Óráðsíustjórnin sýnir klærnar

Er þetta það sem þjóðin þarf? Það er þegar búið að lækka laun fjölda fólks hjá hinu opinbera, fjölmargir hafa misst vinnuna vegna neyðarhagræðingar og svo kemur vinstri óráðsíu-stjórnin upp með þetta snjallræði.

Vitlegast hefði verið að afnema alla listamannastyrki næstu 5 árin. Við þurfum fyrst að eiga fyrir matnum okkar - síðan kemur röðin að listum.

En svona verður þetta næstu 4 árin. Hömlulaust sukk og fjáraustur í hringavitleysu meðan fyrirtækin fara á hausinn og alþýðan sveltur.

Lög um listamannalaun samþykkt

Athugasemdir

[Lesandi (IP-tala skráð) 16.4.2009 kl. 14:12]

Þú varst nú einu sinni á spenanum, ekki satt, Baldur minn?

[gunna (IP-tala skráð) 16.4.2009 kl. 14:31]

Hvaða matur verður í kvöld mamma? Það verður lesið úr ljóðabók elskan.

[Baldur Hermannsson, 16.4.2009 kl. 15:05]

Lesandi, ég er ekki að segja að við ættum að afnema listamannastyrki til eilífðar, aðeins næstu 5 árin meðan við erum að koma undir okkur fótunum - ef okkur tekst það á annað borð.

[Baldur Hermannsson, 16.4.2009 kl. 15:06]

gunna, þú kannt að koma orðum að því!

[Ben.Ax. (Benedikt Jóhannes Axelsson), 16.4.2009 kl. 16:22]

Listamannalaun eru arfur gamals tíma og dæmi um pólitíska óráðsíu. Geta listamenn ekki einfaldlega unnið fyrir sér eins og aldraðir og öryrkjar?

[Anna Guðný , 16.4.2009 kl. 16:35]

Eitt er að halda áfram því sem hefur verið hingað til, annað er að bæta við.

Skil þetta ekki heldur, frekar en svo margir aðrir.

[Baldur Hermannsson, 16.4.2009 kl. 17:06]

Eðlilegast er auðvitað að listamenn vinni fyrir sér með því að selja verk sín. Styrki ætti að veita til sérstakra verkefna. En reyndin er sú að margir eru einfaldlega á launum, listamannalaunum, og oft eru það menn sem enginn vill kaupa verk eftir.

Það er glórulaust að fjölga slíkum launum núna þegar verið er að lækka laun fólks og segja mönnum upp störfum.

[Kolbrún Hilmars, 16.4.2009 kl. 17:58]

Að mínum dómi á að styrkja listamannaspírur til þess að gefa þeim tækifæri. En gjaldþrota þjóð hefur engin efni á því að greiða með þekktum listamönnum sem hafa alla burði til þess að lifa af list sinni.

[Fjölnir (IP-tala skráð) 17.4.2009 kl. 10:24]

Ef við ætlum að greiða listamannalaun, er þá ekki einmitt lógískt að ríkið eignist öll verk sem listamaðurinn býr til á meðan hann er á listamannalaunum? 

Listamaðurinn getur þá kosið að afsala sér laununum þegar hann sér fram á að geta lifað af eigin list.

[Baldur Hermannsson, 17.4.2009 kl. 11:50]

Hollenskur listmálari sem sýnt hefur víða um lönd tjáði mér fyrir nokkrum árum að hollenska ríkið ætti 400 000 listaverk sem enginn vill sjá eða heyra. Það er geymt í risaskálum, það kostar morð fjár að varðveita þetta og lagfæra þegar þarf, eins og lög kveða á um. Ríkið hefur í örvæntinmgu reynt að koma þessu út, inn á stofnanir og annað, en enginn vill hafa þetta nálægt sér.

[Fjölnir (IP-tala skráð) 17.4.2009 kl. 17:29]

Listamenn sem framleiða verk sem ekki einu sinni er hægt að gefa eru augljóslega ekki verðir listamannalaunana.  Það er borðleggjandi.  Menn eru allt of gjafmildir á styrki ef 400.000 verka safn styrkþega safnast upp í óþökk allra.

[Baldur Hermannsson, 17.4.2009 kl. 17:40]

Fjölnir, þetta var yfirlýst stefna Hollendinga um langt árabil - og er kannski enn þá. Gallinn við "nútímalist" er bara sá að mikið af henni er algert rusl sem enginn vill sjá eða heyra. Ég hef lagt á mig þá raun að fara á listsýningar hér heima, þar sem manni var boðið upp á auvirðilega lágkúru. Það er til skammar að lækka laun alþýðunnar til þess að halda uppi svona framleiðslu.

Það þarf ansi harðvítugan vinstri mann til að verja þessa óhæfu. Mér sýnist reyndar hér á blogginu að grimmustu vinstri hundarnir leiði þetta mál hjá sér.