóhanns er jafn augljóst og það er einfalt. Það tilheyrir ekki siðaðra manna þjóðfélagi að bera mútur á fólk. Jóhann dregur inn í umræðuna meinta stöðu Hreins Loftssonar í Sjálfstæðisflokknum og telur að honum hafi verið boðið embætti útvarpsstjóra - það bendir til þess að hann hafi víða verið hátt skrifaður sem gerir þá fall hans sýnu hærra en áður var talið.

Ég mælist svo til að Jóhann skrifi á þessa bloggsíðu hafi hann eitthvað við færsluna að athuga. Það er hálf hlálegt að kallast svona á milli bloggsíðna.

Hér er bloggsíða Jóhanns ef einhver skyldi vilja lesa pistil hans og læra af honum hvernig dyggur rakki geltir að þeim sem sproksetja húsbónda hans.

[Björn Birgisson, 15.12.2009 kl. 20:59]

Ef ekki væri Sjálfstæðisflokkurinn! Hvað gætum við, almennir borgarar, rætt um? Alltaf gaman að velta sér upp úr spillingunni, eða "meintri spillingu". Ég elska íhaldið, en bara á þriðjudögum kl. 20-22. 

[Baldur Hermannsson, 15.12.2009 kl. 21:21]

Er það happy hour þarna suður með sjó?

[Baldur Hermannsson, 15.12.2009 kl. 21:23]

Afsakið, gleymdi að setja inn síðu Jóhanns Haukssonar, Guðmundur var reyndar búinn að því fyrir mig:

http://www.dv.is/blogg/johann-hauksson/2009/12/15/vaelandi-fallbyssupenninn-baldur/

[Sigurbjörg Eiríksdóttir, 15.12.2009 kl. 21:26]

Jæja jæja, maður er nú aldeilis búin að lesa:)

[Baldur Hermannsson, 15.12.2009 kl. 21:30]

Silla, þú gengur inn um dyrnar sem verðugur fulltrúi kvenþjóðarinnar. Hvað finnst ykkur kvenfólkinu um pönkið? Hvernig liði þér ef Reynir Traustason færi nú upp úr þurru  að pönkast á þér?

[Sigurbjörg Eiríksdóttir, 15.12.2009 kl. 21:44]

Þér að segja, bara prívat líst mér ekki á neitt sem kemur frá DV. Fjölskyldan hefur af því slæma reynslu....ekki orð um það meir. Nenni ekki í svona pönk.

[Björn Birgisson, 15.12.2009 kl. 21:44]

Merkilegt! Reynir Traustason byrjaði að pönkast á einhverjum strákræfli. Er hann slíkur höfðingi og leiðtogi að þegnarnir þurfi að taka upp þetta nýmæli og gera að sínu. Baldur, það er bara dónalegt að gera því skóna að umræddur Reynir, þinn uppáhalds nýyrðasmiður, fari að pönkast á henni Sillu. Hún er demantur. Reynir er bara hattur.

[Sigurbjörg Eiríksdóttir, 15.12.2009 kl. 21:46]

Takk félagi Björn!

[Andrés Ingi (IP-tala skráð) 15.12.2009 kl. 21:46]

Það er greinilega slatti af skapgerðarbrestaliði á DV.

[Baldur Hermannsson, 15.12.2009 kl. 22:13]

Það fyndna er auðvitað að ég hef bæði skömm og skemmtan af Reyni Traustasyni ofurpönkara. Þetta er gamall sjóari vestan af fjörðum sem lifði á trosi og hákarlalýsi, slóst á böllum og giljaði stelpurnar, þeir voru fræknir fiskimenn og allur sá pakki - svo venti hann sínu kvæði í kross, hætti að pönkast á þorskinum, tók rútuna suður, fór í blaðamennsku og byrjaði að pönkast á fólki. Fremur óvenjulegur maður, ég verð að segja það. Sennilega margar mismunandi skepnur inni í honum.

[Guðmundur 2. Gunnarsson (IP-tala skráð) 15.12.2009 kl. 22:55]

Fer alltaf að hlæja þegar kallinn mætir á svæðið.  Sé alltaf fyrir mér litla blaðastrákinn með upptökutækið góða. og að hann skuli vera svo skini skroppinn að telja sig vera hvítþveginn vegna þess að hann bað einhver afsökunar á óþverraskapnum í sér og syninum.  En hvað er þetta með kalla á hans reki og hatta?  Fyrstur var það Róbert Árni Hreiðarsson lögmaður og dæmdur maður fyrir afbrigðilegheit.  Síðan kom "Lille ven" Guðmundur í Byrginu og dæmdur maður fyrir afbrigðilegheit og núna Reynir Traustason pönkari og mannorðsmorðingi....????  En Jóhann Hauksson er bara sýrupenni Jóns Ásgeirs og reynir ekki einu sinni að leyna því.  Gengur hann með svona Indiana Jones hatt? 

Hugsanlega er það ekki gott mál að ganga með hatt.

[Hörður B Hjartarson, 15.12.2009 kl. 23:22]

    Baldur !

    Eins og þú efalaust veist , þá hefur öll Engeyjarættin átt afar bágt áratugum saman , sérstaklega Valgerður , sú sómakona , að tilheyra henni , þar hljótum við að vera lega sammála (sem endranær) , eða er ekki svo ?

[Hörður B Hjartarson, 15.12.2009 kl. 23:31]

    Björn B !

    Ég er sko lega sammála þér , auðvitað verður Þorgerður Kína bankamálaÓráðherra , og fer létt með það , með diggri aðstoð síns ektamanns .

[Björn Birgisson, 16.12.2009 kl. 00:40]

Borðliggjandi, Hörður B. ! 

[Baldur Hermannsson, 16.12.2009 kl. 02:36]

Guðmundur, ég veit ekki með hatta, þar fer náttúrlega Indiana Jones fremstur í flokki, en um tagl segja engilsaxar: under a ponytail you´ll always find an asshole.

[Baldur Hermannsson, 16.12.2009 kl. 02:40]

Hörður og Björn, ég vildi að ég hefði ykkar sterku trú á að Sjálfstæðisflokkurinn sé yfirleitt að fara í ríkisstjórn á næstu mánuðum eða vikum. Það er alveg öruggt að ÞGK á ekki langa lífdaga fram undan á lista Sjálfstæðisflokksins, svo þetta hlýtur að gerast alveg á næstunni. Auðvitað er ég sammála ykkur um að landinu verði ekki stjórnað án íhaldsins eins og málum er háttað, en vænlegast fyrir Sjálfstæðisflokkinn væri samt að fara í kosningar áður en hann tekur aftur við stjórntaumum.

[Hreinn Loftsson (IP-tala skráð) 16.12.2009 kl. 08:43]

Þú þykist tilheyra siðuðu samfélagi Baldur en sakar saklausan mann um lögbrot. Ég hef aldrei borið mútur á nokkurn mann eða gert tilraun til þess. Raunar hefur Davíð Oddsson staðfest sjálfur að það voru aldrei boðnar neinar mútur á fundi okkar í London 26. janúar 2002. Í Morgunblaðinu og Kastljósi RUV 3. mars 2002 sagði Davíð að hann ætlaði mér ekki slíkt: "áréttaði að hann hefði aldrei sagt að Hreinn hefði verið aðili að því að bera á sig mútufé og það myndi hann aldrei ætla honum".

