Sigurður Kári tuktar Þráinn

Mér var bent á rétt í þessu að erfitt væri að opna síðustu færslu og birti hana því aftur með von um betri árangur:

*

Það er gaman að sjá unga menn vaxa í starfi og breytast úr léttadreng í fullgildan háseta. Nú er Sigurður Kári Kristjánsson orðinn einn af sterkustu þingmönnum Sjálfstæðisflokksins, rammur að afli, hugdjarfur, orðheppinn og mígfyndinn og leggst vel á árarnar þegar róið er beint upp í vindinn. 

*

Það er gaman að sjá hve vinstri skriffinnum liggur illa orð til Sigurðar Kára. Það sannar svo ekki verður um villst að þar fer drengur góður og mannvænlegur. Hann er býsna vel menntaður,  kýrskýr, fróður og rökvís og fer aldrei á handahlaupum í málin, heldur reifar allt snöfurmannlega og styður gildum rökum.

*

Þráinn Bertelsson og aðrir léttadrengir vinstri flokkanna ríða ekki feitum truntum frá orðaskiptum við Sigurð Kára. Hann er framtíðarmaður á þingi en þeir munu allir hverfa eins og illur draumur þegar þjóðin vaknar. 

Athugasemdir

[Jóhannes Laxdal Baldvinsson, 19.1.2011 kl. 22:28]

Þráinn sagði í frægu viðtali að 5% þjóðarinnar væru fífl. Ég held að hlutfallið sé 80% og þau eru öll á fésbókinni.

[Vilhjálmur Eyþórsson, 19.1.2011 kl. 22:30]

Eins og ég sagði í athugasemdinni sem hvarf er gott að fá Sigurð Kára aftur á þingið. Hatur vinstra- liðsins á honum eru bestu hugsanlegu meðmæli sem nokkur á hægri kanti getur fengið. Því meira hatur og rógur sem beinist að viðkomandi, þeim mun meira óttast hyskið hann.

[Jón Snæbjörnsson, 20.1.2011 kl. 09:01]

tek undir með síðasta ræðumanni