Karlmenn spjalla, konur pískra

Þessi könnun er örugglega pöntuð, hönnuð og framkvæmd af harðsvíruðum feministum sem aldrei geta litið karlmenn réttu auga. Auðvitað spjalla karlmenn saman, en við erum þá mest að skiptast á faglegum skoðunum sem varða vinnustaðinn okkar, bera saman bækur okkar um mikilvæg mál er varða samfélagið, fræða hver annan um uppgötvanir í vísindum og ræða menningu og listir. Þannig er það á mínum vinnustað og hefur alltaf verið. Konurnar eru víst aðallega að pískra um framhjáhöld, árekstra í einkalífi, hneykslismál fræga fólksins og þar fram eftir götunum. Það finnst þeim gaman.

Karlar slúðra meira en konur

Athugasemdir

[Vilhjálmur Eyþórsson, 1.4.2009 kl. 17:25]

Ég held að besta ráðið við feminisma væri að lögleiða hér fjölkvæni. Alda- og árþúsunda reynsla segir að konum líður hvergi betur en í kvennabúrum. Þær hætta snarlega valíumáti og feministahjali og einbeita sér að því að gera herra sínum allt til geðs. Og því ekki? Er þetta eitthvað skrýtin tillaga í landi þar sem prestarnir draga sköllótta, skeggjaða karla upp að altarinu til að vígja þá saman? Ég bara spyr. Annars tel ég að Nietzsche hafi haft rétt fyrir sér þegar hann sagði: "Haldir þú á fund kvenna, hafðu með þér svipu!"

[Baldur Hermannsson, 1.4.2009 kl. 17:30]

Þetta er kannski gott ráð en það gengur samt ekki því þá heimta þær fjölveri og þá liggjum við í því. Reyndar hafa Svíar einmitt verið að ræða þessi mál af alvöru. Þeir vilja til dæmis lögleiða fjöldahjónabönd. Í slíku hjónabandi gætu td verið 3 karlmenn og 8 konur. Hvers vegna ætti ríkisvaldið að takmarka fjölda einstaklinga í hjónabandi?

[Hannes, 1.4.2009 kl. 19:53]

Fjölkvæni er góð hugmynd en er ekki nóg að vera með eina nöldrandi kellingartruntu? Kannski nöldra þær svo mikið hver í annari að karlinn þarf ekki að hlusta á þær. hahaha

[Baldur Hermannsson, 1.4.2009 kl. 20:00]

Ég veit því miður alltof lítil um fjölkvæni, hef aldrei reynt það sjálfur og hef allt mitt vit á þeim úr sjónvarpinu - en það er víst tilfellið að það logar allt í afbrýðissemi milli kvennanna og þá vonandi sleppur maðurinn við nagg og nöldur og fær að horfa á enska boltann í friði.

[Anna Guðný , 1.4.2009 kl. 20:13]

Hehe var þetta sárt?   Mikið er vald femínista á Íslandi. Þeim er kennt um ansi margt sem óöruggum karlmönnum er illa við.

Svo er spurning Vilhjálmur, fjölkvænið getur verið að hinn veginn.

Hafðu það gott

[Baldur Hermannsson, 1.4.2009 kl. 20:15]

Nei Anna, það heitir "fjölveri", orðið "ver" þýðir karlmaður, samanber "frumver".

[(IP-tala skráð) 2.4.2009 kl. 00:27]

Nei nei góði þetta er ekkert pantað þetta er örugglega framkvæmt að körlum, sem ekki hafa höndlað það í rannsókn sinni að konur geta gert svo marga hluti í einu en vegna annmarka ykkar hvað það varðar hefur þessu rannsóknarteymi  yfirsést að konur slúðra mun meira  þær geta bara unnið vinnunna sína í leiðinni og þess vegna koma þær betur út í þessari könnun heldur en þið, sem verðið að leggja allt frá ykkur til að geta yfir höfuð talað saman.   

[Baldur Hermannsson, 2.4.2009 kl. 08:08]

Sigurlaug, þetta er flott skýring og örugglega rétt!  Einu sinni var ég að kenna bekk þar sem nokkrar stelpur mösuðu stanslaust. Ég sagði þeim í bróðerni að þegja og einbeita sér að verkefninu. "Þú skilur það ekki, Baldur, að við getum gert tvennt í einu af því að við erum konur, við tölum saman og erum líka að vinna". Jæja, þá, haldið þá áfram að masa sagði ég. Og það var rétt sem þær sögðu: þær mösuðu og þær unnu. Síðan hef ég lítið skipt mér af masi stelpna. Kvenheilinn klikkar ekki!