[Hreinn Loftsson (IP-tala skráð) 16.12.2009 kl. 09:11]

3.mars 2003 átti þetta nú að vera.

[Baldur Hermannsson, 16.12.2009 kl. 10:00]

Samkvæmt öllu því sem fram kom, bæði hans orð og þín, er erfitt að ætla annað en þú hafir verið milligöngumaður.

[Heiða B Heiðars (IP-tala skráð) 16.12.2009 kl. 11:10]

Mér sýnist "aðal-pönkið" vera í boði Bjarna Ben og Sjálfstæðisflokksins. En það talar enginn um það hérna. Þó ekki væri fyrir annað en það að NAFN formanns Sjálfstæðisflokksins skuli koma að milljarða viðskiptum þá væri það vægast sagt óeðlilegt og beinlínis siðlaust.... og svo er allt hitt bara bónus.

En hérna veltir fólk sér upp úr því að skjóta sendiboðana. Djöfull hefur maður nú litla trú á því að hérna verði hægt að byggja um almennlegt samfélag eftir svona lestur.

Ef Bjarni er saklaus eins og hvítvoðungur þá hlýtur hann að geta sýnt fram á það.... ég bíð spennt

[Guðmundur 2. Gunnarsson (IP-tala skráð) 16.12.2009 kl. 11:22]

Reynir og Hreinn geta örugglega náð asskoti mörgum sölulegu forsíðum ef ritsjórinn myndi "pönkast" á eigandanum sjálfum sem hann er algerlega óháður eins og Hreinn "ekki mútubjóður" heldur grínari hefur tekið skýrt fram.  Örugglega myndi ekki skemma ef Reynir "upptekni" myndi kíkja sérstaklega á Jón Ásgeir og Baugsmenn með Baugssýrupennanum Jóhanni Haukssyni og jafnvel samstarfið við eiganda DV.  Getur verið að eigandi DV er ánægður með allar söluforsíðurnar sem hann hefur misst af vegna sérkennilegs "fréttapönkmats" Reynis sem hefur aldrei séð neitt athugavert við framgöngu þess sem margir vilja meina að bera mun meiri ábyrgð á hörmungum þjóðarinnar en sennilega allir aðrir til samans.  Einhverra hluta vegna hefur pönkarinn og eigandinn ekki séð gullnámuna sem þar er að finna.  Nema að að þeir hafi prívat beinan aðgang að gullnámunni?

[Hreinn Loftsson (IP-tala skráð) 16.12.2009 kl. 11:25]

Það er einfaldlega rangt. Þetta var pólitískt moldviðri sem Davíð Oddsson þyrlaði upp til að draga athyglina frá óþægilegri umræðu í aðdraganda kosninga 2003. Þú hefur tekið afstöðu í þessu máli vegna vináttu þinnar við Davíð Oddsson eða hrifningar á honum. Mig þekkir þú ekki neitt og það er sjálfsagt þægilegt fyrir þig til þess að geta haldið áfram þínu ósiðlega framferði. Þú ert að dylgja um alvarlega hluti sem þú veist ekkert um. Ég endurtek: Það voru engar mútur boðnar, engin tilraun var gerð til að bera mútur á einn eða neinn og ég var ekki milligöngumaður um neitt slíkt.

[Heiða B Heiðars (IP-tala skráð) 16.12.2009 kl. 11:26]

Guðmundur 2. Ég er nú bara fávís kona og ekki nógu skörp til að skilja þetta rósamál þitt.

En daginn sem ég fæ að velja fréttirnar sem birtast í Morgunblaðinu skal ég beita mér fyrir því af öllum mætti að þú fáir að velja fréttirnar í DV. Díll?

[Baldur Hermannsson, 16.12.2009 kl. 11:58]

Hæ Heiða, en undurljúft að sjá þig hérna svo snemma dags. Bjarni Ben er ekkert að pönkast, það er ekki hans háttur. Þú manst hvernig var hjá Halldóri Ásgrímssyni, hann lá undir eilífum dylgjum vegna þess að fjölskylda hans átti fyrirtæki í sjávarútvegi. Það ætti að vera öllum ljóst að formenn í stjórnmálaflokkum ættu ekki að standa í bisniss. Þeir kalla yfir sig óendanleg vandræði. Andstæðingarnir og DV munu alltaf halda uppi dylgjum og aðdróttunum sem engin leið er að skrúbba af sér. Það er ekki alltaf hægt að sanna að maður hafi EKKI vitað eitthvað. Ég get til dæmis EKKI sannað að ég hafi EKKI vitað um afdrif Geirfinns og hvernig ætti ég að sanna að ég hafi EKKI vitað um hvað var að gerast í fyrirtækjum Bjarna Ben? Við megum ekki snúa við sönnunarbyrðinni, Heiða, en það gerir DV þegar vel liggur á þeim.

[Baldur Hermannsson, 16.12.2009 kl. 12:26]

Hreinn, það er nú mesti óþarfi að viðhafa stóryrði hér, það ert þú en ekki ég sem gerir út DV og stjórnaði Baugi Group.

[Rannveig H, 16.12.2009 kl. 12:26]

Fallbyssupenninn Baldur!! Það er eini stóri sannleikurinn í þessu. Baldur minn mér finnst þér vera fullkunnugt um Uppeldi Bjarna, heldurðu að uppeldið hafi misfarist á ÞKG? Þér að seiga var uppeldið á Reyni mjög gott.  Bjarni á ekki að vera í bissins og það vissi hann það er ekki bæði sleppt og haldir og það VERÐA íhaldsmenn yfir höfuð að læra.  Halldór Ásgrímsson fór fram með óþvera í sjávarútvegi sér og sínum í vil það voru ekki dylgjur. Eitt er víst að stórisannleikurinn í þessu á ekki eftir að koma nema með rannsókn sem vonandi verður og Bjarni ætti að beita sér fyrir því.

Baldur ertu ekki sammála mér í því að pólitíkusar ráða ekki yfir höfuð við þau vandamál sem uppi eru í dag? Við þurfum þjóðstjórn næstu 3-4 árin.

[Baldur Hermannsson, 16.12.2009 kl. 12:32]

Ég er alveg til í að skrifa upp á þjóðstjórn en með því skilyrði að Rannveig Höskuldsdóttir verði forsætisráðherra :)

[Rannveig H, 16.12.2009 kl. 12:46]

Baldur !! Viltu gjöra svo vel að rökræða þetta, en ekki svona ljóskusvar;)

[Hreinn Loftsson (IP-tala skráð) 16.12.2009 kl. 13:13]

Baldur, ég gengst við ábyrgð á því að gefa út DV og einnig var ég í stjórn Baugs Group hf. og stjórnarformaður þar fram til vors 2007. Ritstjórn DV ber ábyrgð á efni blaðsins og þó að einhverjir hlaupastrákar í Sjálfstæðisflokknum séu að reyna að halda því fram að ég skrifi blaðið meira og minna sjálfur, þá er það einfaldlega rangt. Blaðið er í mikilli sókn undir ritstjórn Reynis Traustasonar, lestur þess er farinn að slaga hátt í lestur Morgunblaðsins samkvæmt könnunum sem við höfum látið framkvæma og áskrifendum hefur fjölgað um rúm 40% á nokkrum vikum. Ég var ekki með nein stóryrði í þinn garð en leyfði mér að benda þér á að þú varst að dylgja um hluti sem þú veist ekkert um.

