Láfi skreppur og kynnir sér

Gott er nú til þess að hugsa að Ólafur Ragnar skuli hafa skroppið í Samhæfingarmiðstöðina í Skógarhlíð og kynnt sér starfssemi hennar. Hann ætlar að hafa vaðið fyrir neðan sig næst þegar hann fræðir Breta um eldgos og aðrar hamfarir náttúrunnar. Menn hafa verið eitthvað að ergja sig yfir fyrirlestrum hans erlendis en ég skil hann alveg. Hann sagði ekki annað en það sem satt er. Það sem nú hefur gerst eru smámunir hjá því sem gæti gerst hér á Íslandi hvenær sem er.

Einhverjir hópar útlendinga hafa afpantað ferðir til landsins og við því er svo sem ekkert að gera. Ég er viss um að miklu fleiri munu koma hingað vegna þess að óstýrilát náttúran vekur áhuga þeirra. Vesturlandamenn hírast í þröngum borgum og líta þar varla glaðan dag. Þeim leikur hugur að ferðast til lands þar sem víðáttan býður þeim faðminn og ógnaröfl náttúrunnar yfirskyggja allt sem mannkynið kann að bjástra.

Til lengri tíma litið munum við græða á gasprinu í Láfa. 

Gassprengingar í gígnum

Athugasemdir

[Heimir Lárusson Fjeldsted, 22.4.2010 kl. 13:18]

Oft má satt kyrrt liggja.

[Baldur Hermannsson, 22.4.2010 kl. 13:57]

Já það eru víst alkunn sannindi sem hafa ber í heiðri.

[Björn Birgisson, 22.4.2010 kl. 13:59]

Það er ekki hlutverk forsetans að upplýsa erlendan almenning um hættur á Íslandi. Til þess er sægur vísindamanna.

Það er ekki hlutverk forsetans að fæla ferðamenn frá landinu.

Eiga t.d. yfirvöld í Hollandi í sífellu að klifa á því að varnargarðar geti brostið og sjór flætt yfir landið?

Eiga yfirvöld í Thailandi í sífellu að klifa á því að flóðbylgjur geti fyrirvaralaust skollið á landinu?

Eiga yfirvöld í Chile, Kína eða á Thaiti í sífellu að klifa á hamfarahættum í löndum sínum.

Hreint ekki.

Ferðamaðurinn kynnir sér ástand mála og tekur sínar ákvarðanir. Hans er ábyrgðin. Ekki gestgjafanna. Þeir ráða ekki yfir náttúru sinna landa.

Allra síst Herra Ólafur Ragnar Grímsson, með virðingu við hæfi. 

[Baldur Hermannsson, 22.4.2010 kl. 14:08]

Allt er þetta rétt með farið hjá háttvirtum Grindavíkur-Einherja, til dæmis mun þjóðhöfðingi Suður-Afríku tæplega vara áhugamenn um fótbolta við ægilegri glæpatíðni í landinu, nú þegar HM er að skella á og landið sárvantar ferðamenn.

Það breytir því ekki að ég skil karlhelvítið hann Láfa. Hann er þarna í stóreflis sjónvarpsviðtali, athyglissjúkur fram úr öllu mannlegu meðalhófi, og fær stórbrotið tækifæri til þess að láta Breta míga í brækurnar af hræðslu. Já ég skil hann.

Auk þess get ég ekki að því gert að mér er farið að þykja hálf vænt um hann þegar hann er búinn að egna kommana svo gressilega á móti sér. Ég hef gaman af þessu.

[Rannveig H, 22.4.2010 kl. 14:53]

Allt er breytingum háð í þessari veröld,sem sést best á því að argasta íhaldi er farið að þykja vænt um vinstri tækifærisbulluna ÓRG. FLokkurinn þinn búin að taka upp merki Samfylkingar,hvað verður það næst Sóley Tómasdóttir í varaformanninn

[Baldur Hermannsson, 22.4.2010 kl. 17:00]

Tja, Rannveig, ég skammast mín nú dálítið fyrir þessa væntumþykju. En maður er búinn að lifa heila mannsævi með þennan karlbjána álengdar og ég er orðinn vanur honum. Hann er svona eins og verkurinn í mjöðminni sem verður þarna þangað til maður gefur upp öndina.

[Sigurbjörg Eiríksdóttir, 22.4.2010 kl. 17:04]

Og eins og hvert annað hundsbit :)

[Heimir Lárusson Fjeldsted, 22.4.2010 kl. 17:08]

Óli telur sig ómissandi fyrir heimsbyggðina.

[Baldur Hermannsson, 22.4.2010 kl. 17:10]

Gleðilegt sumar Silla mín, hafðu heitt á könnunni þegar við Jóna ökum í hlað á vorum Valhallarbláa fjallabíl.

[Sigurbjörg Eiríksdóttir, 22.4.2010 kl. 17:14]

Já ég hef heitt á könnunni. Mun þekkja bílinn langar leiðir að! Verð í bláa kjólnum auðvitað:):)

[Rafn Haraldur Sigurðsson (IP-tala skráð) 22.4.2010 kl. 17:34]

Gleðilegt Sumar Baldur, áhrifin af gosinu eru nú þegar það mikil að fólk er að bregða búi. Nú til dags  er víst bannað að segja sannleikann. Frekar vill fólk í ferðamannageiranum ljúga  og fegra til að shjanghæja grunlausann ferðamanninn hingað. Sannleikurinn mun gera yður frjálsan sagði einhver og Óli gerir einmitt það sem ég tel eins og þú að eigi eftir að verða mikil lyftistöng fyrir ferðamannaiðnaðinn þegar fram í sækir. Ég held að ferðamenn séu orðnir hundleiðir að skoða kirkjur í Evrópu  og nú vilja þeir sjá náttúruna í sínum mesta ham.

[Baldur Hermannsson, 22.4.2010 kl. 17:36]

Rafn, mikla speki mælir þú og ég held að þjóðin ætti frekar að leggja hlustir við þegar þú talar heldur en auglýsingaskrumarar í túristabisniss.