Hallgerður langbrók er lang flottust

Við Sjálfstæðismenn verðum bara að kyngja því að Vigdís Hauksdóttir og Sigmundur Davíð stóðu sig best í þessari stuttu en geysihörðu rimmu á Alþingi. Vigdís er eins og Hallgerður langbrók, harðlynd og fögur með gullið hár og slegið, en hún er feiknarlega tannhvöss, orðfim og áheyrileg. Ég get ekki sagt að ég gerþekki skoðanir hennar en svakalega er þetta flottur stjórnmálamaður og bara flottur kvenmaður yfirleitt. Ég hlakka mikið til þess að fylgjast með henni í framtíðinni.

*

Sigmundur Davíð stendur sig alltaf vel og svo var nú. Sigmundur er óvenjulega djúphugull, ungur maður, og hefur hæfileika til þess að nálgast málin frá nýrri hlið. Hann varpaði nýju ljósi á umræðuna og það væri óráð að hunsa ábendingar hans.

*

Sorglegt var hins vegar að horfa upp á sjálfan forsætisráðherrann, Jóhönnu Sigurðardóttur, missa gersamlega stjórn á sér í lokin. Það var hræðilegt að sjá þessa vansælu konu berja reiðilega í blásaklaust ræðupúltið, skrækja út í salinn eins og pirruð hæna og uppnefna pólitíska andstæðinga sína. Er Jóhönnu fyrirmunað að sjá að hennar tími er löngu liðinn?

 

„Allt mistekst sem þessi ríkisstjórn kemur nálægt“

Athugasemdir

[Gagarýnir (IP-tala skráð) 25.1.2011 kl. 18:32]

Biðst afsökunar að misnota athugasemdakerfið en við kunningi voru að ræða tónlistina við þættina þína Þjóð í hlekkjum hugarfarsins. Reyndar ætti að endursýna þessa þessa þætti reglulega. En ég vildi meina að þetta væri eftir Shostakovich?

[Solveig (IP-tala skráð) 25.1.2011 kl. 18:32]

Hún vill ekki sjá.

[Baldur Hermannsson, 25.1.2011 kl. 18:36]

Gagarýnir, ég er nú farinn að gleyma þessu.....en það mun rétt vera.

[Baldur Hermannsson, 25.1.2011 kl. 18:37]

Solveig, það er eitthvað annað og meira en bara augun sem eru að bregðast henni Jóhönnu illilega. Held hún ætti að pilla sig burt með góðu áður en menn koma og draga hana burt.

[Skúli (IP-tala skráð) 25.1.2011 kl. 18:39]

Studdu Framsóknarmenn ekki við stjórnlagaþingið eins og hinir flokkarnir fyrir utan Sjálfstæðið?  http://www.althingi.is/dba-bin/atkvgr.pl?nnafnak=43029

[Sigvaldi Ólafsson (IP-tala skráð) 25.1.2011 kl. 18:43]

Vígdís er gasalega flott og ég er alltaf sammála henni. Ég undrast það því ég er ekki Framsóknarmaður. Sigmund kaupi ég ekki, veit ekki alveg út af hverju. En það var agalegt að horfa á gránu gömlu þegar hún missti stjórn á sér. Hún veit að þetta er búið hjá þeim. Nú er þetta bara spurning um daga. Tók eftir því að Steingrímur Joð þagði. Hann veit þetta líka og hefur vit á að halda sér til hlés. Svo kom auminginn hann Ögmundur og sagði að ekki hefði verið brotið á neinum. Þvílíkt dómsdags rugl. Það er búið að hafa alla þjóðina að fíflum, stela af henni minnst hálfum milljarði, og niðurlægja og gera okkur að athlægi og viðundrum útum allar þorpagrundir, meira að segja í Omsk, Tomsk og Timbúktú bara vegna þess að menn eins og hann sökum eigin heimsku og vanhæfni gerðu smávægileg en augljós mistök við að halda kosningar. 

[Baldur Hermannsson, 25.1.2011 kl. 18:56]

Skúli, til eru gjörvilegir Framsóknarmenn ...... en þeir eru áfram Framsóknarmenn.

[Baldur Hermannsson, 25.1.2011 kl. 18:58]

Já það er rétt, Ögmundur var brjóstumkennanlegur. Nokkuð viss um að Númi hefur vorkennt honum.

[Jón Kristjánsson, 25.1.2011 kl. 19:09]

Vigdís flott!!!!!????...Nei strákar nú þurfið þið að láta grandskoða á ykkur bæði augu og eyru.....erection inducing er hún engan veginn og að líkja henni við Hallgerði Langbrók er langsótt mjög....mér finnst miklu nær að tala um Heybrók enda í bændaflokki. En auðvitað er þetta eins og himnasending fyrir kellurnar Ólöfu og Vigdísi enda fóru þær með himinhvolfum í fordæmingunni....það er auðvitað ekki hægt að láta svona tækifæri sér úr greipum ganga. Mér fannst þær hins vegar skjóta langt yfir markið með ólátum sínum og löngun til að klekkja á ríkisstjórninni. En sínum augum lítur hver gullið.