[Guðmundur 2. Gunnarsson (IP-tala skráð) 16.12.2009 kl. 14:38]

Færsla Baldurs fjallar einmitt um hlut sem ritstjórinn "upptekni" veit augsýnilega ekkert um málefni Bjarna sem hljóta þá að flokkast sem "dylgjur" hjá útgefandanum.  Skítnum er hent og engar sannanir um meinta spillingu lagðar fram, sem hlýtur að vera lágmark þess að fjölmiðlar hafi þegar á að mannorðsmyrða þá sem henta ekki ritstjóra og útgáfuaðstandendum.  Sýnist útgefandi vera ósáttur ef hann fær að bragða á eigin meðulum.  Núna ber útgefandanum ekki saman við Bjarna benediktsson hvað fór þeim á milli í tveggja manna tali, frekar en honum og Davíð Oddssyni.  Ekki er ég viss um að hann njóti vafans meðal þjóðarinnar. 

Hvort skyldi hann vera stoltari af framgöngu sinni fyrir Jón Ásgeir Jóhannesson og Baugsgengið eða sem "meintur" eigandi að DV (sem áttu að hafa verið að hans sögn alvöru viðskipti þegar hann keypti blaðið af Jóni Ásgeiri  (O:  ) og bakka upp lygamerðina ritsjórann og afkvæmið, en sá fyrrnefndi var staðinn að ganga erinda eigandans sjálfs með að láta ritskoða sérlega óþægilega umfjöllun um Landsbankamenn og reyna að fremja mannorðsmorð á ungum blaðamanni með upptökutæki sem sá við ljúgandi "hákörlunum"?  Segir allt um meinta háttvísi sumra að ritstjórinn hafi verið verðlaunaður með að halda starfinu, enda örugglega vandfundnir aðrir eins pönkari meðal lægst metnu starfsbræðrum og sýrupennum sem eru þekktir leigumannorðsmorðingjar. 

Það mun vera Sigurjón M. Egilsson sem ku hafa fullyrt og komið fram í fjölmiðlum, að útgefandinn skrifi nafnlausu pistlana þar sem hatur og Davíðsheilkennið á lokastigi kemur sterkast fram í blaðinu, sem eru ansi margir eins og AMX benti svo eftirminnilega á.  En sennilega er ekki hægt að selja þá sögu dýrari en þær sem birtast á forsíðu DV snepilsins.  Mikið afskaplega væri nú spennandi ef útgefandinn legði fram sölu og lestartölur DV sem eiga að "slaga hátt uppí Morgunblaðsins" að hans sögn.  

Sveinn Andir Sveinsson hæstaréttarlögmaður skrifaði harðorða pistil í Pressuna um þennan atburð undir fyrirsögninni "Hreinn óþverraskapur", þar sem þetta kemur ma. fram: 

"Jafn óhöndugt og það var hjá Bjarna að reyna að koma vitinu fyrir eiganda DV er það ekki síður aumkunarvert hjá Hreini að búa til frétt úr slíku símtali."

"Hreinn hefur ávallt látið það í veðri vaka að hann sem eigandi hafi engin afskipti af ritstjórn DV. Sú staðhæfing hljómar frekar sérkennilega þegar það er haft í huga að strax eftir að samtali hans og Bjarna lauk, hringdi Hreinn inn frétt á sitt eigið blað um símtal sitt og Bjarna."

Síðan má spyrja.  Hvar var sjálfstæði ritstjóra þegar eigandinn átti að hafa stöðvað hann og litla DV manninn með upptökutækið þegar Landsbankamenn voru skornir úr snörunni á sínum tíma?  Var þá eigandinn ekki að hafa áhrif á ritstjórn DV?  Auðvitað átti Bjarni að tala við Jón Ásgeir.  Allir vita að "Kæri Jón" ræður öllu, eins og þingmaðurinn sagði.

[Baldur Hermannsson, 16.12.2009 kl. 14:53]

Rannveig, ég gefst upp - samþykki þjóðstjórn ef þú verður forsætisráðherra og Heiða utanríkisráðherra:)

[Baldur Hermannsson, 16.12.2009 kl. 14:58]

Guðmundur, það er gott að halda öllu vel til haga eins og þú gerir. Þú ert Fjögramaki. Það er óþarfi af þeim Hreini Loftssyni og Jóhanni Haukssyni  að láta eins og spjallaðar nunnur þótt við þeim sé blakað.

[Emil Örn Kristjánsson, 16.12.2009 kl. 16:54]

Ég geng reyndar oft með hatt og þykir ákveðinn stíll yfir því. Tel mig þó hvorki dæmdan né með afbrigðilegheit. Munurinn á mér og Reyni Tr. en hins vegar sá að ég veit að hattur er hlífðarfatnaður og maður sezt ekki niður í huggulegt skraf, hvað þá sjónvarpsviðtöl, með hattinn á hausnum. Þeir sem gera slíkt eru okkur hattberum til minnkunar.

[Baldur Hermannsson, 16.12.2009 kl. 16:58]

Uss drengur, gættu orða þinna fram yfir prófkjör.........

[Sigurgeir St. Eyjólfsson (IP-tala skráð) 16.12.2009 kl. 18:03]

Bíðið við. Af hverju er Hreinn Loftsson, eða öllu heldur blaðið hans, DV, svona heitt úr í Sjálfstæðisflokkinn og þá sér í lagi út í Davíð Oddsson?

Blað Hreins, DV, birtir daglega neikvæðar fréttir um Sjálfstæðisflokkinn og æðstu menn flokksins, og þá sér í lagi Davíð Oddsson. Alltaf eitthvað neikvætt um DO. Maður er farinn að hætta að trúa þessum fréttum.

Reyndar má segja að Davíð Oddsson haldi DV á floti. Annars væri fátt annað í blaðinu ef Davíðs nyti ekki við.

Og ergelsið í DV yfir því að DO hafi orðið ristjóri Mbl. Hvers vegna? Hvað er að ergja DV og forsvarsmenn þess út af þessu?

Hefur Sjálfstæðisflokkurinn eitthvða stigið á tær Hreins?

Hvað hefur DO gert Hreini og DV?

Varð það af því að Hreinn féll í prófkjöri flokksins?

Og af hverju hætti Hreinn í einkavæðingarnefndinni? Var það af því hann átti ekki að fá neina feita bita við eiknavæðinguna, heldur einungis að vera þar sem embættismaður? Og fór hann þá í fússi yfir til Baugs?

Hvað hrunið varðar og rannsókn á Baugi í tengslum við það, verður Hreinn þá ekki að sæta rannsókn sem stjórnarmaður í Baugi á sínum tíma?

Ég segi nú bara eins og gamli maðurinn hér um árið; "Ég bara spyr?"

[Gunnþór Vals (IP-tala skráð) 16.12.2009 kl. 18:07]

Skrifin hjá Jóhanni Haukssyni í DV eru með eindenum.

Hér er greinilega á ferðinni mjög bitur maður sem líður mjög illa. Heift hans út í Sjálfstæðisflokkinn og Davíð Oddsson jaðra við þráhyggislegt ofstæki.

Hvað hafa þessir aðilar gert honum. Settu þeir kláðaduft í fötin hans.

