Reykvíkingum leiðist

Það er því miður nákvæmlega ekkert nýtt í þessu hjali stjórnmálafræðingsins. Samt talar hann eins og þetta séu merkilegt vísindi. Það er sagt um Þingeyinga, að þeir mæli: "það er gott veður í dag", eins og það séu einhver stórtíðindi sem komi flestum á óvart. Einar Mar, Ólafur Harðarson og Gunnar Helgi eru þannig fræðingar - þeir segja almælt tíðindi með sama látbragði og sömu draugalegu röddinni og spákona sem afhjúpar stórkostlega leyndardóma.

Reykvíkingar eru vissulega leiðir á fjórflokknum en þeir urðu líka strax leiðir á Borgarahreyfingunni og þeir verða hundleiðir á Jóni Gnarr daginn eftir kosningar. Reykvíkingar eru einfaldlega fólk sem leiðist. Þeir geta snúið allri sinni tilveru upp í hundakæti og innantóma skellihlátra yfir einhverjum útúrsnúningum, en þeim mun áfram leiðast.

Halldór Laxness mælti: það er ekkert jafn leiðinlegt og að skemmta sér. 

Enginn jarðneskur máttur getur fjarlægt leiðann úr brjóstum Reykvíkinga. 

Gæti stefnt í byltingu

Athugasemdir

[Jón Óskarsson (IP-tala skráð) 26.5.2010 kl. 00:32]

Það er hægt að rífast um af hverju eilíflega talað um fjórflokkinn þegar fimm flokkar hafa iðulega verið á þingi undanfarna áratugi.

Og af hverju hrunflokkarnir allt í einu orðnir fjórir  þegar þeir eru í raun bara tveir eða kannski þrír í mesta lagi.

[Tumi Kolbeinsson (IP-tala skráð) 26.5.2010 kl. 00:37]

Þarna erum við þó loksins sammála gamli.

[Sigurður Haraldsson, 26.5.2010 kl. 00:38]

Vegna þess að þegar Vinstri grænir komust til valda gerðu þeir alveg eins og gömlu flokkarnir svíkja loforð og hættu að virða lýðræðið!

[Björn Birgisson, 26.5.2010 kl. 00:55]

Hm .....!

[Kristinn Karl Brynjarsson, 26.5.2010 kl. 01:05]

Þó svo að vornbrigði Sjálfstæðisflokksins verði töluverð, þegar talið hefur verið upp úr kjörkössunum á sunnudagsmorgunuinn, þá efast ég um að þau vonbrigði, toppi vonbrigði vinstri flokkana.

 Við birtingu skýrslunnar hugsuðu vinstri flokkarnir sér gott til glóðarinnar, enda Sjálfstæðisflokkurinn, einn settur í skammarkrókinn af höfundum Skýrslunnar.   En svo birtist allt í einu Besti flokkurinn og rífur af þeim og reyndar Sjálfstæðisflokknum, slatta af fylgi og eyðinleggur, þar með fyrir þeim R-listadraumalandið, með risarækjum, ævintýrum í takt við Línu-net og "brútal" orkuútrás OR, eflaust með dyggri aðstoð Magma.

 Ég bið reyndar síðueigenda afsökunnar á þvi að hafa kallað Samfylkinguna, vinstri flokk, því Samfylkingin er hvorki jafnaðar eða vinstri flokkur, nema á tyllidögum.  Milli þess sem að Samfylkingarfólk syngur baráttusöngva, eins og Internationallann á ASÍ þingum, er Samfylkingin á bólakafi í "brutal" einkavinavæðingu og útsölu á þjóðarauðlindum úr landi.

[Sigurður Haraldsson, 26.5.2010 kl. 01:16]

Kristinn það er rétt hjá þér við verðum að fara að grípa til aðgerða!

[Robert (IP-tala skráð) 26.5.2010 kl. 06:20]

Samfylkingin siglir undir fölsku flaggi þeirra sem grömsuðu til sín völdin þar,

eða eins og einn sagði, allt í einu áttuðu sig grunlausir kjósendur samfylkingar,  á þeirri óhæfu að hafa verið teknir í görnina, og fóru , og fleiri eru farnir. og enn fleiri munu fara.

[Ómar Geirsson, 26.5.2010 kl. 12:53]

Baldur, ekki missa trúna á sjálfan þig.

Kveðja að austan.

[Baldur Hermannsson, 26.5.2010 kl. 14:54]

Jón, Frjálslyndi flokkurinn varð aldrei barn í brók, hann hafði engin áhrif og telst ekki með í neinu sambandi.

*

Hrunflokkarnir eru vissulega bara þrír en almenningur er búinn að fá upp í kok af vitleysingunum í VG, þar stendur ekki steinn yfir steini. Það eru einungis fæðingarhálfvitar sem halda tryggð við þá flokksómynd.

