Þjóðin treystir Sjálfstæðisflokknum best

Þetta er skemmtileg könnun, ólík flestum öðrum könnunum. Í anda hennar ættu VG og Sjálfstæðisflokkur að mynda saman ríkisstjórn - en það er auðvitað borin von.

Gaman að sjá að þjóðin treystir Sjálfstæðisflokknum langbest til að endurreisa atvinnulífið og fara með stjórn efnahagsmála. Þjóðin skilur að bankahrunið var ekki Sjálfstæðisflokknum að kenna og þó að honum hafi farist margt óhönduglega er hafið yfir allan vafa að honum er best treystandi til þess að rífa Ísland upp úr lægðinni.

Vinstri stjórn mun hindra nýja uppsveiflu og halda okkur á fátæktarmörkunum árum eða áratugum saman.

Flestir treysta núverandi stjórnarflokkum

Athugasemdir

[Heiðar (IP-tala skráð) 16.4.2009 kl. 11:43]

Ég færi nú varlega í stóru orðin.

Það eru nú ansi stór orð hjá þér að segja ,,að þjóðin treystir Sjálfstæðisflokknum langbest til að endurreisa atvinnulífið og fara með stjórn efnahagsmála". Það er ekki nema rétt rúmur 1% minni munur á trausti þjóðarinnar til Samfylkingarinnar til að endurreisa atvinnulífið og sléttur 4% munur á traustinu til stjórn efnahagsmála. Samkvæmt þessari könnun hefði vinstristjórn mun meira traust, en ég ætla ekki að gerast svo stór að fullyrða það, enda hefði verið nær að spurja að því í þessari könnun hvaða stjórn væri hæfust til þess að redda málunum.

 Svo er auðvitað takmarkað hægt að taka mark á þessum könnunum, eftir allt saman þá svöruðu einungis 683 manneskjur þessari... nú er bara að bíða kosninga og sjá hverjum þjóðin treystir best :)

[Baldur Hermannsson, 16.4.2009 kl. 12:06]

Viturlega mælir þú Heiðar. En ansi var samt gaman að segja þetta....