[Númi (IP-tala skráð) 16.12.2009 kl. 18:09]

Baldur,endilega kynntu þér mál betur sem þú ert oft á tíðum að blása upp.Ég hætti sem áskrifandi á Mogganum eftir 35,ára áskrift,og gerðist áskrifandi að DV.Sé ekkert eftir Mogganum,sem allir vita að er ritskoðaður að Davíð hinum mikla Oddssyni.Baldur oft eru pistlar stundum hjá þér ágætir,en þessi er steypa.

[Baldur Hermannsson, 16.12.2009 kl. 18:13]

Sigurgeir, Hreinn bjargaði sér úr erfiðri fjárhagsstöðu með því að gerast skutilsveinn Jóns Ásgeirs og varð þar með moldríkur á svipstundu og einn af áhrifamestu mönnum landsins. Það verður ekki hjá því komist að menn velti vöngum yfir Hreini Loftssyni eins og menn velta vöngum yfir Bjarna Ben og fjármálum hans. Þetta eru mennirnir sem skipta sköpum í þjóðlífinu. Þegar þeir gera vel vegnar þjóðinni vel. Þegar þeir fara illa að ráði sínu steypist þjóðin í glötun.

Vera má að Hreini mislíki þessi túlkun og sjái sjálfan sig í öðru ljósi en hann veit að þetta er túlkun þeirra sem til þekkja og það er auðvitað ekkert saknæmt við það eitt að ráðast undir áraburð þeirra Bónusfeðga.

"Hversu margar hersveitir hefur páfinn", á Jósef Stalín að hafa sagt þegar styrjöldin geisaði og menn í kringum hann fóru að tala um hvort ekki væri ráðlegt að hafa páfann góðan. Og nú hefur Hreinn yfir að ráða DV sem er ígildi fimm hersveita hér á Fróni.

Hvað óvild hans í garð Davíðs Oddssonar áhrærir, þá er það gömul saga að þegar og löng góð vinátta leysist upp, þá verður stundum úr fullur fjandskapur.

[Baldur Hermannsson, 16.12.2009 kl. 18:17]

Númi, ég bið þig í fullri vinsemd að lesa upphaflegu færsluna og upplýsa mig um hvaða atriði í henni þú flokkar undir steypu. Mér finnst þessi dómur þinn fullharður þótt vitaskuld líti hver maður sinum augum á silfrið.

[Baldur Hermannsson, 16.12.2009 kl. 18:20]

Gunnþór Vals, ég kynntist Jóhanni Haukssyni fyrir mörgum árum og þá var þetta meinleysis náungi sem ágætt var að spjalla við. Ég vil ekki dæma hann of hart, ég held einfaldlega að hann sé kominn í stöðu sem hentar honum afar illa og neyðist til að ganga til verka sem eru honum í rauninni þvert um hug.

[Númi (IP-tala skráð) 16.12.2009 kl. 18:26]

Þú viðurkennir það Baldur að þú hafir ekki lesið frétt Dv um þettað mál hans Bjarna,nema þá á DV .is.Kíktu á greinina hans Inga Vilhjálmss í dag í DV.Reyndar spyr maður sig oft þessa dagana,hvað gangi eiginlega á því alltaf virðast ný og ný klíkumál vera að spretta upp,og ekki er það Moggin sem er að skúbba því.Ísland virðist vera og er Klíkubandalag hið mesta.Bjarni Ben,hefur komið mér fyrir sjónir, sem hinn prúðasti maður.

[Baldur Hermannsson, 16.12.2009 kl. 18:35]

Númi, ég hafði ekki lesið greina Inga í DV því að hún hafði ekki birst þegar ég skrifaði færsluna. Færsla mín er til þess skrifuð að benda á að það verður aldrei farsæl blanda í íslenskri pólitík að vera formaður í stjórnmálaflokki og eiga jafnframt í umtalsverðum viðskiptum. Ef þú læsir færsluna öðru vísi en andskotinn les Biblíuna þá skilurðu einnig að ég tel að þótt Bjarni Ben muni komast úr þessari raun heill á húfi, þá eru dagar hans í formennsku einfaldlega taldir. Ég hef ekkert séð sem á nokkurn hátt bendir til að Bjarni hafi fengist við óeðlileg eða óviðeigandi viðskipti en DV heldur þannig á málinu að ekki verður annað skilið. Og ekki bætir úr skák að Bjarni, þessi grandvari og góði drengur, skuli hafa hring í Hrein Loftsson persónulega, það skyldi enginn gera ódrukkinn.

[Jóhann Hauksson (IP-tala skráð) 16.12.2009 kl. 18:40]

Sæll Baldur. - Þetta er býsna lífleg umræða hér hjá þér, einn og einn dálítið ofstækisfullur. Mér þykir ágætt þegar orð mín og pistlar bíta. Eitt sinn kunni ég minna til verka og var fáfróðari. Nú þykist ég skynja betur hvernig í pottinn er búið. Það hefur ekki aukið álit mitt á Sjálfstæðisflokknum. Öðru nær. Mér sýnist að þar innan veggja hafi í innvígðum og innmúruðum hægindum þróast hugarfar forréttindastéttar sem vönust er því að ráða öllu á sviði viðskipta og stjórnmála. Eva Joly kallar þetta að lifa í hægindum ofar lögum og án refsinga. Þetta hugarfar hefur lítið með hugmyndafræði að gera - svo sem eins og frjálshyggju - heldur aðeins sérhagsmuni. - Þyki mönnum þetta óalandi og óferjandi staðhæfing verður svo að vera. Mætti ég biðja vini þína hér á blogginu að styðja mál sitt rökum. Einhver Guðmundur er til að mynda ansi ofstækisfullur. Getur þú ekki beðið hann um að feta stíg hófstillingarinnar.

Held reyndar að þú ættir sjálfur að reyna að hafa flugufót fyrir því sem þú segir. Það gerum við á DV og þess vegna gengur útgáfan vel. Fólk vill staðreyndir.

Og kjark!

[Baldur Hermannsson, 16.12.2009 kl. 18:51]

Sæll Jóhann, ég vann reyndar sjálfur á DV um tíma fyrir mörgum árum og hafði gaman af. Þú þarft nú varla að kvarta þótt mönnum sé heitt í hamsi. Þjóðin er komin á heljarþröm, pólitíkin er í uppnámi, landið logar í kviksögum og DV mætir með bensínbrúsann og skvettir ötullega á glæðurnar. Mér finnst þú hafa mislesið upphaflegu færsluna mína. Þú getur ekki verið svo smásmugulegur að amast við orðinu "pönkast", því þetta orð innleiddi Reynir Traustason sjálfur á sínum tíma til þess nákvæmlega að lýsa þeirri blaðamennsku sem þið stundið núna. Mér sýnist þú vera óhress með athugasemd mína um Hrein Loftsson, sem skipti nálega engu máli í færslunni, en þú veist vel að hún er ekkert út í bláinn þótt þér kunni að þykja fullharkalega að orði kveðið.

Vertu svo ávallt velkominn hér með athugasemdir og takk fyrir innlitið.

[Sigurbjörg Eiríksdóttir, 16.12.2009 kl. 20:20]

Flott að fólk fann bloggið þitt:) En álit mitt varðandi DV stendur óhaggað! Sorprit.

