Vinstri mönnum ekki treystandi fyrir almannafé

Það er alltaf sama sagan með þessa vinstri menn. Þeirra spillingu eru greinilega engin takmörk sett. Ég man eftir ráðherrum á Norðurlöndum sem notuðu skattfé borgaranna í eigin þágu og voru reknir með skömm samdægurs; var þó um litlar fjárhæðir að ræða.

Bæjarstjóri Kópavogs á að segja af sér tafarlaust en hún bara flissar og segist hafa mislesið ráðningarsamninginn. Þvílík ófyrirleitni. Við Íslendingar ætluðum að skapa Nýtt Ísland reist á grunni heiðarleika, sanngirni og réttsýni ...... en alls staðar eru vinstri menn að grafa undan Nýja Íslandi með sviksemi, stuldum, mislestri, lögbrotum, rangtúlkunum og pukri.

Eru spillingin virkilega svo rótgróin í vinstri mönnum að þeim sé ekki treystandi fyrir almannafé?

Mun ein nota bílinn

Athugasemdir

[Jóhannes Laxdal Baldvinsson, 10.2.2011 kl. 18:30]

Er meiri spilling í Kópavogi en annars staðar eða finnst bara bæjarstjórum í Kópavogi vænna um dætur sínar en bæjarstjórum annar staðar?

[Baldur Hermannsson, 10.2.2011 kl. 18:38]

Ég spurði kommana kennarastofunni hvort þeir vissu til að Hafnarfjarðarkratarnir hafi hagað sér svona, en þeir töldu það heyra fortíðinni til.

[Kristinn Karl Brynjarsson, 10.2.2011 kl. 19:42]

 Bæjarstjórinn bar nú fyrst fyrir sig, lögfræðinga og endurskoðendur bæjarins og hafði það eftir þeim, að stelpan mætti nota bílinn.  Það er því varla ,,óvart" eða misskilningur að dóttirin mætti nota bílinn.Bíllinn hefur því í huga bæjarstjórans veri, hugsaður fyrir dótturna.  Nema auðvitað að bæjarstjórinn hafi logið til um aðkomu lögfræðingana og endurskoðendana.

 Í einhverjum miðlinum stendur að í bílnum sé eldsneytiskort, sem bæjarsjóður greiðir af.  Yfirklór bæjarstjórans var vegna þess að, það væri bara undantekningatilfelli, hefði dóttirin sett bensín á bílinn. !!!   Eins og að það skipti máli hver setji bensínið á bílinn. Meira máli hlýtur að skipta hver eyðir bensíninu.  Nema auðvitað að það sé undantekning að bíllinn brenni eldsneyti.

[Solveig (IP-tala skráð) 10.2.2011 kl. 21:25]

Ég er með áhyggjur af lesskilningi þeirra sem völdin hafa. Einn skrifar upp á feitan starfslokadamning "óvart" og nú þetta. Ætti að taka allt heila klabbið í lestrarpróf og lesskilning?

[Gústaf Níelsson, 10.2.2011 kl. 21:45]

Hvernig hefðu fjölmiðlarnir látið hefði hér átt í hlut dóttir Gunnars Birgissonar?

[Aðalsteinn Agnarsson, 10.2.2011 kl. 23:09]

Baldur, þetta vinstra lið er allt náskylt hægri mönnum!

[Jón Ríkharðsson, 10.2.2011 kl. 23:12]

Það kemur ekki á óvart að fjölmiðlar geri ríkari kröfur til sjálfstæðismanna en annarra.

Það vita allir að það er reisn yfir Sjálfstæðisflokknum og hann hefur staðið fyrir allri verðmætasköpun þjóðarinnar. 

Það er vegna Sjálfstæðisflokksins að innviðir samfélagsins eru eins sterkir og raun ber vitni, þótt þeir hafi oft á tíðum farið of geyst í ríkisútgjöldum að mínu mati.

Forystumenn vinstri flokkanna eru nöldurseggir sem fáir taka mark á, ekki urðu útgerðarmenn svekktir þegar forsætisráðherra sagði þá vera með kjaft á við skötusel, enginn tók eftir því þegar ráðherra efnahagsmála sagðist hafa þvingað niðurstöðu frá sínum viðsemjendum og forystumenn atvinnulífsins brostu í kampinn, þegar fjármálaráðherra skammaði þá á fundi og bað þá að rísa á fætur.

Ef leiðtogi sjálfstæðismanna hefði sagt að sama og að ofan greinir, þá væri allt á hvolfi hér á landi, Jóhanna og Steingrímur yrðu sett á stofnun og sprautuð niður á nokkurra tíma fresti, á milli þess sem þau ýlfruðu illskiljanleg orð sem, með góðum vilja mætti skilja sem skammir, sjálfstæðismönum til handa.

Það var ekki fyrr en fólk lét reiðina ná tökum á sér, að vinstri flokkarnir náðu kjöri.

Fram til þess tíma datt engum heilvita manni til hugar að Jóhanna yrði forsætisráðherra og Steingrímur fjármálaráðherra, það þarf mjög afbrigðilegar aðstæður til að svona slys geti átt sér stað.

Ég efast um að nokkur sjálfstæðismaður láni afkomanda sínum bíl í opinberri eigu, allavega hafa engin dæmi sýnt fram á það.

