Vinsæl ráðstöfun, vitlaus og siðlaus

Þessi ráðstöfun verður vinsæl meðal almennings en vitlaus er hún og siðlaus. Edda Heiðrún hefur aldrei unnið nein teljandi afrek sem listamaður. Hún hefur ekkert gert til að verðskulda heiðurslaun listamanna. Hins vegar hefur almenningur fylgst með baráttu hennar við erfiðan sjúkdóm um langt árabil. Hún hefur réttilega unnið sér ríka samúð almennings og út á þá samúð eru heiðurslaunin veitt.

Þór Saari hefur gert úthlutanir fjárlaganefndar að umtalsefni. Hann bendir réttilega á að upp til hópa eru þessi gífurlegu fjárútlát ekki annað en auvirðilegt kjördæmapot og dæmigerð pólitísk spilling. Háttsettur embættismaður íslenska ríkisins greindi mér frá því fyrir örfáum dögum hvernig fjármunum almennings er iðulega varið. Styrkjum er úthlutað út og suður án faglegra verðleika, en ákvörðun látin ráðast af algerlega óviðkomandi þáttum.

Heiðurslaun listamanna er enn eitt dæmið um siðlaust bruðl með almannafé. Til eru listamenn sem eiga þau verðlaun skilið en þeir eru fáir. Þráinn Bertelsson fékk þessi verðlaun á einskærum pólitískum forsendum. Við Íslendingar verðum að brjótast út úr þessum ógeðfelldu viðjum fyrirgreiðslu, kjördæmapots, samkrulls og spillingar.

Fyrir ári síðan var mikið fjallað um Nýja Ísland. Nýja Ísland, hvenær kemur þú?

Edda Heiðrún fær listamannalaun

Athugasemdir

[Rannveig H, 14.12.2009 kl. 11:13]

Listamannalaunin eru tímaskekkja, eins og sjómannaafsláttur af skatti. Baldur er ekki Hrafn Gunnlaugsson á listamannalaunum? Ég sakna þess að þú skrifir ekki um nýjustu uppákomu formanns íhaldsins að undangegnu uppákomu varaformanns íhaldsins :))

[hilmar jónsson, 14.12.2009 kl. 11:19]

Bjarni Ben og Jórunn Frímannsdóttir eiga tvímælalaust skilið listamannalaun fyrir endurvakningu á súrealismanum..

[Ben.Ax. (Benedikt Jóhannes Axelsson), 14.12.2009 kl. 11:27]

Egill Jónasson fékk listamannalaun forðum án þess að hafa gefið nokkuð út eftir sig. Um þetta var ort og lærði ég vísuna svona:

Egill margan kvað í kút.
Kannski ætti að virkj'ann.
Fyrir að gefa ekki út
eru þeir að styrkj'ann.

Ef fréttin er lesin kemur í ljós að um breytingatillögu er að ræða frá Oddnýju G. Harðardóttur, Lilju Mósesdóttur, Unni Brá Konráðsdóttur,

Margréti Tryggvadóttur og Önnu Pálu Sverrisdóttur við frumvarp til fjárlaga árið 2010. Um er að ræða heiðurslaunaflokk.

[Guðmundur 2. Gunnarsson (IP-tala skráð) 14.12.2009 kl. 11:33]

Er ekki DV að ásaka Bjarna um eitthvað misjafnt, án þess að leggja neinar sannanir fram málflutningnum til stuðnings?  Svo það er "eðlilegt" að Bjarni afsanni ásakanirnar.  Eða er það ekki einhvernvegin svoleiðis sem Baugsmiðillinn virkar?

[Jón Snæbjörnsson, 14.12.2009 kl. 11:36]

ég vil meina að þessi svokölluðu listamannalaun séu tímaskekkja öllum ólöstuðum þó

[hilmar jónsson, 14.12.2009 kl. 11:46]

Annars tel ég Eddu ágætlega að verðlaununum komin. Hún á glæsilegann feril að baki, auk þess sem hún hefur auðgað okkur með jákvæðni og bjartsýni í baráttu við erfiðann sjúkdóm.

[Rannveig H, 14.12.2009 kl. 11:49]

Guðmundur engar sannanir en einhverjar röksemdir,allavega þótti Bjarna ástæða að hringja i eiganda blaðsins.

Eðlilega á Bjarni að reka af sér slyðruorðið,það þarf Þorgerður Katrín líka að gera almenningur er búin að fá yfir sig nóg af vanhæfum stjórnmálamönnum hvar í flokki sem þeir eru.

[Baldur Hermannsson, 14.12.2009 kl. 12:18]

Hilmar og fleiri, Edda er ágætis stelpa, engin spurning, en landið er fullt af sómakonum sem eiga í stríði við erfiða sjúkdóma og ekki fá þær heiðurslaun listamanna. Smekkleysan og spilling er svo krystaltær í þessu tilfelli að mann setur hljóðan - þótt ég viðurkenni að orðið "krystaltær" á ekki vel heima í slagtogi við "spillingu".

[Offari, 14.12.2009 kl. 13:13]

Ég er ljóðskáld og ætti því að fá listamannalaun.

Kannski fæ ég listalaun

lofi ég að þegja.

Hér er þjóð í heljar raun

sem hefur margt að segja.

[Baldur Hermannsson, 14.12.2009 kl. 13:30]

Hehe skemmtileg vísa, Offari. En þú færð ekki heiðurslaun fyrir það eitt að vera góður listamaður, það þarf meira til - þú gætir til dæmis prófað að ganga í Framsóknarflokkinn. Þú glatar að vísu mannorðinu en það er spurning hvernig þú verðleggur það.

[Offari, 14.12.2009 kl. 13:52]

Ég efast um að ég komi til með að ganga í nokkurn flokk enda tel ég mig bundinn að minni sannfæringu en ekki sannfæringu einhvers flokks.   En ég gæti hinsvega vel þóst vera sannfæður ef ég fengi listamannalaun.

[Offari, 14.12.2009 kl. 13:52]

sannfærður.

[Baldur Hermannsson, 14.12.2009 kl. 13:59]

Gott Offari, þú ert þá greinilega eins manns stjórnmálaflokkur!

[Jón Snæbjörnsson, 14.12.2009 kl. 15:19]

hehe  flottir þið tveir 

[Soffía (IP-tala skráð) 14.12.2009 kl. 17:24]

Þessi listamannalaun eru bara rugl! Það er verið að skera niður allstaðar. Það vantar kennara, starfsfólk á spítala og hjúkrunarheimili, bara vegna þess að það vantar fjármagn til að borga laun. Einhvers staðar verður að spara og ég held að listamannalaun væru ágætisbyrjun en það var nú bara í vor sem ákveðið var að fjölga í hópi þeirra sem þiggja listamannalaun. Með breytingunum frá því í vor var mánaðarlaunum sem úthlutað er sem starfslaunum til listamanna fjölgað á þriggja ára tímabili um alls 400 þannig að á árinu 2012 verði samtals 1.600 mánaðarlaun til ráðstöfunar til starfslauna og styrkja í stað 1.200 mánaðarlauna nú.

[Baldur Hermannsson, 14.12.2009 kl. 18:14]

Soffía, það er verra en sturlun að fjölfa úthlutunum til listamanna eins og nú er ástatt í þjóðfélaginu. Við höfum enga þörf fyrir þetta fólk. Listamenn eiga að lifa á vinnu sinni eins og aðrir.