Skattahækkanir fara í óráðsíu

Það þýðir ekkert að illskast út af skattahækkunum. Það er kannski ekki beinlínis neyðarástand - en slæmt ástand og við verðum að beita öllum tiltækum ráðum. Verst að vinstri flokkarnir munu ráðstafa þessum skattpeningum í hvers kyns ófrjóa óráðsíu eins og þeirra er vandi. Til dæmis ætla þeir að fjölga listamannalaunum um 33, sem er algerlega forkastanlegt. Það eru nú þegar allt of margir á þessari jötu. Best væri að afnema listamannalaun með öllu. Ef listamaður er einhvers virði munu menn kaupa framleiðslu hans. Þær skattahækkanir sem nú eru í bígerð munu fara að stórum hluta í svona óráðsíu og keyra okkur enn dýpra í fúafenið. Þetta er í raun bara ein tegund spillingar.

Skattaákvarðanir um mitt árið

Athugasemdir

[Freyr (IP-tala skráð) 1.4.2009 kl. 11:10]

TÝPÍSKT fyrir þetta lið að ákveða þetta EFTIR kosningar!  Það á greinilega ekki að leyfa þjóðinni að ráða því.  Maður getur þó verið viss um að skattar hækka ekki ef Sjálfstæðisflokkurinn kemst til valda!  Þeir geta þó lofað því.

[Héðinn Björnsson, 1.4.2009 kl. 11:19]

Enda listatengd starfsemi náttúrulega ekki að skila þjóðarbúinu neinum tekjum í þjóðarbúið

[Finnur Birgisson (IP-tala skráð) 1.4.2009 kl. 12:14]

Ætlaði að setja hér inn gáfulegt komment, en sá þá að Stefán Hreiðarsson var búinn að skrifa það fyrir mig. Tek undir með honum.

[Baldur Hermannsson, 1.4.2009 kl. 12:15]

Því miður er flugufótur fyrir ásökun þinni, Stefán.

[Baldur Hermannsson, 1.4.2009 kl. 12:16]

Finnur, sá maður er alls ekki illa á vegi staddur sem hefur Stefán J. Hreiðarsson til að hugsa fyrir sig.

[Björn Birgisson, 2.4.2009 kl. 21:52]

Finnur Birgisson er skattasérfræðingur. Stefán J. Hreiðarsson er fallegur hugsuður, en hugsar ekki fyrir aðra. Finnur tók hér undir færslu Stefáns og getur, ef ég þekki hann rétt, lagt mörg orð í skattabelginn stóra, sem býður okkar allra. Þökk sé sofandi stjórnvöldum liðinna ára.