Húmorslausu kommagerpin gnísta tönnum

Húmorslausu kommagerpin hér á moggablogginu öskra sig sótrauð af illsku yfir brandara leiðtogans mikla um norska sendisveininn frá verkamannaflokknum sem heilög Jóhanna gerði að seðlabankastjóra yfir Íslandi. Það má ekki segja brandara um sjúkdóma, segja litlu reiðu gerpin. Til að gera þau enn reiðari er hér brandari sem er um blindan mann og ljóskur. Mannkynið er búið að hlæja sig máttlaust að þessum brandara síðan hann var settur á netið. Hvernig hefðu kommagerpin brugðist við ef Davíð hefði sagt hann?

Blindur maður villist inn á kvennabar, finnur sér stól við barborðið og pantar sér glas.
Þegar hann er búinn að sitja nokkra stund kallar hann á barþjóninn: “Heyrðu, á ég að segja þér ljóskubrandara?”
Á sömu stundu dettur allt í dúnalogn á barnum, þar til konan við hlið blinda mannsins segir við hann með lágri, dimmri rödd: “Áður en þú segir þennan brandara, góði minn, þá held ég að það sé réttast af því þú ert blindur, að ég fræði þig um fáein atriði:
Barþjónninn er ljóshærð kona.
Útkastarinn er ljóshærð kona.
Ég er 1,85 á hæð, 100 kíló og er með svarta beltið í karate, og ég er ljóshærð.
Konan við hliðina á mér er ljóshærð og íslandsmeistari í lyftingum.
Konan sem situr hinum megin við þig er ljóshærð og er íslandsmeistari í vaxtarækt.
Hugsaðu þig vel um, vinur. Langar þig enn að segja þennan brandara þinn?”

Blindi maðurinn hugsar sig um andartak, hristir svo höfuðið. “Nei, ætli það, ekki ef ég þarf svo að útskýra hann fimm sinnum.”

Athugasemdir

[Brattur, 29.3.2009 kl. 13:12]

Baldur... ég tel mig hafa allgóðan húmor og ekki er ég "kommagerpi" þó jafnaðarmaður sé... en þessi brandari er afskaplega slappur... Kannski hafa vinstri og hægri menn örðuvísi húmor... kannski hlægja allir hægir menn að svona bröndurum?

[Baldur Hermannsson, 29.3.2009 kl. 13:16]

Það er nú alþekkt að húmorinn hjá þér fór að þynnast þegar Manchester fataðist flugið.

[Hjálmtýr V Heiðdal, 29.3.2009 kl. 13:17]

Sæll Baldur

Þið vinir Davíð verðið að kenna honum á netið. Hann kann ekki að gúggla. Svein Harald seðlabankastjóri er með 14,100 tilvísanir - á ýmsum tungumálum.

„Húmorslaudu kommagerpin“ - ein perla í safnið.

[Hjálmtýr V Heiðdal, 29.3.2009 kl. 13:18]

„þið vinir Davíðs“ átti það að vera.

[Baldur Hermannsson, 29.3.2009 kl. 13:19]

Fer ekki best á því að Bjarni Harðar kenni honum?

[Brattur, 29.3.2009 kl. 13:21]

Baldur, United eru enn efstir og verða meistarar og húmorinn minn er alveg í lagi... en í fúlustu... finnst þér þetta góður brandari?

[Baldur Hermannsson, 29.3.2009 kl. 13:25]

Já hann er nokkuð góður - ekkert briljant, en góður. Ég skal útskýra hann fyrir þér við tækifæri.

[hilmar jónsson, 29.3.2009 kl. 13:35]

Djöfull er Baldur góður fulltrúi Sjálfstæðisflokksins. ha ha ha . Mæli með því að flokkurinn geri hann að kynningarfulltrúa : Sá myndi nú sópa inn atkæðunum.

[Ragnhildur Kolka, 29.3.2009 kl. 14:00]

Baldur, manni getur orðið hált á því að hæðast að húmorslausum. Húmor þeirra leyfir það ekki.

[Ben.Ax. (Benedikt Jóhannes Axelsson), 29.3.2009 kl. 15:34]

Það vantar ekki húmorinn í ykkur, sjálfstæðismenn. Það er hins vegar spurning um allt hitt. Velkominn til leiks.

[Baldur Hermannsson, 29.3.2009 kl. 15:36]

Þú mátt alveg hlæja að mér, Hilmar Jónsson, mér finnst verra þegar þú æðir eins og landafjandi um gervallan bloggheiminn með ofstækisfullum aðdróttunum í garð þeirra sem þér er í nöp við.

[Baldur Hermannsson, 29.3.2009 kl. 15:37]

Svona vert þú ekkert að hnjóða í oss íhaldsmenn, Benedikt, okkur vantar ekki húmorinn og reyndar ekki neitt - nema atkvæði!

[hilmar jónsson, 29.3.2009 kl. 17:39]

Líturðu á það sem ofstæki að ég vilji gera þig að kynningarfulltrúa Sjálfstæðisflokksins Baldur ?

Ja þú ert þá væntanlega með því að leggja þitt persónulega mat á það sem út úr því kæmi.

[Baldur Hermannsson, 29.3.2009 kl. 17:48]

Hilmar, reyndu að hugsa og tala eins og maður þegar þú ávarpar mig. Ég hef engan áhuga á neinu kynningarfulltrúastarfi, hvorki fyrir þennan flokk né annan. Ég kynni mín eigin viðhorf og dagurinn endist mér vel til þess.