[Guðmundur 2. Gunnarsson (IP-tala skráð) 16.12.2009 kl. 20:21]

Jóhann Hauksson.  Tek því sem vísu að þú teljir mig "ansi ofstækisfullan" sem kemur mér skemmtilega á óvart sé mið tekið af þér og þínum daglegu pistlum fyrir Jón Ásgeir Jóhannesson í DV sem hafa á sér vægast sagt óheilbrigt yfirbragð.  Ef ég næ aðeins upp í helming skallans sem þú og DV menn teljast vera á toppi, (réttar sagt á botni) þá vissulega er ég í vondum málum hvað meint "ofstæki" varðar.  Munurinn er þó sá, að ég þigg ekki laun frá höfuðóvinum þjóðarinnar fyrir að "pönkast" á samborgurunum. 

Varðandi:

"Held reyndar að þú ættir sjálfur að reyna að hafa flugufót fyrir því sem þú segir. Það gerum við á DV og þess vegna gengur útgáfan vel. Fólk vill staðreyndir. 

Og kjark!"'

Þá væri afar spennandi að taka á ýmsum óskýrðum og ósönnuðum skítkastsmálum í gegnum tíðina eins og td. þegar Baugskaupamenn fullyrða fréttastofu og fréttastjóra RÚV, sýslumanninn á Keflavíkurflugvelli og Ríkislögreglustjóra ljúga vegna meints handtökumáls Jóns Ásgeirs á sínum tíma, og þegar fullyrt var af sömu hvað fór fram á tveggja manna fundi þeirra Styrmis Gunnarssonar og Þorsteins Pálssonar, sem Baugsmiðlarnir sögðust vita betur en þeir sem á honum vor og gott ef ekki fullyrti þá ljúga þegar þeir báru á móti.  Blaðamennska sem byggði á Gróu á Leiti.  Var Bjarni Benediktsson ekki einfaldlega að reyna að koma sannleikanum á framfæri við blaðamann DV þegar hann gafst uppá honum og illu heilli hringdi í Hrein Loftsson með þessum afleiðingum?  Athyglisverð umfjöllun um málið:

Sennilega er það lán Hreins, Jóns Ásgeirs og DV, að enginn fjölmiðill hefur nokkurn áhuga á þeim, eins og þeir hafa td. á Morgunblaðinu og Davíð Oddssyni.  Ekki viss um að þeir og vinnubrögðin stæðust nokkra skoðun frekar en Reynir Traustason á hljóðupptökunni. 

[Rannveig H, 16.12.2009 kl. 21:37]

Sandkassaleikur!!! Þar eru nokkur atriði sem standa í mér enda heldur Baldur vinur minn að mín pólitíska greindavísitala sé lág.(ég hallast að því líka) Jóhann!! Að orðum þínum að dæma þá er Sjálfstæðisflokknum um að kenna hvernig komið er. Spurningin er hvort "pönk"(umfjöllun) DV um Bjarna Ben sé ekki af því að þarna sé stjórnmálamaður að blanda saman bissins Er einhver önnur ástæða? Get ég ekki vænst þess að fjallað verði um t.d Framsóknarmenn og eða aðra sem nálægt spillingunni  koma.

Hamingja Hreins með áskriftaaukningu á sér efalaust skýringar þar sem blaðið var boði ókeypis til áramóta.

Guðmundur hvað sannanir hefur .Þú fyrir því að Kæri Jón eigi DV ? Dylgjur er dylgjur hvaðan sem þær koma, og eitt enn Reynir kann að biðja afsökunar en ég hef ekki orðið var við það hjá blaðamönnum Moggans nefni ég þar sérlega Agnesi B. sem hefur heldur betur farið offari um menn á ómálefnalegan hátt.

[Sigurbjörg Eiríksdóttir, 16.12.2009 kl. 22:48]

Hafa DV menn hugmynd um hvað margt fólk þeir hafa lagt að velli. Þvílikt blað. Ég þekki nokkra sem hafa grátið undan þessu sorpriti. Umfjöllun um dána ástvini sem ekki eiga sér uppreisnar von! Ég vil ekki sjá þetta blað á mínu heimili.

[Baldur Hermannsson, 16.12.2009 kl. 22:49]

Guðmundur, það er fengur að þeim upplýsingum sem þú kemur þarna á framfæri á ljósan og auðskilinn hátt. Ég tel að blað eins og DV geti vel haft ákveðnu hlutverki að gegna í samfélaginu; ég nefni til dæmis að DV hefur iðulega greint frá illræmdum ofbeldismönnum og birt af þeim myndir, þótt aðrir fjölmiðlar haldi yfir þeim hlífiskildi með þögninni. Það er einkenni á DV og systurblöðum þess erlendis að sannleikur og staðreyndir eru þeim ekkert æðsta keppikefli og kannski kunna þau einmitt best við sig á þeim óljósu landamærum þar sem sönnunarbyrðinni er gjarnan snúið við. Þetta er eins og maður sé ásakaður um að hafa barið fyrrverandi eiginkonu sína - hann getur ekki reitt fram neinar sannanir fyrir því að hann hafi EKKI gert það og ekki þýðir að spyrja konuna því hún er látin.

Svona fjölmiðlar gegna oft ákveðnu hlutverki, við ættum ekki að horfa fram hjá því. Þeir hafa alltaf verið til og verða það ævinlega. En það er lágmark að blaðamennirnir sem við þá starfa og eigendur þeirra þykist ekki vera eitthvað annað en þeir eru. Meykerlingarleg viðbrögð Jóhanns og Hreins eru ekki í neinum takti við starfsvettvang þeirra. En kannski er það bara skammdegið sem leggst á þá eins og aðra íslendinga.

[Baldur Hermannsson, 16.12.2009 kl. 22:57]

Silla, manni líður ekki úr minni veslings ógæfumaðurinn vestur á fjörðum sem framdi sjálfsvíg eftir að DV pönkaðist á honum. DV varð fyrir miklu áfalli í kjölfarið, en hefur svarað gagnrýninni með ákveðnum rökum. Mér finnst hins vegar ekki við hæfi að ég fari að taka upp hanskann fyrir þetta blað, Jóhann og Hreinn verða að gera það.

[Sigurbjörg Eiríksdóttir, 16.12.2009 kl. 23:00]

Já en það gera þeir ekki Baldur.

[Baldur Hermannsson, 16.12.2009 kl. 23:02]

Rannveig, ég geri á engan hátt lítið úr þinni pólitísku greind, þú hefur þitt atkvæði og ég mitt og þau eru nákvæmlega jafn rétthá. DV pönkast á Bjarna Ben til þess að afla fjár og gera sig gildandi, ég hef litla trú á því að pólitískar ástæður liggi þar að baki. Verst er að það verður ógerningur fyrir hörkuduglega athafnamenn að taka þátt í stjórnmálum, þeir verða alltaf dregnir niður í svaðið með dylgjum og óljósum aðdróttunum eins og Bjarni hefur mátt þola núna. Pólitík á Íslandi er fyrir þá sem helst hvergi hafa látið að sér kveða, hafa ekkert sagt sem máli skiptir og eru reyndar lítils virði á flestum sviðum.

