Fallinn er Óskar fígúra........

Nú ert bjart yfir Íslandi.

Framsóknarflokkurinn hefur ætíð verið forsprakki afturhalds og spillingar á Íslandi. Hann hefur staðið markvisst gegn framförum þjóðfélagsins og sérhæft sig í hagsmunapoti og fyrirgreiðslu. Engin stjórnmálahreyfing í Evrópu á jafn biksvartan feril og Framsóknarflokkurinn.

En Framsóknarflokkurinn er að ganga í endurnýjun lífdaganna. Sigmundur Davíð og Höskuldur eru báðir ungir menn og vaskir og líklegir til að verða föðurlandinu góðir þjónar. Og nú hefur ungur maður steypt Óskari Bergssyni af stalli í Reykjavík.

Einar Skúlason er enn þá lítt skrifað blað í stjórnmálum. Það á eftir að koma í ljós hvern mann hann hefur að geyma. En verri en Óskar verður hann ekki. Með þessari ákvörðun hafa framsóknarmenn í Reykjavík gefið skýr skilaboð um að þeir vilji snúa baki við fortíð flokksins, snúa baki við spillingu og siðleysi í meðferð almannafjár og hefja nýtt líf í stjórnmálum.

Fallinn er Óskar fígúra, formyrkvun landsins barna.

Einar sigraði Óskar

Athugasemdir

[Sigurður Hrellir, 28.11.2009 kl. 16:28]

Óskar er reyndar ekki mjög gamall heldur, í árum talið. Hef ég fyrir satt að jafnvel kornungir Framsóknarmenn breytist í afturhaldssama öldunga yfir nótt þegar þeir hljóta náð og blessun innan reglunnar.

[Baldur Hermannsson, 28.11.2009 kl. 16:30]

Það er ábyggilega rétt hjá þér en við verðum að lifa í voninni, Sigurður Hrellir, því annað höfum við smælingjarnir ekki okkur til viðurværis.

[Jón Snæbjörnsson, 28.11.2009 kl. 16:36]

Framsókn er ekki mitt uppáhald en viðurkenni fúslega hvað ég gladdist er ég las þessi úrslit - vonandi sjáum við góðar tiltektir í Sjáflstæðisflokknun líka þegar þar að kemur

[Baldur Hermannsson, 28.11.2009 kl. 16:41]

Sammála Jón, leggjumst á knén að hætti Richards Nixon og spennum greipar....

[Finnur Bárðarson, 28.11.2009 kl. 17:22]

Tortryggni minni gagnvart þessum flokki verður ekki eytt fyrr en ég fæ skriflega staðfestingu á því að Finnur Ingólfsson og Ólafur Ólafsson eru ekki með puttana í öllu á bak við tjöldin.

[Baldur Hermannsson, 28.11.2009 kl. 17:35]

Finnur, við leggjum ekki frá okkur rifflana fyrr en þeir eru dauðir.

[Skúli Skúlason (IP-tala skráð) 28.11.2009 kl. 20:56]

Hvernig  er  það.  Eru  ekki  undarlegar  fléttur  hérna? Árið  2006  flugu  sögur  um  að  viss  aðili  sem  er  þarna  á  listanum  hafi  verið  potturinn  og  pannan  í  kosningasmölun  Framsóknar  á  útlendingum  og  talað  um  heilu  rúturnar,  og  þeim umbunað  vel  fyrir.   Sagt  var  að  náunginn  hefði  helst  viljað  fylgja  útlendingunum  inn  í  kjörklefann.   Mér  vitanlega  urðu  aldrei  réttarhöld  út  af  þessu  máli  og  það  þaggað  niður.

Var  ekki  Einar  forstjóri  Alþjóðahússins  ekki  fyrir  löngu?

Greinilega  vanir  byltingarmenn  þarna  á  ferðinni.

Drottinn  blessi  heimilið.

[Baldur Hermannsson, 28.11.2009 kl. 22:54]

Skúli, það er alveg ljóst að Einar þessi er klækjarefur og þegar hann var forstjóri Alþjóðahússins var helst á honum að skilja að innfæddir Íslendingar væru svona heldur til trafala hér á landi og sennilega best að losna við þá svo útlendingar gætu haft sína hentisemi. En menn verða að fá að byrja með óskrifað blað í pólitík og sanna sig. Mér hefur skilist að hann sé vinstri sinnaður. Við fáum áreiðanlega að sjá hvern mann hann hefur að geyma.