Sorapollurinn Reykjavík

Reykjavík er orðinn hættulegasti staður Evrópu. Harðsvíruð glæpagengi ráða lögum og lofum. Nauðgarar og innbrotsþjófar eru alls staðar á kreiki, ofbeldismenn myrða og misþyrma og þegar sól hnígur í sæ er enginn óhultur. Allur almenningur er genginn af göflunum og kýs yfir sig sjálfumglaða vitleysinga sem stórhækka gjöld og álögur en skynsamt fólk flýr unnvörpum til annarra sveitarfélaga eða jafnvel annarra landa. Ef Ísland ætti her væri löngu búið að setja herlög í Reykjavík. Ekki þýðir að handsama ofbeldismennina því þeim er sleppt jafnharðan, þeir fá alltof væga dóma og refsingar fyrnast því fangelsin eru yfirfull af útlendingum. Sorapollurinn Reykjavík er smánarblettur á Reykjavík og það er vont að búa í Reykjavík.

Tvennt í haldi vegna árásar

Athugasemdir

[hilmar jónsson, 16.1.2011 kl. 13:45]

Þetta er gjörsamlega óásættanlegt. Alvöru refsingar fyrir svona skítapakk.

[Hákon Jóhannesson (IP-tala skráð) 16.1.2011 kl. 13:49]

Mjög góð og tímabær hugleiðing sett fram á mannamáli. Það er ekki þorandi ofan í 101 eftir að rökkva tekur. Flóknarar er það nú ekki.

Ég tel að það verði að gera umtalsverðar breytingar  hér á löggæslu allri  á áhættusvæðum og viðbrögðum við ofbeldisbrotum. Breyta þarf lögum !  M.a. þyngja verulega refsingar við líkamsárásum og nauðgunum sem eru ein alvarlegasta mynd líkamsárásar og líkamlegs- og andlegs ofbeldis sem fyrirfinnst.  Það verður að taka ofbeldis- og síbrotamenn úr umferð með vistun og það er eðlileg og sanngjörn krafa í dag; en þessum ógæfumönnum væri með því mikill greiði gerður - að sjálfsögðu.

[Arinbjörn Kúld, 16.1.2011 kl. 14:03]

Enda tölum við um "borg óttans" sem störfum við að bjarga landanum úr vandræðum.

Kveðja að norðan.

[Kemur þér ekki við (IP-tala skráð) 16.1.2011 kl. 14:09]

Hvað kemur það málinu við? Þetta skeði í kópavogi þessi tilgreinda frétt er bendluð við blogg færslu þína..... Spurnig um að kynna sér aðeins fréttina áður en þú ferð að skíta yfir hana?

Bestu kveðjur,

gaurinn sem er mjög á móti ÞÉR.

[Kemur þér ekki við (IP-tala skráð) 16.1.2011 kl. 14:12]

Verðu að afsaka bræði mína... þessi athugasemd á svo sannarelga ekki heima við þessa blogg/færslu.

-manneskjan sem skrifar það sem stendur fyrir ofan.

[Guðlaug (IP-tala skráð) 16.1.2011 kl. 16:03]

Að mínu mati hefurðu algjörlega rétt f. þer, enda löngu hætt að fara í 101 um helgar.  Þetta er ekki orðið eðlilegt. Manni brá við svona fréttir einu sinni í viku en núna er þetta bara að verða "daglegt" eða allat að því.  Og svona hópárásir eru svo "sick" og eiga sér stað jafnvel niður í unglingaaldur.....Ekki hlusta á þennan ---sjúka gaur sem skrifaði hér á undan - greinilega e-ð að hjá honum - ´Þekki þetta frá fyrstu hendi, barnsfaðir minn var m. hnefastóra holu ofan í höfuð e. alveg tilefnislausa árás.  hann lá í raun f. dauðanum en sem betur fer e. margra sólarhringa dá kom hann til baka en hefur aldrei orðið samur.

[Baldur Hermannsson, 16.1.2011 kl. 17:02]

Guðlaug, þetta er óhugnanleg frásögn og ég skil ekkert í aðgerðaleysi stjórnvalda ..... er þessu fólki alveg sama? Stjórnvöld eru skipuð til að vernda hagsmuni okkar og dómstólarnir eru til þess að fólk sé ekki að standa í blóðhefndum eins og til forna.....en þessir aðilar horfa á ógnaröldina og yppta öxlum.

[Heimir Lárusson Fjeldsted, 16.1.2011 kl. 17:06]

Rétt.

