Norðlendingum væri nær að sálga hver öðrum

Norðlendingar eru vondir menn. Og vondir menn koma upp um sig þegar þeir umgangast málleysingja. Það er hefð á Norðurlandi að níðast á málleysingjum.

Ég held maður muni hvernig helvítið hann Grettir fór með merina Kengálu. Það var ljóti ósóminn. Fló af henni baklengjuna aftur á lend og lét húðina liggja ofan á sárinu. Veslings merin var náttúrlega sárkvalin og kulvís og þannig komst upp um strákófétið. Að þessu hentu Norðlendingar gaman.

Seinna fundu Akureyringar upp á þeirri skemmtun að láta kött í tunnu, hengdu upp tunnuna og lömdu hana utan með lurkum. Veslings málleysinginn kvaldist í tunnunni, trylltur af hræðslu, og þegar loksins gjarðirnar brustu og kattarkvikindið stökk burt, blóðugt, marið og skelfingu lostið - þá skellihlógu Norðlendingar. Svona voru norðlensk börn alin upp við pyndingar á dýrum.

Nú vilja Húsvíkingar síður vera eftirbátar Akureyringa um fantaskap gagnvart málleysingjum. Vopnaðir keðjusögum og afsöguðum haglabyssum laumast þeir um þorpið í skjóli myrkurs og sálga hundum og köttum. Ég segi ekki sannara orð: þessum andskotum væri nær að sálga hver öðrum.

Meindýraeyðir ver sig

Athugasemdir

[Rafn Haraldur Sigurðsson (IP-tala skráð) 9.5.2009 kl. 12:34]

Og svo eru þeir alltaf að mooooonta sig af veðrinu. Það var þá eitthvað til að moooonta sig af. Allt á kafi í snjó.

kveðja Rafn.

[Finnur Bárðarson, 9.5.2009 kl. 12:39]

Mæltu manna heilastur Baldur !!!

[Baldur Hermannsson, 9.5.2009 kl. 12:45]

Finnur, ég lána þeim bara Winchesterinn - en ekki til að sálga dýrum!

[Finnur Bárðarson, 9.5.2009 kl. 13:11]

Norrðlendingunum

[Baldur Hermannsson, 9.5.2009 kl. 13:27]

Silla, ertu að meina þetta? Systurdóttir þín? Þetta gerir morðið enn viðurstyggilegra. Ég veit að Finnur kattavinur er komin í járnhanskann. Réttu honum handsprengjuna.

[Steingrímur Helgason, 9.5.2009 kl. 13:40]

Í tilefni færzlunnar þá steig ég á skott Perzakiza míns & hló illþyrmizlega !

[Baldur Hermannsson, 9.5.2009 kl. 13:42]

Zkrattakollur ertu!

[Finnur Bárðarson, 9.5.2009 kl. 15:55]

Helv væri gaman að sjá þig arka yfir heiðina eins og þú lítur út á myndinni með Winchesterinn í hendinni. Annars er ég að ræsa skriðdrekann.

[Baldur Hermannsson, 9.5.2009 kl. 16:04]

Samt skaltu vara þig Finnur, því Þingeyingar stofnuðu hersveit fyrir um það bil 150 árum. Hvað hét hún aftur - Þjóðvarðliðið? Þeir þrömmuðu um heiðarnar vopnaðir framhlaðningum. Svo stofnuðu þeir Sambandið og voru til friðs allar götur síðan.

[Finnur Bárðarson, 9.5.2009 kl. 16:41]

Kanski öruggara að fá lánaða eina F-16 uppi á velli