[Jóhann Hauksson (IP-tala skráð) 16.12.2009 kl. 23:18]

Þú mátt ekki vanmeta getu mannanna til þess að setja sér reglur og koma á fót kerfi til að fylgja þeim. Það er aðall lýðræðisfyrirkomulagsins að láta kjósendur taka þátt og bera ábyrgð á regluverki sínu. - Í Bandaríkjunum skilst mér að þegar menn eru kosnir á þing séu fjárhagslegir sérhagsmunir þeirra bókstaflega aðskildir frá þeim, þeir fá ekki einu sinni að vita hvað verður um hlutabréf eða ávöxtu meðan þeir gegna trúnaðarstörfum fyrir kjósendur. - Svo má einnig hugsa sér gagnsæisreglu til að bæta okkar eigin kerfi. Slík regla er öldungis yfir flokkadrætti hafin, ekki satt? - Kannski heldur Guðmundur þinn 2, að sú regla sé uppfinning Jóns Ásgeirs :)

[Baldur Hermannsson, 16.12.2009 kl. 23:28]

Guðmundur svarar væntanlega þessari spurningu sem þú leggur fyrir hann, enda hefur hann kjaftinn fyrir neðan nefið eins og vera ber. Ég vil samt skjóta því inn að þessa aðferð sem þú tiltekur bar á góma varðandi mál Baldurs Guðlaugssonar. Vestanhafs mega svo háttsettir menn sem Baldur ekki möndla með hlutabréf og skuldabréf að vild, þeir verða að fela sérstökum fjárhaldsmönnum eða sjóðum alla umsýslu með þau. Þetta er gert til þess að hindra tortryggni eða misnotkun.

Hef ekki heyrt hvort Kanar láta stjórnmálamenn hlíta þessari reglu, en kannski væri farsælast fyrir þá sjálfa að gera það. Þið DV-menn eruð sennilega búnir að eyðileggja formannsferil Bjarna Ben og fóruð frekar létt með það. Vera má að Bjarni hafi níu líf og klóri sig í gegnum þann dylgjuvef sem þið hafið spunnið kringum hann, en erfitt verður það.

[Sigurbjörg Eiríksdóttir, 16.12.2009 kl. 23:29]

Jóhann Hauksson lítur ekki svo lágt að huga að því sem ég sagði.

[Rannveig H, 16.12.2009 kl. 23:34]

Baldur og Silla ég get nú ekki séð hvað Hreinn og Reynir hafa með málið fyrir vestan að gera. En af því að minnst er á það og þar sem ég þekkti þann "ógæfumann" frá blautu barnsbeini og þangað til að ég fylgdi honum til bálfarar get ég sagt ykkur það að ef sá maður væri á lífi í dag væri hann minn versti óvinur, Já þið eruð að lesa rétt.

Jóhann!! Mér finnst eins og það lykti af hroka að geta ekki svarað mér.....

[Guðmundur 2. Gunnarsson (IP-tala skráð) 16.12.2009 kl. 23:35]

Rannveig.  Sagði ekki að Jón Ásgeir ætti DV, heldur hef ég sagt að hann er eiginlegur ritstjóri.  Hann hefur hirð manna eins og þá Reyni og Jóhann og fleiri sem erlendis eru oft kallaðir "Liars for Hire".  Þas. áróðursmeistarar og spunatrúðar frekar en blaðamenn.  Hreinn gaf afar "trúverðuga" skýringu a þeim tíma sem hann "keypti" DV af Jóni Ágeir og er til marks um hin sjálfráðu eða ósjálfráðu viðbrögð eiganda DV, þegar minnst er á Jón Ásgeir, á visir.is um kaup hans á DV af skuldakónginum.  Þar stóð meðal annars:  „Aðspurður hversu mikið hann greiðir fyrir viðskiptin vill Hreinn ekki gefa það upp. „En þetta eru raunveruleg viðskipti."“  Var einhver að efast um það? 

Fyrir þá Jóhann og Reyni er örugglega spennandi að frétta að Hreinn Loftsson er sennilega vel tengdur og ábyrgur sem stjórnarformaður Baugs, fyrir einum mestu mistökum og peningatapi á útrásartímunum.  Voru það ekki örugglega 94 milljarðar sem Landsbankinn sendi inn sem kröfu í Baug þar sem sjónarnarformaður DV sat í stóli stjórnarformanns Baugs?  Bjarni Ben sem virðist vera eitthvert smáseiði í gjörningnum sem DV pönkast á honum fyrir og bera upp að hver Íslendingur þurfi að taka á sig 10.000 kr. skuld hans vegna.   Sem að vísu virðist hafa verið dregið til baka af blaðinu.  Þá gera 94 milljarðarnir hans Hreins um það bil 300.000 kr. reikningur á hvern Íslending, - eða er það ekki?  Hreinn Loftsson er beintengdur Jóni Ásgeiri sem samstarfsmaður og meðeigandi og á örugglega einhverja sögu sem tengjast 1.100 milljörðunum sem Jón Ásgeir er sagður skulda í íslenska bankakerfinu.  Sjálfur sagðist að vísu skulda "aðeins 900 milljarða".  Einhverra hluta vegna virðast ekki margir trúa orðum hans.  Af hverju skrifar DV ekki um þá félaga Jón Ásgeir og Hrein Loftsson, þeirra dularfulla samband og samvinnu og 1.100 milljarða skuldir fyrirtækja þeirra og þeim tengdum sem lenda nú að stórum hluta á skattgreiðendum?  Getur verið að fólk haldi að Jón Ásgeir er eiginlegur ritstjóri allra Baugsmiðlana og DV þegar það horfir uppá svona endalausar sögufalsanir og augljósa ritskoðun sem síðan þeir sömu þykjast sjá einungis hjá Morgunblaðinu og eiga ekki orð vegna gremju yfir ofbeldi ritstjóra og eigenda.  Jóhann og Reynir getur örugglega grafið í skít sem ætti að endast þér einhver ár að sulla í og gefa eigandanum langþráðar söluforsíður dag eftir dag.  Þeir vita svo vel að Hreinn ritstýrir ekki eða ritskoðar DV eða reynir að hafa nokkur áhrif þar á, frekar en Jón Ásgeir á Baugsmiðlana.  Topp menn að pönkast á og endalaus skúbb.

[Sigurbjörg Eiríksdóttir, 16.12.2009 kl. 23:37]

Ég var ekkert að tala um málið fyrir vestan..Bara mál sem ég þekki sjálf..

[Rannveig H, 17.12.2009 kl. 00:06]

Guðmundur það er sorglegt og hreint ömurlegt að á tímum sem þessum skulu (blaða)menn  vera í skotgröfum og eða upphefja þá aðila sem komu að þessu hruni á þeim forsemdum hvar þeir eru í pólitík eða bissins. Allir að skrifa söguna, Ég fyrir mitt leyti ætla að treysta þeim tæplega 40 manns sem nú starfa hjá rannsóknarnefnd Alþingis og svo sérstökum saksóknara. Annað er ekki í boði,þar sem ÖLL íslensk blöð eru lituð af pólitískum og sérhagsmunum.