[Heimir Lárusson Fjeldsted, 16.1.2011 kl. 17:07]

Nema hvað umræddur atburður átti sér stað í Kópavogi, en þar hefur ástandið snarversnað síðan Gunnar missti völdin.

[Baldur Hermannsson, 16.1.2011 kl. 17:17]

Reykjavík / Kópavogur, skiptir ekki máli, landamærin eru bara strik á pappír og hafa ekkert raunverulegt gildi fyrir óþjóðalýðinn sem valsar um í skjóli myrkurs og hyggur á stuld, morð og nauðgun. Heimabyggð óþjóðalýðsins er nóttin.

[Gunnar (IP-tala skráð) 16.1.2011 kl. 17:38]

Heimir, meinaru ekki Geiri? Hefur ástandið í kópavogi ekki bara snarversnað síðan fólk hætti að fá útrás á Goldfinger? :)

Annars er ég frekar ósammála þessum færslum hérna. Hef farið í "bæinn" reglulega um helgar undanfarin 10 ár og ef eitthvað er þá hefur staðurinn róast síðustu ár. Fanst ég verða meira var við eitthvað vesen útá götum þarna fyrir um 5 árum en nú. Annars eru flestir nokkuð öruggir þarna svo lengi sem þeir eru ekki ofurölvi eða á ferðinni mikið einir.

[Sigurbjörn Friðriksson, 16.1.2011 kl. 18:18]

Þetta er þörf ábending hjá þér Baldur, og það á mannamáli.

Reykjavík/Höfuðborgarsvæðið, það er óþarfi fyrir fólk að vera með hártoganir.  Þetta er sama Lögregluumdæmið.

Ég man eftir skoðanakönnunum sem voru gerðar á Íslandi fyrir örfáum árum með tiltölulega stuttu millibili.  Þar kom fram mikið vantraust á Alþingi en því meira traust á Háskóla Íslands sem þá var eini háskólinn ef ég man rétt.  Síðan komu ákaflega merkilegar niðurstöður um "Lög og Rétt". Lögreglan fékk einna hæstu einkunn (voru fljótir að handsama glæpamenn).  En dómstólar landsins fengu einna lægstu einkunn (voru fljótir að sleppa glæpamönnunum).

Ég las viðtal við afbrotafræðing fyrir löngu síðan sem útskýrði "tölfræði um glæpamál á mannamáli".  Ef síbrotamenn (sem eru um 10% af þessum gerendum) eru settir undir lás og slá (teknir út úr þjóðfélaginu) þá fækkar glæpum um ca. 70%.  Þegar ég var ungur og fallegur (fyrir mjög mörgum árum síðan áður en ávana-, fíkniefna og eiturlyfjavandamálið var komið á núverandi stig, annað en misnotkun á brennivíni og svefntöflum o.þ.h.) þá var fangelsið að Litla Hrauni við Eyrarbakka kallað "Letigarðurinn".  Þar voru ólánsmenn hafðir og fengu að vinna sér inn vasapeninga og jafnvel bæjarleyfi endrum og eins þ.e., þeir sem kunnu haga sér vel, þannig að þarna var ekki um ómannúðlega meðferð á föngum að ræða.  

Það þarf ekki "fangelsi" sem slíkt með þröngum klefum.  Hví ekki að kaupa Grímsey af Grímseyingum, opna þar stórt "hótel" og hafa þar fiskvinnslu og annað þarflegt sem vistmenn geta dundað sér við á meðan að þeir eru teknir út úr íslensku þjóðfélagi fyrir framda glæpi...????  Það er óþarfi að "refsa", "hefna" og "hegna" þessum ólánsmönnum af hvoru kyninu sem þeir eru, bara taka þá út úr þjóðfélaginu sem þeir eiga ekki heima í......?????

Bretar fóru helv... flott að því, sendu alla glæpamenn sem þeir náðu í og sendu til Ástralíu og þar eru þeir ennþá og eru orðnir ágætis fólk sem gera engum mein utan þess að útrýma svo gott sem frumbyggjunum eð fara með þá sem þræla... en hverjir gera það ekki svosem??? Bandaríkjamenn með indíanana og svertingjana, Ísrael með Palestínumenn og Líbana, Danir með Grænlendinga (og áður Íslendinga), Kínverjar með fjölda þjóðflokka t.a.m Tíbeta, Kambódíumenn með eigið fólk,  Kaupfélag Skagfirðinga með Skagfirðinga, Vatíkanið með Kaþólikka, Rúanda og Búrúndi með hvort annað, og til að bíta hausinn af skömminni, leysingjanegrar frá BNA sem voru fluttir "heim" til Afríku í frelsið og níðast þar á frumbyggjum Líberíu sem voru fyrir.

