Tvískinnungur Jóhönnu jaðrar við sturlun

Þetta er rétt hjá Jóhönnu, hún dregur saman helstu staðreyndir á afar skilmerkilegan hátt, og ég myndi klappa fyrir henni ef hún héti ekki Jóhanna Sigurðardóttir. Hún sýnir réttilega fram á hvílíkir fautar Bretar eru, en á sama tíma fer hún til þeirra skríðandi á fjórum fótum, flaðrar upp um þá og grátbiður um aðild að Evrópusambandinu.

Einhver kann að segja að þetta séu tvö óskyld mál en sá maður er annað hvort lygari eða fábjáni. Bretar hafa nefnilega sýnt í verki hvernig á okkur yrði tekið í Evrópusambandinu. Réttur okkar yrði þar nákvæmlega enginn. Þar gildir hnefarétturinn, sá sterki kremur þann litla þegar honum sýnist. Hryðjuverkalögin voru viðvörun sem við skulum aldrei gleyma og aldrei fyrirgefa. Bretar eru ekki vinaþjóð okkar, þeir eru óvinaþjóð.

Tvískinnungur Jóhönnu jaðrar við sturlun. Svona hegðun mætti búast við af geðklofa en ekki forsætisráðherra. Við höfnum Bretum og öllum þeirra vélum - og við höfnum Jóhönnu.

Jóhanna gagnrýnir Brown

Athugasemdir

[Vilhjálmur Eyþórsson, 6.10.2009 kl. 16:40]

Vel mælt og sköruglega. En eru núverandi stjórnvöld landráðamenn? Sú tilfinning verður sterkari þeim mun lengur sem þeir sitja á valdastólunum. Menn sem ávallt taka málstað útlendinga, útlendinga sem vilja svínbeygja okkur og kúga, hvað eru þeir? Allt virðist þetta í því skyni gert að koma þjóðinni endanlega undir vald þessara sömu útlendinga. Hvað á að kalla þessa stjórn mensévíka og bolsévíka? Undirlægjustjórnina? Eða á kannski að ganga lengra og kalla hana beinlínis landráðastjórnina? Hvað veit ég?

[Björn Birgisson, 6.10.2009 kl. 17:34]

Vilhjálmur, telur þú að stjórnendur Landsbankans, sem nú eru að skuldsetja þjóðina til andskotans með Icesave, uppvísir að lygum um ábyrgðina, séu landráðamenn?

[Vilhjálmur Eyþórsson, 6.10.2009 kl. 17:37]

Björgólfur og kó voru ekki að skuldsetja þjóðina. Þeir voru að skuldsetja sjálfa sig. Þeir voru stjórnendur Landsbankans, ekki þjóðarinnar. Þetta innlegg þitt er tóm steypa. Sorrý.

[Björn Birgisson, 6.10.2009 kl. 17:39]

Borga þeir þá brúsann? Eða gerir þjóðin það?

[Árni Gunnarsson, 6.10.2009 kl. 17:59]

Ætli einhver geti bent mér á heimskulegri ákvörðun en þá ákvörðun Steingríms og Jóhönnu að skella umsókn um ESB inn á Alþingi á fyrstu dögum þeirra í stjórn? Ákvörðun sem varð til þess að setja umræðu þings og þjóðar í uppnám á sama tíma og eftir var að fá niðurstöðu í Icesafe skuldina? Þar með blönduðust saman í einn yndislegan kokkteil þrjú afar slæm deilumál innan lands sem utan. Og útkoman var:

Semja fyrst við Breta og Hollendinga. Leggjast á hnén fyrir framan IMF og skríða svo á hnjánum til Brussel með brækurnar á hælunum!

Mér dettur í hug drekkingaraðferðin við yfirheyrslur grunaðra hryðjuverkamanna.

[Björn Birgisson, 6.10.2009 kl. 18:20]

Árni, þú lífsreyndi maður, segðu mér eitt. Eigum við að halda krónunni eða þurfum við að taka upp aðra mynt? Er krónan okkar á vetur setjandi?

[Björn Birgisson, 6.10.2009 kl. 18:51]

Vilhjálmur Eyþórsson, steypustjóri, gaf í skyn að stjórnin okkar væri landráðastjórn. Ég lagði fyrir hann einfalda spurningu. Ekkert svar komið enn. Landráðafærslu sína endar hann með spurningunni: Hvað veit ég? Hann veit líklega ýmislegt. Sjóaður og sigldur maðurinn. Kannski ekki nóg. Kannski blindur á báðum með dæmigerða hægri glýju í augum. Hvað veit ég?

[Baldur Hermannsson, 6.10.2009 kl. 19:09]

Vilhjálmur og Eyþór, ég efast um að hægt sé að framfylgja ákæru um landráð á hendur Jóhönnu Sigurðardóttur. Hún var þrátt fyrir allt kosin á þing í löglegri kosningu og grísinn blessaði ríkisstjórnina. Mér finnst vænlegra að ákæra fyrir landráð alla þá sem kusu hana á þing, það eru ljótu besefarnir og verðskulda fyllilega opinbera rassskellingu á Þingvöllum að fornum sið.

[Baldur Hermannsson, 6.10.2009 kl. 19:12]

Árni, svona eftir á held ég að flestir hljóti að sjá að það var óðs manns æði að nauðga VG-greyjunum til að samþykkja þessa umsókn á hveitibrauðsdögum stjórnarinnar - þvert ofan í alla svardaga. Nú eru þeir draugfúlir, skynja reiði kjósenda sinna og vita að margir þeirra munu aldrei kjósa þá framar.

[Björn Birgisson, 6.10.2009 kl. 21:03]

Hver er Eyþór?

[Baldur Hermannsson, 6.10.2009 kl. 21:10]

Hohohohoho Eyþór er auðvitað Björn Birgisson Grindvicensis

[Björn Birgisson, 6.10.2009 kl. 21:55]

Meiri auminginn þessi Vilhjálmur. Er hann nokkuð skyldur þér, Baldur minn?

[Baldur Hermannsson, 6.10.2009 kl. 22:08]

Vilhjálmur Eyþórsson er séní, og báðir erum við niðjar Hólabiskups hins eina og sanna.

[Vilhjálmur Eyþórsson, 6.10.2009 kl. 22:47]

Ég veit ekki til þess að ég sé neitt séní, en hitt er ljóst, að Björn Birgisson er ekki séní. Alls ekki.

[Eygló, 7.10.2009 kl. 01:07]

Er greindarvísitölukeppni í gangi hérna?  Eða kannski bara pissukeppni? 

Ég á ekki von á að nokkur maður hérna sé svo klár að hann sjái hvílíkt greindarséní ÉG er.

Óvinaþjóð Hérna þyrfti e.t.v. að finna meira viðeigandi orð. Ég vil aldrei setja undir einn hatt - almenning / þjóðina     og valdhafa.  Mér er sem ég sæi að við vildum láta klína á okkur Íslendinga, því sem nokkrir skúrkar hafa áorkað.

Hólabiskups??? Máttu þeir geta börn? Eða er það bann kannski nýtilkomið (eftir að niðjar þeirra voru skoðaðir

[Baldur Hermannsson, 7.10.2009 kl. 02:07]

Eygló, sjálf ert þú niðji Jóns Arasonar Hólabiskups og þar af leiðandi skyld okkur Vilhjálmi hvort sem þér líkar betur eða ver. En auðvitað er þetta rétt hjá þér meðóvinaþjóðina - það kemur bara ekkert heppilegra orð í hugann.