Hrossin þagna

Össur Skarphéðinsson hefur valið þeim Lilju, Ásmundi og Atla heldur nöturleg auknefni: hryssan, folaldið og afsláttarklárinn. Lilja hefur margsinnis bent á stórkostlegar veilur í efnahagsstefnu stjórnarinnar. Ásmundur hefur margsinnis bent á svik Vinstri grænna í fullveldismálinu. Nú standa litlu hrossin í höm og kvarta yfir álygum samflokksmanna sinna. Það er dapurlegt að horfa á svo illa meðferð á skepnum en dapurlegra þó að hrossin skuli láta þetta yfir sig ganga, þegar þeim stendur til boða að strjúka úr stóðinu og koma sér fyrir á notalegri stöðum. En þegar á reynir hénast litlu hrossin niður og þagna.

Bregðast við málflutningi Árna Þórs

Athugasemdir

[Kolbrún Stefánsdóttir, 9.1.2011 kl. 20:24]

Þangað leitar klárinn sem hann er kvaldastur . Var það ekki einhvern vegin svona orðatiltækið  kveðja Kolla

[caramba (IP-tala skráð) 9.1.2011 kl. 21:19]

Sammála þessu. Það nær engri átt að líkja þeim við hesta, fegurstu og elskulegustu dýr jarðar. Önnur auknefni eru nærtækari og í tilfelli Ásmundar er það nokkuð augljóst.

[stormsveipur (IP-tala skráð) 9.1.2011 kl. 23:14]

Slík hæðiyrði myndi enginn dirfast að velja Valhallarkappanum. Lengi lifi Bjarni!

[Guðjón Sigþór Jensson, 10.1.2011 kl. 08:56]

Að líkja einhverjum við hross - hvers eiga dýrin að gjalda með hliðsjón af því hugarfari sem býr í viðkomandi persónu?

Össur hefir oft hlaupið á sig með óviðkunnanlegum glósum og sagt margt sem betur væri ósagt. Sem ráðherra allra Íslendinga  ber hann sem slíkur að vanda mál sitt. Hann getur ekki haft sig í frammi eins og götustrákur sem ekki kann sig.

Mosi

[Baldur Hermannsson, 10.1.2011 kl. 10:17]

Mosi, Össur ER götustrákur og kann sig ekki .... og það á við um okkur flesta. Eins og Lilja er nú ágæt má hún ekki rjúka upp í vonsku þótt strákar tali til hennar í galsa.

[Vilhjálmur Eyþórsson, 10.1.2011 kl. 13:22]

Eru þau ekki öll búin að lýsa því yfir að þau styðji ríkisstjórnina? Eins og maðurinn sagði hér að ofan: Þangað leitar klárinn sem hann er kvaldastur.

[Kolbrún Stefánsdóttir, 10.1.2011 kl. 22:16]

hahaha já einmitt  

[Baldur Hermannsson, 10.1.2011 kl. 22:42]

Birdie hjá Kollu.