Við erum holdsveiki maðurinn

14.10.2009 | 17:42

Við erum holdsveiki maðurinn

Við erum holdsveiki maðurinn á Norður-Atlantshafi. Enginn vill nálgast okkur og enginn vil snerta okkur. Við höfum aðeins okkur sjálf til að treysta á. Rússar eru ekki aflögufærir. Þeir voru með vinstri stjórn um áratuga skeið og hafa ekki enn þá rétt úr kútnum. Við höfum sjálfir vinstri stjórn og við verðum líka lengi að rétta úr kútnum. Við verðum að haga okkur eins og þjóð í stríði - fyrsta verk okkar á að vera að velja mikilhæfan foringja. Oss duga skammt þau dusilmenni sem nú sitja og drekka kók í stjórnarráðinu.

	Rússar hafna láni til Íslands
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Mig svo sem undrar ekki neitt sérstaklega að við séum "afskiptir" högum okkur eins og villimenn - hér hefur td ekki verið sendiherra frá USA i hvað eitt ár eða síðan sá síðasti var boðin stórriddarakrossinn en svo snúið við á Álftanesveginum og sagt að hafi verið mistök. Hvernig er hægt að ætlast til "skilnings" "vináttu " á svona ribböldum

Jón Snæbjörnsson, 14.10.2009 kl. 17:56

Já það var óskiljanleg uppákoma og með ólíkindum að enginn skyldi taka pokann sinn daginn eftir. Það er ekki aðeins að Ólafur Ragnar sé orðinn þjóðarfjandi, hann er með gersamlega vanhæfan gaur við hliðina á sér, Önrólf Thorsson.

Baldur Hermannsson, 14.10.2009 kl. 17:58

"Húrra og bravó" fyrir þessu svari frá Rússum. Við þurfum ekki þetta lán. Við þurfum ekkert erlent lán, ... burt með allt þetta niðurlægjandi röfl um erlendar lántökur. Því, til hvers eru þessi lán hugsuð ? Aldrei sést stafkrókur um það. Og þarf aldrei að borga erlend lán til baka? ... og ef svo, þá með hverju, ... ég bara spyr ?

Burt með allt þetta "minnimáttar væl" um erlendar lántökur.Höfuðmálið er að nýta betur íslenskar auðlindir, ... gerum fiskiveiðar frjálsar.

Við þurfum "EKKERT ERLENT LÁN FRÁ EINUM EÐA NEINUM", ... punktur.

Tryggvi Helgason, 14.10.2009 kl. 18:12

Ég er nú ekki svo fróður að ég viti hvort þetta sé rétt hjá þér Tryggvi, en mér fellur vel í geð þessi garpslega framkoma. Mætti segja mér að þú sért maður fyrir þinn hatt, eins og prestsmaddaman sagði.

Baldur Hermannsson, 14.10.2009 kl. 18:17

Nú verður að senda framsóknarförunautin til Moskvu - það dugar ekkert minna. Skv. leiðara Moggans í gær þá eru þeir að vinna verkin sem Jóhanna á að vinna. Simmi og Höski geta haft ráðgjafana með sér, þeir eru sagðir tengjast Björgólfi yngri og hann hefur tengsl í Rússlandi. Einkaþota Björgólfs hlýtur að vera til reiðu þegar svona þjóðþrifamál eru annars vegar! Eftir hverju er verið að bíða?

Hjálmtýr V Heiðdal, 14.10.2009 kl. 18:18

Er ekki þessi "bráðnauðsynlegi" lánapakki klár, nú þegar hillir undir lausn Icesave drullumallsins? Svo hefði verið miklu nær að spjalla við mafíuna í Rússlandi. Þar allt rússagullið, ekki hjá ríkinu. Held að þar séu menn bótalausir fyrir boru.

Tryggvi vill gefa fiskveiðar frjálsar. Flotinn okkar er svo voldugur að hann gæti tæmt miðin af fiski á nokkrum mánuðum. Hver ætti svo að éta allan þennan fisk?

Björn Birgisson, 14.10.2009 kl. 18:29

Simmi og Höski eru hörkunaglar og þeir eiga eftir að stjórna landinu. Þeir eru of ungir enn fyrir svo sendiferðir, það væri þá nær að senda þá frændur Björn og Hjálmtý Heiðdal - sjóaðir menn og ég hef ekki trú á því að þeir kæmu tómhentir til baka.

