Vinstri menn skrafsamir og skemmtilegir við skál

Öll eða langflest sveitarfélög landsins eru í fjárhagsvanda. Sá vandi er yfirleitt heimatilbúinn. Sveitarfélögin hafa tekið að sér alls kyns verkefni sem þeim ber ekki lagaleg skylda til að sinna. Frambjóðendur til sveitarstjórna lofa upp í ermina á sér, taka lán og steypa sveitarfélaginu í botnlausar skuldir. Þannig hefur þetta verið í áranna rás.

Hafnarfjörður er gott dæmi - en sorglegt. Bæjarstjórn Samfylkingarmanna kann ekki með fé að fara. Bæjarstjórinn tók risalán upp á marga milljarða og þegar menn spurðu hann agndofa hvers vegna hann hefði gert það, var svarið einfalt: ég fékk það á svo góðum kjörum! Reyndar var lánið í erlendri mynt og er nú búið að koma bænum á vonarvöl. Þannig er nú ráðslag vinstri manna.

Mín reynsla af vinstri mönnum er sú, að þeir eru skrafsamir og oft skemmtilegir við skál, en það má ekki hleypa þeim í fjárhirsluna því þá er voðinn vís.

„Eins og blaut tuska“

Athugasemdir

[Jóna Kolbrún Garðarsdóttir, 9.5.2009 kl. 12:24]

Ekki er farið svona með peningana okkar sem búum á Seltjarnarnesi, hér er eitt best rekna bæjarfélag landsins.  Sjálfsstæðisflokkurinn, fékk að mig minnir u.þ.b 75% atkvæða í síðustu bæjarstjórnarkosningum..

[Eygló, 9.5.2009 kl. 12:25]

Ætli þetta sé gegnum gangandi?  Fylgir þetta flokkspólitískum (er þetta rétt orð?) línum?  Hvernig skiptist þetta þá? (m.v. stærstu flokka)