Pappírstígrisdýr böggar lækni

Á þessa frétt vantar bara haus og sporð. Þeir sem ekki þekkja til á Austfjörðum lesa þessa frétt og leggjast afvelta af undrun og skilningsleysi. En þá kem ég til bjargar eins og fyrri daginn.

Málið er að stjórnvöld breyttu fyrirkomulagi útreikninga á launum læknisins. Til þess var beitt Excel-skjali með tilheyrandi dálkum og breytistærðum. Læknirinn kom hvergi nálægt samningu þessa skjals því hann hefur ekkert vit á Excel. Hann er læknir en ekki tölvunörd.

Skjalið reyndist vitlaust hannað og læknirinn fékk ofgreitt í nokkra mánuði. Hann hefur ekkert vit á Excel, vissi ekkert hvað var í gangi, sá ekki mismuninn og hafði ekki hugmynd um að honum hefði verið ofgreitt.

Pappírstígrísdýr með grunnskólamenntun ræður heilbrigðismálum Austfirðinga. Tígrisdýrinu er í nöp við lækninn því hann er með derring iðulega. Læknar líta stórt á sig og eru yfirleitt með derring. Þeir hafa hjúkkur dansandi í kringum sig. Hjúkkurnar dýrka læknana sem guðir væru. Læknarnir halda því að þeir séu guðir og eru með derring eins og guðum sæmir.

Tígrisdýrið sá sér leik á borði og böggaði lækninn. Skjólstæðingar læknisins elska hann því hann situr niðri á fjörðum og rýnir í Austfjarðaþokuna  en hata tígrisdýrið því það býr á Egilsstöðum og er aðflutt. Sýslumaður kynnir sér málið og sér að læknirinn á enga sök í málinu og engin ástæða er til þess að hafast að.

Læknirinn kætist, alþýðan gleðst, tígrisdýrið verður fúlt. Allt er í járnum. Hrepparígurinn blómstrar. Símalínurnar glóa af baktali og áróðri. Þetta er Austurland í dag.

Þið lásuð þetta fyrst hér.

Mótmæltu meðferð á lækni

Athugasemdir

[Steingrímur Helgason, 16.10.2009 kl. 20:55]

Aldrei hefur derríngur þezzi gert vart við sig í minni návizt, frá þezzu ljúfmenni sem að Hannez er...

[Baldur Hermannsson, 16.10.2009 kl. 20:59]

Menn derra sig náttúrlega ekki við Zteingrím þótt þeir derri sig við okkur hina.....

[Sigurbjörg Eiríksdóttir, 16.10.2009 kl. 20:59]

Já við lásum þetta hér..Segið svo að netið sé ekki fjölmiðill!

[Baldur Hermannsson, 16.10.2009 kl. 21:03]

Netið er framtíðin, dagblöðin eru á fallanda fæti.

[Magnús Sigurðsson, 16.10.2009 kl. 22:57]

Ég sé að þú ert vel inn í málinu Baldur og hefur komist næstað kjarna þess, af þeim sem um það hafa fjallað. 

En hvort heldurðu að þessi málatilbúnaður eigi upptök sín efra eða neðra?

[Baldur Hermannsson, 16.10.2009 kl. 23:11]

Efra.

[Jóna (IP-tala skráð) 17.10.2009 kl. 01:34]

Einnig langar mig að bæta við að Tígrisdýrið réðst á lækninn þegar Gekk gríðarlega mikið á í einkalífinu.  Tígrisdýrinu var vel kunnugt um aðstæður og atburði þá daga og heldur betur réðst hann á þegar læknirinn var í jörðinni. Það er bara lágkúrulegt.  

[Baldur Hermannsson, 17.10.2009 kl. 09:34]

Jóna, það borgar sig aldrei að hrekkja lækni. Einn daginn er líf þitt í hendi hans og hvað gerist þá? Hann lætur þig frá rangt lyf svo að þú veslast upp, skilur skæri eftir í innýflunum svo þú kvelst alla daga, klippir á taug svo þú getur ekki stjórnað hægri höndinni - hann hefur ótal möguleika á að hrekkja þig á móti svo það er langbest að hafa hann góðan Gefðu honum pönnukökur með sultu og rjóma og þá er hann eins og hugur manns.

[Grétar Rögnvarsson, 19.10.2009 kl. 21:20]

Skemmtileg lesning!!

[Baldur Hermannsson, 19.10.2009 kl. 21:54]

Nú hvað - almennilegir menn þarna á Reyðarfirði! Kemur ekki eitthvað af silfrinu til Ashburton Grove í maí-mánuði, hvað heldur þú um það Grétar?