Bless, Björn bóndi   

[Baldur Hermannsson, 16.1.2011 kl. 18:30]

Einmitt, þetta eru athyglisverðar pælingar. Verstir eru síbrotamennirnir og þeir eru aflvélarnar sem knýja óöldina. Voru Kanar ekki farnir að setja síbrotamenn í ævilangt fangelsi til þess að kippa þeim úr umferð fyrir lífstíð? Þetta eigum við að gera og mér líst stórvel á þessa hugmynd þína að hola þeim niður úti í ballarhafi, þar geta þeir í mesta lagi böggað hver annan. En stjórnvöld virðast hætt að sinna sínum frumskyldum sem eru að vernda borgaranna og halda uppi lögum og reglu.

[Guðjón Sigþór Jensson, 16.1.2011 kl. 18:51]

Fyrir rúmum 60 árum hvatti Kristján Albertsson til að komið væri fyrir stóru járnbúri á miðju Lækjartorgi og lögreglan færði óeirðaseggi í það þangað svo væri komið máli að þeir biðuðst vægðar og lofuðu bót og betran. Sjálfsagt er þetta ekki verri hugmynd á því herrans ári 2011 og 1948 þegar þessari hugmynd var komið á framfæri.

Þeir sem vilja skoða þessa hugmynd er þessi grein prentuð í ritgerðasafni Kristjáns: Í gróandanum og kom út sama ár og Halldór fékk Nóbelinn. Bókina má fá léða á öllum betri bókasöfnum landsins.

Mosi

[Baldur Hermannsson, 16.1.2011 kl. 18:58]

Og þá væntanlega því bókasafni sem þú veitir forstöðu?

[Baldur Hermannsson, 16.1.2011 kl. 19:00]

En í alvöru talað er þessi hugmynd ekki alslæm, Guðjón. Við ættum að beita samfélagsþjónustu eins og aðrar þjóðir gera. Sakamennirnir verða auðkenndir, til dæmis með eldrauðum búningum, svo fara þeir niður í bæ og vinna við að hreingera borgina, slá grasfleti og ýmsum gagnlegum störfum geta þeir sinnt í stað þess að dúsa inni. En þessi refsing myndi ekki hæfa síbrotamönnum.

[Guðjón Sigþór Jensson, 16.1.2011 kl. 19:02]

Úrdráttur úr grein Kristjáns birtist í Tímanum 16.2.1948 en birtist öll í Morgunblaðinu 14.2.1948:

„Það verður að setja upp á Lækjartorgi í Reykjavík stórt

járnbúr, eins og þau, sem villidýr eru höfð í, í dýragörðum

erlendis — og á gamlárskvöldum á lögreglan að henda öllum

óargadýrum götunnar inn í þetta búr, og þar eiga þau að

vera til sýnis á nýársdag. — Allan nýársdag. Það á ekki að

sekta þennan lýð (hann borgar engar sektir), því síður berja

hann, en allra sízt á að fela hann fyrir sjónum manna uppi

í Steininum — það á að hafa hann til sýnis, eins og t. d.

apakettir eru sýndir í dýragörðum.

Og búrið ætti auðvitað að standa á Lækjartorgi allan

ársins hring, og hver lögreglumaður alltaf að ganga með lykil

að því. Þangað ætti að láta alla, sem stinga með títuprjónum

á götunni. Alla, sem brjóta rúður að gamni sínu, til dæmis

í Þjóðleikhúsinu og Sundhöllinni, svo að nefndar séu tvær

byggingar, sem rónum hefir þótt sérstaklega gaman að

brjóta rúður í. Alla, sem læðast inn í garða og rífa þar upp blóm og tré. Alla slagsmálahunda á nóttinni af götum og samkomum.

Menn sem eyðileggja allt sem hönd á festir í sæluhúsum

Feðafélagsins. — Menn, sem skemmta sér við það á næturþeli

að rífa merkisspjöld af vörum, sem liggja á hafnarbakkanum....“

Grein Kristján er bráðskemmtileg aflestrar og ætti að setja upp öllum þeim sem vilja viðhalda skrílslátum bæði seint og snemma á viðeigandi stöðum þessum uppivöðslusömu til alvarlegrar ámynningar.

