Það eru hennar ær og kýr

Menn hafa lengi vitað að hvalveiðar draga ekki úr ferðamannastraumi til landsins og valda engum skaða öðrum en þeim að æsa upp ofstopann í illa upplýstu fólki sem ber ekki skynbragð á náttúruna. Við þurfum að búa til markaði fyrir afurðirnar og um að gera að eta þær sjálfir. Það var snjallt af Einari K. Guðfinnssyni að leyfa hvalveiðar. Hann skóp með einu pennastriki færi á fjömörgum nýjum störfum. Því miður hefur vinstri stjórnin lagt á einhverja refsitolla til þess að stöðva veiðarnar. Vinstri stjórnin vill ekki efla atvinnulífið. Hún vill miklu heldur halda þjáðum lýð á atvinnuleysisbótum. Það eru hennar ær og kýr.

Hvalveiðar hafa ekki skaðað

Athugasemdir

[Jóna Kolbrún Garðarsdóttir, 17.4.2009 kl. 01:57]

Mjög margir túristar sem koma á barinn minn spyrja mig hvar hægt sé að fá hvalkjöt að borða.    Túristar vilja smakka hvalkjöt, allavega margir þeirra.

[Baldur Hermannsson, 17.4.2009 kl. 01:58]

Hvað er að heyra????? Áttu bar? Þú ert sko ekki af baki dottin verð ég að segja. Hvar er þessi sómabar og hvað heitir hann?

[Jóna Kolbrún Garðarsdóttir, 17.4.2009 kl. 02:07]

Ég á hann kannski ekki í eiginlegri merkingu en pabbi og mamma eiga hann,  Laugavegur 72 Barónspöbbinn.    En ég er búin að vinna þar í 11 ár og á erfðarétt á honum!!!!

[Jóna Kolbrún Garðarsdóttir, 17.4.2009 kl. 02:14]

Og svo var ég spurð hvar hægt væri að fá Lunda í matinn!!  Túristar vilja smakka nýjan mat, friðaðann mat!!!

[Baldur Hermannsson, 17.4.2009 kl. 02:16]

Nú, hef aldrei heyrt getið um hann sem er svo sem engin furða, því ég drekk ekki og stunda ekki bari. En ég sé oft bari í bíómyndum og sé að þar dafnar skemmtilegt mannlíf. Einkum fannst mér mikið til koma myndarinnar Barfly sem hann vinur okkar Mickey Rourke lék í. Þvílík snilld. Þá fannst mér sárt að vera ekki róni. Ert þú svona barmey sem kúnnarnir geta opnað sig fyrir og tjáð þér öll sín innstu vandamál? Svoleiðis barþjónar og barmeyjar finnst mér alltaf flottir í kvikmyndum.

[Baldur Hermannsson, 17.4.2009 kl. 02:17]

Friðaðu Frjálslynda flokkinn og þá geturðu selt þeim nýsoðnar, friðaðar kjötbollur á hverjum degi.

[Jóna Kolbrún Garðarsdóttir, 17.4.2009 kl. 02:21]

Fæstir hafa heyrt af þessum bar, enda er hann lítill og skemmtilegur.  Ég er snillingur að hlusta á raunasögur og fara þær yfirleitt inn um annað eyrað og út um hitt.  Allir vilja segja mér allt, það er engin lygi. 

[Árni Gunnarsson, 17.4.2009 kl. 10:57]

Karlmannlega mælt félagi þetta með að éta hvalinn sjálfur ef hann selst ekki. Og minnir mig á heljarmennið Ólaf Þ. Þórðarson alþingismann og baráttu hans við kerfið þega farga átti öndunum hans á Vilmundarstöðum og brenna líkin vegna salmonellufaraldurs. Ólafur brást karlmannlega við eins og við mátti búast og sagði að ef öndunum yrði fargað þá yrði kjötið af þeim sko étið upp til agna. Þetta varð Sighvati Björgvinssyni að yrkisefni:

Á Vilmundarstöðum er setið og setið-

setið á kamri og sketið og sketið

uns Ólafur Þórðarson upp hefur étið

allt ketið.

[Baldur Hermannsson, 17.4.2009 kl. 11:13]

Þá er þessi dagur komin í lag: meistaraleg vísa. Ég vissi ekki að Sighvatur væri að yrkja.