[Baldur Hermannsson, 10.2.2011 kl. 23:24]

Góðir punktar. Gunnar Birgisson bar á góma skiljanlega, en á það er nú að líta að Gunnar Birgisson var grjótpáll til allra verka og breytti Kópavogi úr forarvilpu í nútíma borg á skömmum tíma. Aðferðir hans voru umdeilanlegar og ekki að öllu leyti í samræmi við ýtrustu óskir tíðarandans, en hann kom þó hugsjónum sínum í verk, hann stækkaði bæinn, efldi hann og gerbreytti honum. Gunnar Birgisson er faðir Kópavogs.

+

En þessi bæjarstjóri situr bara eins og akfeit kónguló og spænis í sig fluguræksnin sem festast í vefnum, en hún áorkar engu. Það er þá helst að hún áorki einhverju fyrir sína eigin fjölskyldu. Rosalega er vinstri mönnum rétt lýst þarna. Þeir jagast og skammast en þeim er fyrirmunað að hrinda áætlunum í framkvæmd. Helst að þeir geti stolið fyrir sig og sína en þá er líka allt talið.

[Skúli (IP-tala skráð) 11.2.2011 kl. 17:39]

Kommon Baldur ekki tala svona illa um hana.  Hún er ópólitískur embættismaður sem reynir að standa sig sem allra best í sínu starfi þó þetta mál sé mjög óheppilegt í alla staði, þá sérstaklega fyrir hana sjálfa.  Það veit enginn nema kannski hún hvort hún sé sjálfur vinstri maður.  Og furðulegt að Sjálfstæðismenn vilji að hún fari frá eftir allan sirkusinn í kringum Gunnar Birgisson sem hefur setið í um 20 ár í bæjarstjórn með oft góðum en líka vafasömum árangri.

[Júlíus Björnsson, 11.2.2011 kl. 21:07]

Allir hlutahafar séreignarbankanna eru ekki hæfir til að bera ábyrgð á almannafé.

Þessa staðreynd hafa þeir haft mörg ár til að afsanna.

[Bárður Bringdal (IP-tala skráð) 11.2.2011 kl. 22:01]

Fuck hvað allir eru orðnir helvíti heilagir og sérstaklega siðapostular XD, einhver kerling leyfir barni sínu að skjótast um á bíldruslu, opinbert hneyksli af verstu sort !! en ef við höfum horft uppá hrun samfelagsins með foringjann í farabroddi er hann bara álitinn fínn uppalandi sbr færsluþruglið hér á undan, helst með reglustikuna að vopni, leiftursnöggt, Fuck off, heimska þjóð.

[Skúli (IP-tala skráð) 12.2.2011 kl. 02:49]

Já, siðapostular xD nýta tækifærið og hafa hátt þegar þeirra menn stýra ekki öllu lengur...

[Jón Óskarsson (IP-tala skráð) 12.2.2011 kl. 12:49]

Ertu nokkuð að víst til þeirra Johnsen frænda? 

Listamannsins og bæjarstjórans sem keypti af honum steinana?

[Baldur Hermannsson, 12.2.2011 kl. 12:58]

Jón, ég er efins um að greitt hafi verið fyrir hin ódauðlegu listaverk Eyjapeyjans.

[Baldur Hermannsson, 12.2.2011 kl. 13:00]

Bárður Bringdal, ýmisloegt má nú að íhaldinu finna en spilling er ekki þar á meðal. Sjálfstæðisflokkurinn var við völd á íslandi í 18 ár, þá rauk velsældin upp úr öllu valdi en ekki einn einasti spillingarblettur féll á klæði Foringjans mikla.

[Bárður Bringdal hinn meiri (IP-tala skráð) 12.2.2011 kl. 17:06]

Amen í sjöunda veldi kæri Munchausen minn og Gvöð blessi þig kæri BH, enginn er meiri húmoristi á landinu öllu en þú.

[Skúli (IP-tala skráð) 12.2.2011 kl. 18:39]

Ég hugsa að hann sé ekki að tala um Gunnar B heldur hinn foringjann mikla sem má ekki tala um...

[Bárður Bringdal (IP-tala skráð) 12.2.2011 kl. 19:49]

Skúli minn, kæri vinur, ég er viss um að hann eigi við son Ingjalds í Hergilsey, ekkert fifl í sögu landsins hefur verið eins góðum mannkostum, hvað getur maður nú sagt, mannkostum klesst á eins og hrúðuköllum, nema ef skydli kannski DO, en ég efast stórlega um það, annars er, kæri Skúli, ekki við hæfi að vera með glens og grín á síðum Sjalfstæðismanna, þeir gætu selt upp af einskærum taugaæsingi.

[Jón Ríkharðsson, 13.2.2011 kl. 01:53]

Mig langar að benda Bárði Bringdal á, að fáir eru jafn rólegir og einmitt sjálfstæðismenn.

Það eru sjaldan sjálfstæðismenn sem öskra og æpa með gífuryrðum.

Enda held ég að sjálfstæðismenn þoli vinstri stjórn hvað best, því við erum svo ógurlega þolinmóðir og æðrulausir.

Það eru frekar vinstri mennirnir sem verða hræddir um sinn hag, við sjálfstæðismenn vitum af reynslunni, að slæmir tímar taka alltaf enda og vinstri stjórnir þola sjálfa sig aldrei lengi.

[Skúli (IP-tala skráð) 13.2.2011 kl. 17:31]

Já ég held að það sé alveg rétt að Sjálfstæðismenn séu yfir höfuð mjög rólegir þó þeir liggi ekkert á skoðunum sínum um menn og málefni...