Því fyrr sem hún hverfur því betra

Ég hlustaði á þessa gömlu, gráhærðu konu sem er að sligast af þunglyndi og vonbrigðum og hálfpartinn undraðist að ég skyldi ekki finna snefil af vorkunnsemi í hjarta mínu. En ég er búinn að heyra þessa konu einum of oft í áranna rás leggja illt til annarra, snúa út úr, fara rangt með og rangtúlka upplýsingar viljandi og gera öðrum upp sakir. Þetta er ekki góð kona. Hún er knúin áfram af metorðasýki og einhverjum fráhrindandi fólskukrafti sem blekkir marga en ekki alla. Nú horfir hún framan í þá fordæmingu sem hún svo oft hefur bruggað öðrum. Því fyrr sem hún lætur sig hverfa af sjónarsviðinu því betra.

Ekki hélt ég að sá dagur kæmi að ég saknaði Össurar Skarphéðinssonar.

Skattkerfinu breytt óhikað

Athugasemdir

[Sigurbjörg Eiríksdóttir, 5.10.2009 kl. 22:18]

Æi, maður kveinkar sér undan þessu..

[Baldur Hermannsson, 5.10.2009 kl. 22:25]

Ég veit, ég veit.

[Björn Birgisson, 5.10.2009 kl. 22:58]

Krepputími, upplausn, vandræði. Þá koma hinir sterkari að borðinu. Hinir veikari verða að bíða og nota tímann til að láta fullþorna á bak við blaktandi auðvaldseyrun.

[Baldur Hermannsson, 5.10.2009 kl. 23:08]

Ég sé nú enga sterka menn við borðið - og ekki nálgast það heldur. Ætli þeir séu ekki allir farnir til útlanda.

[Björn Birgisson, 5.10.2009 kl. 23:27]

"Ég sé nú enga sterka menn við borðið - og ekki nálgast það heldur."

Baldur minn, þér er að fara fram. Held að þú sért að koma inn í raunveruleikann með okkur hinum.

[Baldur Hermannsson, 5.10.2009 kl. 23:33]

Guð forði mér frá svo dapurlegum örlögum.