[Baldur Hermannsson, 26.5.2010 kl. 14:55]

Ómar, það er gott að vera gamall, hanga á hliðarlínunni og gjamma á ungu mennina sem berjast um boltann.

[Ómar Geirsson, 26.5.2010 kl. 15:22]

Já, en leiðindin og þú eru ekki í sama liði.

Kveðja að austan.

[Baldur Hermannsson, 26.5.2010 kl. 15:42]

Það er étt hjá þér Ómar, ég og þú erum í sama liðinu - það er hin volduga fylking lífsgleðinnar.

[Baldur Hermannsson, 26.5.2010 kl. 15:43]

Ómar, komdu nú með þínar dæmigerðu djúpvitru, Austfirsku athugasemdir við færsluna um Nostradamus!

[Ómar Geirsson, 26.5.2010 kl. 15:56]

Blessaður Baldur.

Stundum get ég ekki bætt við speki, þó hún komi ekki úr mínu munni.

Það eina sem ég skaut á, er fyrirsögnin, leiðindin munu ekki sigra heiminn á meðan þú nennir að blogga Baldur.

Það var nú það eina sem ég sagt vildi hafa.

Kveðja að austan.

[Ómar Geirsson, 26.5.2010 kl. 16:04]

Blessaður aftur Baldur.

Þar sem við Hriflungar  pössum okkur á að segja eitthvað sem mætti telja íhaldinu til hrós, þá vil ég bæta því við að á meðan skrif þín hreyfa við Birningum og Árnum, auk margar góðra manna, þá falla þau ekki undir fyrirsögn þessa pistils. 

En án þeirra, þá væri fyrirsögnin samt röng.

Kveðja að austan.

[Björn Birgisson, 26.5.2010 kl. 22:06]

Hvað er Hriflingur (Hriflungur)?

[Baldur Hermannsson, 26.5.2010 kl. 23:04]

Ég get mér til að Hriflungur sé einhvers konar afbrigði af framsóknarmanni sem Austfirðingar hafa ræktað í sex kynslóðir uppi á Héraði. Hriflungar þessir eru þó á skjön við vel þekkt afbrigði að því leyti að þeir eru andvígir innlimun í Evrópusambandið.

[Björn Birgisson, 26.5.2010 kl. 23:15]

Baldur, alltaf átt þú svörin. Má ég spyrja þig um Birninga? Ertu ertu að segja mér að Hriflungar eigi rætur í Hriflu Jónasi? 

[Hörður B Hjartarson, 26.5.2010 kl. 23:36]

   Björn ! Ég hef það eftir öruggum heimildum , að Hriflungar og Baldherungar eru uppeldisbræður , þeir ólust upp fjarri mannabyggðum  og fara oft og einarðlega langt langt framm úr sér í skrifum og fljótir til ákvarðanatöku , oft skjótar en vitsmuna hraðinn nokkru sinni nær   :-(       ;-)    .

[Björn Birgisson, 26.5.2010 kl. 23:59]

Takk fyrir þetta Hörður. Ég er engu nær. Ég þekki svo fátt fólk.

[Hörður B Hjartarson, 27.5.2010 kl. 00:01]

  Þú þekkir þó alla veganna einn Baldherung , í það minnsta kannast við hann.

[Baldur Hermannsson, 27.5.2010 kl. 00:24]

Hörður hefur ýmislegt fyrir sér í þessu. Hriflungar munu komnir út af börnum þeim sem Hriflu-Jónas gat við Austfirskum tröllkonum á Jökuldalsheiði, þá er hann var ungur maður og graður. Birningar aftur á móti eru kynjaðir af Vestfjörðum, búa flestir í Grindavík og verður tíðförult um golfvelli landsins þegar sumrar. Þeir þykja ódælir viðureignar og lítt á færi dusilmenna.

[Hörður B Hjartarson, 27.5.2010 kl. 00:31]

   En Birningar eru ekkert skildir Hriflungum né Baldheringum , sá er gæðamunurinn

[Sigurður Haraldsson, 27.5.2010 kl. 00:45]

Ég hef haft Hriflu fyrir augunum nær allt mitt líf og talsverð samskipti við ábúendur á þeim bæ, ágætis fólk og vel gert

[Hörður B Hjartarson, 27.5.2010 kl. 00:50]

   Já er það ekki alveg eins og Baldheringarnir ?

[Sigurður Haraldsson, 27.5.2010 kl. 01:13]

Veit ekki hvað Baldherignar eru?

[Sigurður Haraldsson, 27.5.2010 kl. 01:15]

Bjó á Fljótsbakka beint á móti Hriflu í 34 ár og er búsettur á Fellsenda hinumegin við Hriflu núna

[Hörður B Hjartarson, 27.5.2010 kl. 02:06]

   Ert þú að selja Fellsenda , eða var ekki jörðin til sölu í fyrra ?