Baldur Hermannsson, 14.10.2009 kl. 18:30

Kom ekki fram að rússar réðu ekki við að lána okkur vegna eigin efnahags.

Það má skilja á fréttinni að viljann hafi ekki vantað.

Menn geta alveg sparað stóru orðin.

Kannski fyllast fjölmiðlar af fréttum af Simma og Hössa í Rússlandi.

Jón Óskarsson (IP-tala skráð) 14.10.2009 kl. 18:43

Er nú ekki betra að Simmi og Höski byrji á að ná stjórn á eigin framapoti og glappaskotum. Öllu þroskaðri gætu þeir svo komið að stjórn landsins. Vona að þá verði ég dauður. Það nær engri átt að umboðslausir ferðamenn í útlöndum falist eftir risafjárhæðum fyrir hönd þeirrar þjóðar sem vill hvað minnst af þeim vita. Hvað er næst? Kvensur í saumaklúbbum á spjalli við erlenda flokksdindla, bjóðandi blíðu fyrir lán? Drukknar áhafnir í fríi á spjalli við meinta ráðamenn í erlendum höfnum? Allt fyrir Ísland, bara ekki Framsókn.

Björn Birgisson, 14.10.2009 kl. 18:53

Björn er með forgjöf 5 eða eitthvað þar um kring en ég er með 19,1. Þetta er góður kokteill fyrir Texas Scrambel en spurning hvort mafían í Moskvu tali við svona pysjur.

Hjálmtýr V Heiðdal, 14.10.2009 kl. 19:48

Kæri Björn Birgisson. Vissulega vil ég gefa allar fiskiveiðar frjálsar fyrir íslenska fiskimenn innan okkar fiskveiðilögsögu, ... frjálsar, en að sjálfsögu eftir sérstökum reglum þar um, ... það er innan sérstaks ramma, ef ég má nota slíkt orðalag. Þegar frjálsi fiskimaðurinn getur ekki selt fiskinn, eða fær ekki það verð fyrir fiskinn sem hann sjálfur, - sjómaðurinn, - er ásáttur við, ... þá dregur hann saman seglin, ... það er að segja, hann fer ekki á sjó, eða fækkar veiðiferðunum, ... sem sagt: "sparar" fiskinn í sjónum.

En til þess að orðlengja þetta ekki meira hér, þá vísa ég í mínar blaðagreinar síðustu ára, sem hafa birst í Morgunbaðinu og Bæjarins Besta, ... svo og skrif um sama efni á minni bloggsíðu. Ég þakka kærlega fyrir allar undirtektir. Kveðjur.

Tryggvi Helgason, 14.10.2009 kl. 20:09

Hjálmtýr, mafían er með sömu forgjöf og þú - munurinn er sá að þeir svindla en þið frændur ekki.

Baldur Hermannsson, 14.10.2009 kl. 22:33

Jón Óskarsson, Rússar hefðu ugglaust lánað okkur eitthvað ef þeir hefðu séð sér hag í því - en til hvers ættu þeir að ausa fé í litla valdalausa NATO-þjóð sem er ekki einu sinni í öryggisráðinu?

Baldur Hermannsson, 14.10.2009 kl. 22:34

Ekki eru til aumari manntetur en þeir sem að 'skora' rángt í golfi & verða uppvízir af. Í pólitík má allt.

Steingrímur Helgason, 14.10.2009 kl. 23:10

Steingrímur, það einkennilega er að allir bera samstundis kennsl á svindlarann - og hann losnar aldrei við þann stimpil. Hér á höfuðborgarsvæðinu var landskunnur maður sem svindlaði í golfi, hann var brennimerktur og fyrirlitinn.

Baldur Hermannsson, 14.10.2009 kl. 23:24

Nafn?

Björn Birgisson, 15.10.2009 kl. 00:27

Ég gæti lætt út úr mér þessu nafni úti á golfvellinum, því hans ávirðingar eru ekkert leyndarmál - hann svindlaði meira að segja á stórmóti, og varð úr því kærumál - en það á ekkert erindi yfir netið. Ég veit ekki einu sinni hvort hann er lífs, held það þó frekar.

Baldur Hermannsson, 15.10.2009 kl. 00:30