[Guðmundur 2. Gunnarsson (IP-tala skráð) 17.12.2009 kl. 00:35]

Rannveig.  Þar er ég hjartanlega sammála.  Það á örugglega margt eftir að koma á óvart þegar rannsóknarnefndin og sérstakur saksóknari hafa skilað niðurstöðum rannsóknanna.  Hjá öðrum sem þykjast vera í rannsóknarvinnu eru þetta ekkert nema getgátur og oftast af illum vilja sprottnar.  Ætla að bíða þangað til að fagfólkið hefur skilað sinni vinnu.  Bjarna árásin er nokkuð augljóslega pólitísk, tengd afleitu gengi illa laskaðra stjórnvalda sem eru að reyna að ná vopnum sínum.  Ekki síst vegna Icesave afhroðsins sem engan endi ætlar að taka.  Er sammála Baldri að Bjarni gerði afdrifarík mistök að hafa haft samband við Hrein þegar hann taldi sig knúinn til að reyna að fá leiðréttingu mála sinna vegna þess að blaðamaðurinn virtist ekki skilja hvað var málið.  Mistökin voru að hann treysti á heilindi Hreins, sem er sennilega hans pólitíska sjálfsmorð.  Án þess að þekkja nokkuð til Bjarna eða vera einhver fylgismaður, þá hefur mér sýnst hann vera heill og grandvar, og efast um að hann hafi verið með einhverjar hótanir eða óþverraskap gagnvart útgefandanum.  Menn verða að vera með skotheldar heimildir og gögn þegar á að pönkast svona á fólki.  Sýnist vera afskaplega þunnt það sem DV hefur haft fram að leggja í málinu.  Reynir Traustason boðar enn meira pönki í Bjarna á morgun í skilaboðakerfinu með leiðaranum hérna: 

http://www.dv.is/leidari/2009/12/14/fyrirskipun-formanns/

[Eírkur Fr. Þorkellsson (IP-tala skráð) 17.12.2009 kl. 09:08]

Hlutdrægnir DV og annarra miðla Birtíngs er með endemum. 

Birta grein um forsetann í Mannlífi  til að gefa honum færi á að fægja vægast satt stórskemmda ímynd sína, enda er hann bara forseti lítils hluta þjóðarinnar, þ.e. vinstrimanna.

Svo er náttúrulega birt drottningarviðtal við Jóhönnu Sigurðardóttur, sem er "everybodys darling" hjá þeim þarna á Birtíngi.

Ekki má heldur gleyma því að Jóhann Hauksson fór mjúkum höndum um Yngva Örn í viðtali við hann í helgarblaði DV þann 11. des. sl., enda er hann einn af "góðu" útrásarvíkingunum í augum þeirra á DV þar sem að hann tengist ríkisstjórninni og þá sérstaklega Jóhönnu Sigurðardóttur.  Hvað annað?  Þarna gaf Jóhann Hauksson honum færi á að hvítþvo sig af öllu peningasukkinu, svo maðurinn er orðinn eins og saklaust kornabarn.

Það er augljóst að DV gætir hagsmuna ákveðinna aðila sem tengjast Samfylkingunni, enda fer DV mjög mjúkum höndum um alla þá er tengjast Samfylkingunni.

Svo eru þessar eilfuf persónulegar árásir um suma og þá sérstaklega þá er tengjast Sjálfstæðisflokknum.  Hér er í raun um að ræða ofsóknir og einelti gegn ákveðnum aðilum.  Davíð Oddsson og Bjarni Ben. eru góð dæmi um þetta.  Hér er í raun verið að fremja mannorðsmorð og það er spurningin hvort að þetta teljist saknæmt sem meiðyrði? 

[Rannveig H, 17.12.2009 kl. 10:31]

Skoðanakannanir um traust til forsetans bera nú ekki með sér að fólk sé með þessa vinstri og hægri hugsun heldur er hún almenn. Mér finnst Eiríkur vera að gjaldfella "mannorðsmorð" og "einelti" ef það er ekki, þá eru hér fjöldamannorðsmorð á dag og allt er orðið einelti.  Stór hluti þjóðarinnar hefur ekkert traust á stjórnmálamönnum sem eðlilegt er og er þá sama hvort litið er til hægri eða vinstri. Afhverju? Ráðaleysið er allstaðar , spillingin er hjá fyrrverandi,núverandi og líklegast tilvonandi og ævarandi stjórnvöldum sem vilja Sama Ísland.

[Bjöggi (IP-tala skráð) 17.12.2009 kl. 14:05]

Bjarni Ben er örugglega saklaus af þessu öllu. Hann man til dæmis ekki eftir því að hafa veðsett bréf í fyritæki sem hann er í forsvari fyrir upp á marga milljarða. Svo vill hann fá að sjá um IceSave!!!!

[Guðmundur 2. Gunnarsson (IP-tala skráð) 17.12.2009 kl. 15:09]

Núna koma fleiri vinklar fram um málið.  Andrés Magnússon blaðamaður Viðskiptablaðsins kemur með einn athyglisverðan.  Nýtir sér sömu vinnuaðferðir og þeir Jóhann Hauksson og Reynir Traustason að hafa ekkert í höndunum annað en sína eða annarra skoðun og þá leggja hana fram opinberlega.  DV menn virðast eiga erfitt með að skilja slík vinnubrögð (O:

http://www.dv.is/frettir/2009/12/17/andres-vaenir-steingrim-um-ad-leka-gognum/

Athyglisverð athugasemdaskrifa á bloggsíðunni Friðjón og bláu appelsínurnar:

1. Finnur Þór Vilhjálmsson skrifar:
   “Finnur Þór Vilhjálmsson.
   - Bróðir blaðamanns DV.
   - Bróðir fyrrum formanns ungra jafnaðarmanna og varaþingmanns Samfylkingarinnar.
   - sonur (bráðum fyrrverandi) stjórnarformanns Íslandsbanka.

   By Finnur Þór Vilhjálmsson on des 16, 2009?

   Mín skoðun:
   Af hverju Finnur kýstu í þinni ættartölu að sleppa aðkomu Vilhjálms Vilhjálms hdl bróður þíns að þessu máli. Þeim sama og varð uppvís að stela lokaritgerð í lögfræði frá öðrum nemanda lagadeildar? Fjölmiðlamál á sínum tíma. Segðu okkur frá aðkomu Villa bróður nú - hvernig gastu gleymt því?

   By Jóhann Gunnarsson on des 16, 2009

2. Soffía Sigurðardóttir skrifar:
   “Staðreynd: BNT kom í stjórnarformannstíð BB að kaupum á hlut í Vafningi”

   Mín skoðun:
   Rangt!

   BNT átti hlut í Skeggja. Skeggji átti hlut í Vafningi.

   Finnur Þór Vilhjálmsson:
   Þú opnar hér Pandóru öskju ættarinnar án þess að hafa hugmynd um hvað kunni að hoppa upp úr henni.

   1. Hver er aðkoma föður þíns og stjórnarformanns Íslandsbanka Vilhjálms H Vilhjálmssonar hrl að kaupum Villa Vill hdl bróður þíns á einbýli sem hvíldu 300 milljónir á hjá Glitni og Villi bróðir fékk 200 milljónir afskrifaðar hjá bankanum sem pabbi þinn var stjórnarformaður í?

   2. Er Vilhjálmur H Vilhjálms hrl faðir þinn og stjórnarformaður Íslandsbanka einn heimildarmanna Inga bróður þíns á DV um rangfærslur um BBen og Vafning? Allt gerðist þetta jú í Glitni.