[Hörður B Hjartarson, 27.5.2010 kl. 02:07]

  Siggi ! Baldheringar = Bald Her (Baldur Hermannssson) sbr Hriflungar (djók)

[Sigurður Haraldsson, 27.5.2010 kl. 08:31]

Hörður það er rétt að hluta ég seldi land frá Fellsenda um 105 hektara svo ég gæti búið áfram á staðnum losaði mig undan skuldum og okurlánum bankana. Á húsin og 12 hektara í kring svokallað smábýliTakk fyrir útskýringarnar með Baldheringana.

[Baldur Hermannsson, 27.5.2010 kl. 09:10]

Ég hef alltaf verið aðdáandi Jónasar frá Hriflu og keypti á sínum tíma ritsafn hans, sem ég fann samanbundið á fornbókasölu á Egilsstöðum. Ég studdi ekki Framsóknarflokkinn en gat ekki annað en hrifist af baráttuvilja og andlegum skriðþunga þessa sérstæða alþýðumanns. En hyldjúp urðu vonbrigðin þegar ég ók með fjölskyldu mína til þess að skoða Hriflu í fyrsta sinn. Ég hafði séð fyrir hugarsjónum stórbrotið landslag - en þvílík, skelfileg lágkúra. Síðar frétti ég að margir hafi orðið fyrir þessum sömu vonbrigðum er þeir litu Hriflu í fyrsta skipti.

[Ómar Geirsson, 27.5.2010 kl. 09:18]

Nokkuð nærri lagi hjá þér Baldur, þó voru þessar sex kynslóðir búsettar niður á fjörðum, í einangruðum víkum og fjörðum.  Og sæði Jónasar kom þar lítið við sögu, en Íslandssaga hans var mikið lesin, næst á eftir Grallaranum.  

Kveðja að austan.

[Hörður B Hjartarson, 27.5.2010 kl. 15:24]

   Já Baldur !   Það er svona þegar mennirnir skapa landslagið í sínum "dýpstu" hugarfylgsnum , að ég tali nú ekki um , hugsi þeir um FL-okkinn í leiðinni .

[Árni Gunnarsson, 27.5.2010 kl. 15:48]

Ég las Íslandssögu Jónasar frá Hriflu þega ég var drengur og allt þar til ég fékk náttúruna. Svo var hætt að kenna börnum Íslandssögu Jónasar og þá hvarf það Ísland smám saman sem ég hafði fest rætur í.

Svo kom að því að náttúra mín fór sömu leið og Íslandssaga Jónasar og hér lýkur mínu innleggi í sögu þessarar þjóðar sem einu sinni var tilkomumikil og hreyfði við fólki og kom því til að líða vel. 

[Baldur Hermannsson, 27.5.2010 kl. 15:54]

Saga landsins okkar er þannig kennd í skólum að unga kynslóðin biður sér vægðar og vill ekki heyra meira gamla tíð. Sögu verður að segja þannig að áheyrandinn vilji meira. Það skilja sagnfræðingar nútímans ekki.

[Kristinn Karl Brynjarsson, 27.5.2010 kl. 16:16]

"Söguritarar" nútímans, flestir hverjir styrktir af Íslandsmethafanum í skuldasöfunum og bankaránum, vekja ekki með mér vonir um að Saga landsins okkar, verði eitthvað fallegri, eða skemmtileg aflestrar.

 Skildi það vera látið óátalið í ríkisháskólum annara landa, sem við gjarnan berum okkur saman við, að fræðimaður úr slíkum skóla, væri á launum (ca. milljón á ári), við að endurskrifa Íslandssöguna, áðurnefndum Íslandsmethafa í hag?

 Skildi það vera látið óátalið, í þeim löndum, sem við gjarnan berum okkur saman við, að formaður stjórnmálaflokks sem er við völd, þegar mesta efnahagshrun þjóðarinnar, dynur yfir, leggi það til Íslandssögunnar að  flokkurinn hafi verið "andsetinn" Breskum stjónmálamanni (Blairismi Samfó)?

[(IP-tala skráð) 27.5.2010 kl. 17:47]

Hér mæla krúttin hver á eftir öðrum, hver öðrum gáfulegri og skiptir þá ekki máli hvaðan þeir koma eða undan hverjum þeir eru. 

[Brynjar Jóhannsson, 27.5.2010 kl. 23:13]

Það yrði þín mesta martröð ef Jón Gnarr yrði nú jafnvel enn vinsællri eftir kostningar. Þú þarft samt ekkert að vera hvumsa yfir þessu  Baldur minn. Þú hefur nú kosið sama brandaraflokkinn yfir þig lengur en þú mannst eða er það ekki rétt ? Eini munurinn er sá að nú verða brandaranir markvissari- þó ég geti fúslega viðurkennt að mér finnst Bjarni Benediktsson alveg drepfyndinn politíkus. Verra er að Bjarni er ekki að reyna að vera fyndinn og ég efast um að þú hlægir af honum með sama hætti og ég.