[Baldur Hermannsson, 25.1.2011 kl. 19:17]

Erection inducing ...... satt er það, í þeim efnum lítur hver sínum augum á silfrið ..... og gullið. Ég get ekki sagt að ég hafi lagt þess háttar mat á Vigdísi en skal virða hana betur fyrir mér næst.

[Jón Kristjánsson, 25.1.2011 kl. 20:19]

Gullið hárið hennar Langbrókar Baldur, því fannst mér betur við hæfi að segja gullið en silfrið....þó svo það sé sögulega réttara.

[Baldur Hermannsson, 25.1.2011 kl. 20:23]

Já já ég náði því og fannst það bara vel til fundið hjá þér.

[Jón Ríkharðsson, 25.1.2011 kl. 20:31]

Ég er sammála þér Baldur, varðandi Sigmund Davíð og Vigdísi, þau eru bæði alþingi til sóma.

Fólk á bágt með að skilja sannleiksást sjálfstæðismanna, því flestir aðrir eru forritaðir af sínum flokki.

En við erum sjálfstæðismenn með sjálfstæðar skoðanir.

Vigdísi hitti ég niður á Útvarpi Sögu, ég var fenginn þangað í smá viðtal. Við áttum þar saman mjög gott spjall og þar hitti ég fyrir góða, réttsýna og gáfaða konu.

Ekki skemmdi útlitið fyrir henni, þótt ég sé harðgiftur fimm barna faðir, þá er ekki bannað að gleðjast yfir fegurð og atgjörvi merkiskvenna, maður lætur sér nægja að horfa og spjalla. Ekkert meira en það.

En ætli það sé seinna nafn Sigmundar sem hrífur okkur svona, það er náttúrulega Davíð, hvað ætli Númi mannelski segi um það?

[Baldur Hermannsson, 25.1.2011 kl. 20:41]

Ég held að enginn sé færari til að það en Númi. Og ég svo innilega sammála þér um kvinnuna góðu ...... fögur kona er hvarvetna híbýlaprýði og vegur hennar stóreykst þegar glæsilegu útliti fylgja snarpar gáfur. Hugsaðu þér Jón hvað það væri gaman að vera Íslendingur ef hún væri forsætisráðherra en ekki Jóhanna.

[Baldur Hermannsson, 25.1.2011 kl. 20:41]

....færari til að meta það en Númi.....átti þetta nú að vera. Arsenal - Ipswich er að trufla mig.

[Jón Ríkharðsson, 25.1.2011 kl. 20:47]

Já það er rétt, en hvar er Númi eiginlega, er hann líka upptekinn við að horfa á leikinn?

Það er ekki nokkur maður að vorkenna neinum á þessari síðu um þessar mundir, ég er eiginlega hálfsvekktur með það.

Svo vantar mig líka sálgreiningu varðandi Davíðs nafn Sigmundar, Númi minn, hvar ertu?

[Jón Ríkharðsson, 25.1.2011 kl. 21:50]

Heyrðu jú, það væri mun skárra að horfa á Vigdísi í jobbinu heldur en Jóhönnu. Ég hef alltaf verið ægilega svag fyrir svona valkyrjum sem gustar af. Þess vegna er ég skammaður svona oft á mínu heimili sjáðu til.

[Baldur Hermannsson, 25.1.2011 kl. 21:53]

Hahahaha.....segjum tveir, lagsmaður. Ég er stórhrifinn af þessum ljóshærðu, norrænu brussum sem stika stórum og gefa dónum beint á kjaftinn.

[Skúli (IP-tala skráð) 26.1.2011 kl. 01:14]

Er Jónka ekki þannig?  Hún er kannski fullljóshærð...:)

[Númi (IP-tala skráð) 26.1.2011 kl. 12:38]

Númi er mættur,rólegir drengir. Ég var að lesa í spádómsbókina mína(eldgömul draumaráðningarbók) hvað hún segir um nöfn fólks. Ég er sannfærður um að þar eru margar prentvillur, tökum sem dæmi nafnið ;;Davíð=er guðs blessun= en svo segir í bókinni,og þarna er pottþétt um prentvillu að ræða.Þá kemur nafnið ,,Jóhanna=góðu= nei þarna er önnur prentvilla.    Þá er komið að nafninu,Baldur=höfðingjakomu=( já nú hlakkar í þér Baldur) prentvilla!já það hlýtur að vera.  Þá er komið að hinu sjaldgæfa nafni ,,Jón=hvassvirði=,  ekki viss um að þarna sé prentvilla. Þá Sigvaldi=sælu=,,ja hérna hver prentaði þessa lélegu bók. Út í tunnu með þessa bók.

[Baldur Hermannsson, 26.1.2011 kl. 12:55]

Hahahahaaaa.....út í tunnu með hana.

[Jón Ríkharðsson, 26.1.2011 kl. 13:57]

Blessaður Númi minn, heyrðu hentu helvítis bókinni, hvassviðri getur ekki átt við mig.

Ég er óskaplega rólegur og læt fara lítið fyrir mér. Ef einhverjum dreymir mig, þá veit það örugglega á prýðisgott tíðarfar til sjávar og sveita.