Sjálfstæðisflokkur í stórsókn

Sjálfstæðismenn eru greinilega að ná vopnum sínum um land allt. Þeir hafa aukið fylgi sitt um þriðjung frá síðustu könnun. Oddvitinn, Kristján Þór, hefur gífurlegt fylgi í kjördæminu enda vaskur maður, þaulreyndur og kjósendur vita að hann hefur alla burði til þess að rífa upp atvinnulífið og rétta við efnahag landsins. Eftir landsfund er Kristján einn af máttarstólpum Sjálfstæðisflokksins. Það kemur mér ekki óvart að kjósendur á Norðurlandi og Austurlandi skuli flykkjast um hann.

VG stærst í Norðausturkjördæmi

Athugasemdir

[Hilmar Hafsteinsson (IP-tala skráð) 16.4.2009 kl. 17:49]

Sammála þér Baldur. Ef sjáLfstæðisFLokkurinn afrekar það að ná 20% kjörfylgi á landsvísu á endasprettinum hlýtur að mega túlka það sem stórsókn.

[Ben.Ax. (Benedikt Jóhannes Axelsson), 16.4.2009 kl. 17:53]

Sumir Akureyringar eru enn að hrópa húrra fyrir því að Kristján skyldi komast á þing. En mér finnst það ekki vænlegt til árangurs að senda sextugum og eldri í Breiðholtinu boð um að skakklappast niður í Mjódd að hlusta á Illuga Gunnarsson og harmóníuleik.

[Baldur Hermannsson, 16.4.2009 kl. 17:56]

Hehe, sagðirðu harmóníkuleik? Bjóða þeir ekki upp á bingó líka?

[Baldur Hermannsson, 16.4.2009 kl. 17:56]

Hilmar, þú ert flottastur!

[Björn Birgisson, 16.4.2009 kl. 18:55]

Leiftursókn! ................ svona rétt í blálokin, til að lágmarka tapið!

[Kolbrún Hilmars, 16.4.2009 kl. 19:16]

Það kæmi mér ekki á óvart að Baldur hefði nokkuð fyrir sér þarna.  VG eru að klúðra sínum málum á Alþingi og SF hefur engar lausnir aðrar en ESB vælið.

[Snjólaug A. Sigurfinnsdóttir, 16.4.2009 kl. 19:43]

Hann Kristján Þór er flottur, ég er enn fúl að hann varð ekki formaður

[Björn Birgisson, 16.4.2009 kl. 21:26]

Snjólaug, flestir þjóðernisjafnaðarmenn á Íslandi eru fúlir um þessar mundir. Væru nákvæmlega jafn fúlir með Kristján í formennskunni.

[Jón Ingi Cæsarsson, 17.4.2009 kl. 06:53]

Sjálfstæðisflokkurinn hefur aldrei í sögunni verið jafn neðarlega í NA kjördæmi.. og áður Norðaustur og Austurkjördæmum... Það er líklega stórsókn Baldur... gott að vera glaður með sitt. 

[Baldur Hermannsson, 17.4.2009 kl. 07:39]

Rétt Jón, lífið allt er ein samfelld lexía eins og maður á þínum aldri veit ofur vel. Nú lærum við Sjálfstæðismenn að lifa með litlu og njóta hins smáa. Nú þarf svo lítið til að gleðja okkur - rós í vegarkantinum, glitský á himni, 4 atkvæði í Hrísey. Þetta gerir okkur gott, sannaðu til.