Hann bjargar lífi Sjálfstæðisflokksins

Bjarni hefur bjargað lífi Sjálfstæðisflokksins með þessum aðgerðum og þessari ræðu. Þetta er fantagóð ræða og felur í sér nauðsynlegt uppgjör. Hann boðar til landsfundar og gefur grasrótinni tækifæri til þess að móta stefnu til framtíðar.

Hefur Bjarni jafnframt bjargað sínu eigin pólitíska lífi? Framvindan sker úr því. En hann gerir rétt í því að sitja um sinn, hvað sem síðar verður. Flokkurinn er apparat sem þarf að skipuleggja og reka frá degi til dags og einhver verður að stjórna þeirri vinnu.

Hvers verður hinn boðaði landsfundur megnugur? Vert er að minna á að síðasti landsfundur samanstóð af vitgrönnum, móðursjúkum kerlingum sem létu það viðgangast að Þorgerður Katrín gréti sig inn í varaformannsembættið, þótt allir vissu hvers vænta mátti af hennar málum. Og landsfundur valdi á sínum tíma lélegasta formann mannkynssögunnar, Þorstein Pálsson, þótt í boði væri annar maður sem er annálaður fyrir auðnu í starfi og hefur aldrei mistekist neitt sem hann tekst á hendur.

Landsfundur Sjálfstæðisflokksins hefur stundum tekið farsælar ákvarðanir en hann hefur líka hagað sér eins og heilaskaddaður hálfviti. Það er ekki á vísan að róa.

En Bjarni Benediktsson hefur  enn og aftur sýnt með drengilegri framgöngu hvílíkt valmenni hann er og hvernig sem framtíð hans verður hefur hann skráð nafn sitt með gullnu letri í sögu flokksins.

 

Bjarni: Allt of hart gengið að Þorgerði

Athugasemdir

[Sigurður Haraldsson, 17.4.2010 kl. 12:50]

Sjálfstæðisflokkurinn er í hættu það þarf að hreinsa meira til!

[Björn Birgisson, 17.4.2010 kl. 12:57]

2/9, þetta mjakast í rétta átt!

[Baldur Hermannsson, 17.4.2010 kl. 13:01]

Siggi og Bjössi, hjartanlega sammála. Hundahreinsunin er ekki af staðin, hún er rétta að byrja.

[Heyr minn himnasmiður (IP-tala skráð) 17.4.2010 kl. 20:50]

Valmenni? Þá er valið úr þröngum heimi fákunáttu og ,,  fokk ég nenni ekki einu sinni að halda áfram með þetta, ég held BH að við þurfum eitthvað annað, einhvern sem gengið hefur i skóm þjóðarinnar, einhvern sem þekkir til manna, kvenna og barna þessa lands, sorgir þess og gleði, einhver eins og,, já fjandinn hafi það,, einhvern djöfulli skemmtilegan, gáfaðan, góðan eins og mig!! og svo auðvitað lítillátan eins og mig,, því ég um mig frá mér til mín er Sjálfstæðisflokkurinn í hrotskurn, amen í tíunda veldi. 

[Baldur Hermannsson, 17.4.2010 kl. 21:59]

Heyr minn himnasmiður, ekki hef ég hugmynd um hvað konan lét út á kvöldmatinn hjá þér en eitt er víst og það er að mig langar í það líka.

[Heyr minn himnasmiður (IP-tala skráð) 17.4.2010 kl. 22:19]

Eitt sinn vann eg með vini þínum Óla Klemm í nokkur ár og hafði unun af því að stríða honum, honum fannst ég háflgerður asni sem er rétt, ég er hálfgert fífl og ætti að flytja úr landi til að landhreinsun yrði, svo er nú það.

[Baldur Hermannsson, 17.4.2010 kl. 22:23]

Var Óli kominn í leðrið þegar það var?

[H M H (IP-tala skráð) 17.4.2010 kl. 22:35]

Nei, en Klemmin var skemmtilegur og vel lesinn, ekki ósvipaður þér og ágætis náungi,

[Baldur Hermannsson, 17.4.2010 kl. 22:58]

Hann var góður á Austurvelli hér um árið. Það var hans 15 mínútna frægðarskeið.

[H M H (IP-tala skráð) 17.4.2010 kl. 23:16]

Jú mikið rétt BH, hafði að sögn drukkið aðeins of mikið af kaffi, hefði betur drukkið Irish coffe því þá verður maður svo vinalegur, sérstaklega við ungt fólk.

[Baldur Hermannsson, 17.4.2010 kl. 23:29]

Kaffi kyndir undir ofbeldishneigðina, ekki spurning. Engin tilviljun að ég drekk bara te.