Einn með viti innan um fáráðlingana

Það berast notaleg hljóð frá þessum manni. Hrunið er afstaðið, segir hann. Kannski á hann við að allt sé hrunið, sem hrunið getur. Hann hefur skýra mynd af því sem gera þarf - en nú er eftir að gera það! Það verður þrautin þyngri og gæti tekið langan tíma. Annars finnst mér gott að vita af þessum manni í ríkisstjórninni. Hann er vel menntaður og veit áreiðanlega hvað hann er að gera. Vonandi verður hann þarna áfram næstu 4 árin. Ekki veitir af að hafa mann með viti innan um alla fáráðlingana.

Sér fyrir endann á hrunsferli

Athugasemdir

[TARA, 2.4.2009 kl. 12:30]

Mikið rétt hjá þér Baldur...en það er ekki bara nóg að vera menntaður...það þarf að kunna að fara með þá menntun og nota hana rétt. Vonum það besta.

[alla (IP-tala skráð) 2.4.2009 kl. 12:31]

Nei, því miður er botninum ekki náð því við erum enn í spennitreyju gjaldeyrishafta og heimilin hafa alls ekki náð botninum.  Mér virðist þær aðgerðir sem ríkisstjórnin er að gæla við vera einungis til þess að velta vandanum áfram en fyrr en seinna kemur að skuldadögum.  Burt sé frá því hversu góður drengur hann Gylfi er og vel menntaður þá átti ég von á skýrari lausnum.

[Finnur Bárðarson, 2.4.2009 kl. 12:33]

Ég hef yndi hnitnum setningum, þessi er snilld: "Kannski á hann við að allt sé hrunið, sem hrunið getur."

[TARA, 2.4.2009 kl. 12:47]

Finnur...engar dónahugsanir

[Finnur Bárðarson, 2.4.2009 kl. 12:53]

Nei nei Tara ég er með svo litla heilacellu að það rúmast engar svoleiðis hugsanir

[Kristín (IP-tala skráð) 2.4.2009 kl. 12:53]

Mér finnst allt ganga OF hægt .Heimilin í vanda .Fleiri sjálfsvíg vegna atvinnumissis og fjámála áhyggna .Gylfi , Ragna og Jóhanna eru þau sem ég treysti á .En það er ekkert að gerast ennþá .Kyrrsetja þjófana ,frysta þýfið og koma heimilinum til hjálpar strax .Það eru allir að farast úr kvíða og óvissu .SKELFING .