Hún eyddi og spennti og þurfti aldrei að spara

Þessi vesalings kona blaðrar enn eina ferðina út og suður en segir ekki nokkurn skapaðan hlut sem hönd á festir. Nú kveðst hún standa frammi fyrir erfiðustu ákvörðunum sem hún hafi þurft að glíma við á sínum pólitíska ferli, en þá er skylt að minnast þess að Jóhanna Sigurðardóttir hefur ALDREI þurft að taka erfiðar ákvarðanir, aldrei!

Hún hefur alltaf valið sér kró sem einskonar býflugnadrottning fyrir þurfalinga á opinberu framfæri, mylgrað í þá milljörðum eftir hendinni, en hún hefur aldrei þurft að takast á við sparnað eða fjáröflun nokkurs konar, enga nýsköpun eða sókn til betri kjara. Jóhanna var alltaf þurfalingadrottningin sem eyddi og spennti og þurfti aldrei að horfast í augu við staðreyndir efnahagsmálanna. Þess vegna er enginn furða þótt henni svelgist á kosningaloforðunum núna, hún sem aldrei hefur aflað - aðeins eytt og spennt.

Fræg eru ummæli Friðriks Sophussonar þegar hann var fjármálaráðherra og hún félagsmálaráðherra, og hún var að kollvarpa öllu kerfinu með heimtufrekjunni. Eftir viku samningaþóf gafst Friðrik upp klukkan hálf þrjú um nótt og æpti svo undir tók: látið þá hel***** kellinguna fá það sem hún vill......"

Róttækar og erfiðar ákvarðanir

Athugasemdir

[páll heiðar (IP-tala skráð) 25.5.2009 kl. 16:59]

Hetjulega skrifað.Geðsjúka krulludýrinu sem búið er að skíta upp á bak á þjóðinni hampað sem hetju og kastað skít í fólkið sem þjóðin valdi til að þrífa upp.Þessi skrif eiga heima á árbæjarsafni ásamt FLokknum

[Ómar Sigurðsson (IP-tala skráð) 25.5.2009 kl. 17:10]

Rétt hjá þér Baldur. Jóhanna á ekki minnstann þáttinn í hvernig komið er fyrir þjóðinni., hún hefur sólundað peningum sem hefðu nú átt að vera til taks á erviðleikatímum. Þessi kona er búinn að vera á ríkisspenanum í þrjátíu ár og Steingrímur í tuttugu og fimm ár. Þetta er orðið ágætt hjá þessu fólki sem eru ekki til neinna verka. Tími þeirra er liðinn.

[Björn Birgisson, 25.5.2009 kl. 18:06]

Baldur, stundum hvarflar að mér að meinir ekki orð af því sem þú ritar hér á blogginu. Að þú sért bara óforbetranlegur stríðnispúki á virðulegum aldri og ritir flesta þína pistla í öfugmælastíl, til þess eins að hrella heiðarlega samborgara þína og kalla fram vanstillt viðbrögð. Sitjir svo við skjáinn og hlæjir þig máttlausan að öllu saman.

[Baldur Hermannsson, 25.5.2009 kl. 18:20]

Alla vega hlæ ég mig máttlausan að þessari athugasemd hans Bjössa, hehehe!

[Halldór Jónsson, 25.5.2009 kl. 23:25]

Já Baldur, ég hef verið að velta fyrir mér hvaða erfiðar heilög Jóhanna hefur þurft að taka í pólitík sem einhverju máli skiptu ? Ég tel ekki stofnun Þjóðvaka til slíks. Hvað þá heldur varðstöðu hennar gegn öllum niðurskurðaráformum ríkisstjórnar Geirs Haarde og Ingibjargar Sólrúnar.Sinnaskipti í Evrópumálum?

Nei ég held að hún sé óslitin manneskja að þessu leyti blessunin.

[Baldur Hermannsson, 25.5.2009 kl. 23:31]

Þjóðvaki snerist aðeins um hennar háheilaga metnað og ekkert annað. Hún er óslitið eintak af kommakellingu.

[Árni Gunnarsson, 26.5.2009 kl. 12:54]

Og samkvæmt þessum snöggu afgreiðslum ykkar Halldór og Baldur þá hafa þeir Albert Guðmundsson og Gunnar Thoroddsen bara verið laumukommar?

En nú er hún orðin svolítið þreytt þessi kommaumræða. Mér er eiginlega farið að skiljast að þeir sem ekki sýna Sjálfstæðisflokknum og hagspekingum markaðshyggjunnar tilhlýðilega virðingu séu kommúnistar. Þetta er ekki boðlegt í umræðu á upplýsingaöld. Sósíalismi, kommúnismi, frjálshyggja og óbeisluð markaðshyggja eru kennisetningar sem má nota til vísbendinga þegar úrbóta er þörf. Jafnvel til vísbendinga um ófærar leiðir þegar reynslan er skoðuð.

Hvað Jóhönnu varðar þá hefur ríkisstjórn hennar tekist á við verkefni sem engin ríkisstjórn á Íslandi hefur þekkt. Henni hefur ekki rekist að skilgreina vandann og úrræðin svo séð verði.

Og nú þolir það enga bið að þessi mál fari í skilgreindan farveg. Langlundargeð þjóðarinnar er komið að sprengjustigi. 

[Baldur Hermannsson, 26.5.2009 kl. 14:23]

Árni minn, það er hægt að ofgera umburðarlyndinu eins og öðru. Þetta eru kommúnistar og sauðaþjófar og basta.