   By Jóhann Gunnarsson on des 17, 2009

http://fridjon.eyjan.is/2009/12/16/jatning-bladamanns-dv/

Pennavinur minn Jóhann Hauksson tekur fullyrðing Hreins Loftssonar hér á síðu um 40% lestraraukningu DV snepilsins, sem heilögum sannleika, eins og honum, Baugs og DV blaðamönnum er von og vísa.  Ólyginn sagði mér.... os.frv.  Athyglisvert að hvergi hefur Hreinn lagt fram neinar sannanir máli sínu til stuðnings, þó svo að hann hafi verið beðinn um slíkt á síðunni.  Jóhann trúir öllu sem honum er sagt, enda bítur hundurinn ekki Baugshöndina sem fóðrar hann.  Skemmtilegt að sjá að Andrés stundar vafasöm skrif, en Jóhann "augljóslega" sýnir vönduð vinnubrögð.  Athyglisvert hvað honum er mikið í mun að reyna að þvo af sér Jóns Ásgeirs eiganda og almannatengils stimpilinn.  Augljóslega afar viðkvæmt.  Ætli hann geti lagt fram stafkrók um Jón Ásgeir sem minnir á gagnrýni á auðrónann?  Væri virkilega áhugavert að stilla þeim upp við hliðina á "skrifunum" td. um Davíð Oddsson, og dugar fínt að fara bara ár aftur í tíman að leita heimilda.  Núna eru þetta turnarnir tveir sem eru sagðir bera höfuðábyrgð á hruninu og allri spillingu í þjóðfélaginu.  Er afar spennandi að sjá hversu langir þeir eru og á hvorn aðilann geti hallað.  (O:  Veit að Jóhanni er afar annt um "faglega" virðingu sína og "óhlutdrægni" og á eftir að bregðast skjótt við hér og á sinni síðu á DV.is og er "handviss" um að um jafn háa greinarturna verði að ræða.  Til að sýna að faglegs "hlutleysis" hefur verið vandlega gætt á DV, þá er eðlilegt að hann dragi fram öll neikvæð skrif annarsvegar og síðan öll jákvæð í blaðinu um þessa aðila.  Einhverjar afsakanir um tímaleysi og mikla vinnu eru ekki í boði á tækniöld.  Þetta snýst um mark - og hugleysi eður ei.

http://www.dv.is/blogg/johann-hauksson/2009/12/16/askrifendum-dv-fjolgar-um-40-prosent/

[Baldur Hermannsson, 17.12.2009 kl. 15:16]

Já ég sá af tilviljun þessar skemmtilegu vangaveltur hjá "Friðjóni og bláu appelsínunum". Mér skilst að Ingi Vilhjálmsson, blaðamaðurinn sem annast pönkið fyrir Reyni Traustason, sé bróðir Vilhjálms Vilhjálmssonar, þess sem stal ritgerðinni sællar minningar. Þarna er verið að sýna fram á hve auðvelt er að spinna dylgjuvef ef menn kæra sig um slík vinnubrögð.

[Hörður B Hjartarson, 17.12.2009 kl. 19:38]

    Baldur !

    Ég spyr , því ég hef aldrei heyrt þetta áður ; að pönkast upp á menn , ert þú með þýðingu ?

    Þarf ekki spes meirapróf fyrir fallbyssum á  Ísa köldu landi , en satt er það þú ert með fallbyssudúndur á þessarri síðu , það leynsist fáum , sbr. svarið til okkar Björns , enda hálfgert ljóskusvar , og þau eru fleiri slík svörin undir þessarri bloggfærslu þinni .

    Annað ; Við könnumst öll við það að stundum vill minnisleysi skella á sumum mönnum , sem alverstu holskeflu væri að ræða , sbr. Kjartan nokkur Gunnarsson , hann mundi ekkert eftir styrkjum til FL flokksins , þú ert efalaust búinn að gleyma þessu líka .

    Í restina vil ég taka framm , að ég er ekki aðdáandi Reynis T. , svo það sé á hreinu , þ.e.a.s. hvorki né .

[Baldur Hermannsson, 17.12.2009 kl. 20:48]

Hörður, þú ættir auðvitað að spyrja Reyni Traustason frekar en mig um hin fínni blæbrigði orðsins "pönkast", því Reynir innleiddi þetta orð á íslenska tungu eins og frægt er orðið. "Pönkast" kom fyrst fyrir augu og eyru íslensku þjóðarinnar þegar "litli blaðamaðurinn" gerði uppskátt um símtal þeirra Reynis. Reynir minnti á að hann og DV hefðu pönkast á Björgólfi sællar minningar.

Að "pönkast" er sem sagt notað um þá hernaðartækni Reynis og þeirra DV-manna að birta í einni flækju staðreyndir, lygar og dylgjur um tiltekna menn. Staðreyndirnar eru þá yfirleitt nauða einfaldar og ómerkilegar, en dylgjurnar og lygarnar sýnu verri. Þegar "pönkast" er á manni er nauðsynlegt að hafa alltaf nokkrar staðreyndir með í pakkanum, því þá finnst auðtrúa lesendum líklegra að allt hitt sé líka heilagur sannleikur.

[Baldur Hermannsson, 17.12.2009 kl. 20:50]

Guðmundur, er ekki stórdularfullt að DV skuli ekki hafa afhjúpað Formúlu-áætlanir Jóns Ásgeirs? Nú sitjum við uppi með tveggja milljarða skuld vegna þess ævintýris. En ekki orð um þetta í DV. Skrítið?

[Guðmundur 2. Gunnarsson (IP-tala skráð) 17.12.2009 kl. 20:55]

Segðu.  Eru þeir Jóhann, Reynir og Hreinn sjálfur ekki á fullu í málinu og hafa þess vegna engan tíma til að pönkast á okkur hérna?

[Baldur Hermannsson, 17.12.2009 kl. 20:57]

Það er nú í fínu að pönkast á okkur en vonandi fara þeir ekki að pönkast á Rannveigu, það yrði nú ljóti darraðardansinn.

[Rannveig H, 17.12.2009 kl. 21:05]

Baldur á ég að sega þér hvað mér finnst um þig þessa daganna!! Þú ert remba, þau svör sem ég fæ hjá þér eru ljóskusvör.

[Baldur Hermannsson, 17.12.2009 kl. 21:36]

Rannveig, þú ert nú mest að spyrja Jóhann Hauksson en hann ansar þér ekki frekar en þú værir vindgola. Ég hef enga spurningu séð frá þér sem beint væri sérstaklega til mín. Eiríkur Fr. Þorkelsson verður að svara fyrir sig. Ég get ekki staðið í því að hlaupa í skarðið fyrir pétur og pál og er ég þó eftirlátur við þig.

[Hörður B Hjartarson, 18.12.2009 kl. 01:29]

    Baldur !

    Hver á DV , er það Flón Ásgeir þ.e.a.s. skrifaður fyrir skuldunum ?

    Ég get vel hugsað mér að taka undir með þér Silla um þennann snepil , ég gerðist áskrifandi að Dagbl. á sínum tíma áður en það kom út , ef ég man rétt á sýningu inn í Laugardalshöll , og beið blaðsins , fullur eftirvæntingar , en er þessi snepill fór að velta sér og lesendum upp úr verkum glæpamanna t.d. þess er myrti Sri Ramavati (held hún heitið það) ofl ofl , þá fékk ég mig belgsaddann á viðbjóðnum og hét því að opna slíkan viðbjóð aldrei oftar .

[Baldur Hermannsson, 18.12.2009 kl. 01:43]

Hörður, það er engin leið fyrir okkur að vita það. Hreinn Loftsson virðist vera skráður eigandi en hann fékk blaðið frá vini sínum og vinnuveitanda Jóni Ásgeiri á kjörum sem aldrei hafa verið gefin upp. Þau viðskipti gætu vel hafa verið sýndargjörningur svo kannski er Jón enn þá hinn raunverulegi eigandi blaðsins.

[Hörður B Hjartarson, 18.12.2009 kl. 02:02]

    Þakka svarið , það styrkir mig í trúnni um mikilvægi og trúverðugleika þessa snepils .