Góðar stundir

Mosi

[Baldur Hermannsson, 16.1.2011 kl. 19:12]

Gallinn við þessar ágætu tillögur Kristáns er einkum sá að glæpalýðurinn er varinn í bak og fyrir af lögum og regluverki. Heiðarlegt fólk nýtur engrar verndar gagnvart ofbeldislýðnum, en glæpamaðurinn er varinn eins og væri hann þjóðargersemi. Þessar tillögur yrðu aldrei samþykktar.

[Guðjón Sigþór Jensson, 16.1.2011 kl. 19:39]

Hvaða lög og regluverk áttu við Baldur?

Mosi

[Baldur Hermannsson, 16.1.2011 kl. 19:53]

Refsilöggjöfin er alltof, alltof væg, sérstaklega hvað varðar síbrotamenn. Ég er alls ekki að stinga upp á hörðum refsingum til hana breyskum lýð sem misstígur sig, en forhertir síbrotamenn eiga ekki að njóta neinnar vægðar. Dekur í fangelsum er of mikið, harðsoðnir glæpamenn búa betur en fólk sem hefur slitið sér út og neyðist til að dvelja á hælum. Glæpamenn njóta víðtækrar persónuverndar sem gerir almenningi ókleift að vita hverjir þeir eru og vara sig á þeim. Þetta er partur af þeim volduga hlífiskildi sem samfélagið bregður yfir glæpalýðinn, Mosi. Síbrotamenn ætti að fjarlægja úr samfélaginu fyrir lífstíð.

[Jón Ríkharðsson, 16.1.2011 kl. 22:48]

Þetta er góð færsla hjá þér Baldur og skemmtilegar pælingar hjá bókasafnsfræðingnum. honum er ekki alls varnað piltinum.

En þetta ástand segir sitt um vanhæfni sitjandi ríkisstjórnar. Það væri mikilvægara að setja pening í að fækka glæpum heldur en boða til stjórnlagaþings og kosta stórfé í ESB samning sem meirihluti landsmanna vill ekkert hafa með að gera.

En af því að ég er í svo fjári miklu stuði, verð ég að segja þér, að ég er feginn að hafa hætt brennivínsdrykkju fyrir aldarfjórðungi síðan.

Þá var í lagi að ganga sauðdrukkinn um bæinn þveran og endilangan, sama hvað tími sólahrings var. 

Þessir fáu dópistar sem þekktust þá fengu það óþvegið hjá mér þegar ég hitti þá. Ég sagði þeim að þeir ættu að drullast á togara og læra að vinna, í stað þess að troða sig út af einhverjum helvítis efnum. Þeir horfðu á mig sljóum augum og samþykktu allt sem ég sagði og fyrst þeir voru svona jákvæðir þá henti ég í þá pening og hellti upp í þá brennivíni. Stundum gerði ég eiturlyf upptæk hjá þeim án þess að þeir segðu múkk, ég las þeim pistilinn um skaðsemi eiturlyfja osfrv.

Þeir voru ekki á neinum sterum og ég var frekar hraustur og átti það til að vera harðskeyttur ef á mig var ráðist á þessum árum (ég er að komast á karlagrobbsaldurinn, enda er skrokkurinn farinn að segja mér að hægja örlítið á), þannig að þeir þorðu aldrei að leggja á mig hendur.

Ef ég myndi reyna þetta í dag eða einhver annar, það væri ávísun á langa sjúkrahúsvist, lömun eða dauða.

Ég myndi ekki þora að þvælast í miðbænum um helgarnætur og það er viss frelsisskerðing. 

Í svona litlu landi þar sem alvöru glæpamenn eru þekkt andlit, ætti að vera mjög auðvelt að vernda hinn almenna borgara.

En það skortir vilja hjá stjórnvöldum því miður.

[Baldur Hermannsson, 16.1.2011 kl. 23:17]

Guðjóni er ekki alls varnað, hann er eiginlega heimspekingur í hjáverkum má segja, þótt auðvitað sé hann úrvals bókasafnsfræðingur að aðalstarfi. En þetta er hárrétt hjá þér, alvöru glæpamenn eru ekki fleiri en svo að hægt væri að taka þá úr umferð í eitt skipti fyrir öll og vara allan almenning við þeim. Það er bara viljann sem vantar. Það er því miður eins og annað hjá þessari ríkisstjórn. Hún horfir upp á börnin svelta, mæðurnar gráta og pabbana skjóta sig ..... en hún ypptir bara öxlum og gerir ekkert. Getur verið að Jóhanna sé ekki í neinu sambandi við líf hins venjulega fólks í landinu. Hún er svo mikil geimvera að það gæti staðist.