Réttlát refsing sem hæfir glæpnum

Árásirnar á Alþingi marka upphaf ofbeldishrinunnar sem dynur yfir borgarbúa með sívaxandi þunga. Eftir náttmál er enginn óhultur í Borg Óttans. Þegar sjónvarpið sýndi vikum saman linnulausar árásir á lögreglumenn og þingverði og skemmdarverk á mannvirkjum lukust upp flóðgáttir villimennskunar. Ofbeldi verður að refsa stranglega. En refsing verður líka að vera réttlæt og hæfa glæpnum. Níumenningarnir verða að greiða skaðabætur þeim sem þeir hafa misþyrmt og valdið örorku en að öðru leyti finnst mér koma til greina að skikka þá til að gegna samfélagsþjónustu í hæfilegan tíma. Fangelsin eru yfirfull og Íslendingar ættu að nota þetta úrræði rétt eins og aðrar þjóðir gera.

Aðalmeðferð í máli nímenninga hafin

Athugasemdir

[corvus corax, 18.1.2011 kl. 10:44]

Alltaf skondið að lesa bull frá sjálfskipuðum besservissurum sem hafa ekki græna glóru um hvað þeir eru að bulla.

[Jóhann Elíasson, 18.1.2011 kl. 11:36]

Algjörlega sammála þér Baldur og svo á að dæma þennan "ruslaralýð" í nálgunarbann a.m.k 500 metra frá Alþingishúsinu.  Þau yrðu að sleppa því að fá sér "latté" á kaffi París en gætu þess í stað farið á "Prikið".

[Óskar Arnórsson, 18.1.2011 kl. 11:50]

Það er ekki til neitt sem heitir "réttlát refsing" yfirleitt. Refsing í eðli sínu er aldrei réttlát, hún stýrist af hefndarþorsta. Enn eitthvað verður að gera. Og aðferðirnar eru til. Málið er bara að yfirvöld og almenningur er ekki búin að ná þeim þroska sem þarf til að vinna með ofbeldi að viti.

Þetta mál með níumenninganna sannar að þjóðfélagið er ekk tilbúið að mæta ofbeldi á réttan hátt. Verði þessir menn dæmdir fyrr ofbeldi verða menn að vera tilbúnir að það muni leiða af sér enn meira ofbeldi. Ofbeldi er ekki leyst bara með samfélagsþjónustu. Ofbeldisenn verða að fá tækfæri á að læra eitthvað um sjálfan sig og að stjórna sér.

"Að mæta ofbeldi með fyrirlitningu og refsingu,  er eins gáfulegt og að reyna að slökkva eld með bensíni".   

[Baldur Hermannsson, 18.1.2011 kl. 12:57]

Óskar, hvernig eiga menn þá að taka á þessu máli?

[Óskar Arnórsson, 18.1.2011 kl. 19:33]

Það þarf að gera eins og Kanadamenn gera með ofbeldisfanga. Þeir eru dæmdir til að taka þátt í glerhörðum þerapíuskóla, þeir eru þjálfaðir í að hegða sér eins og fólk, látnir skilja hvernig það er að vera fórnardýr ofbeldis. Það eru hreinlega endurhæfingarskólar og æfingabúðir með þjálfuðu starfsliði sem er lausn á þessu vandamáli og ekki mannlegar geymslur sem trekkja þegar ofbeldisfulla menn til meira ofbeldis.

Það eru sömu menn sem koma í þessi fangelsi aftur og aftur, látnir fara í gegnum sama cirkusin sem kostar MEIRA enn að gera ekki neitt.  Að setja ofbeldismenn í fangelsi er að gera ekki neitt í málinu.

Ofbeldi er notað af "normal fólki" sem afþreying í bíómyndum, til að hneykslast á í blöðum, og til að fá útrás fyrir fyrilitningaþörf mætir maður ofbeldismanni. Hætta að gera eitthvað sem hvergi hefur virkað í heiminum og nota þær aðferðir sem hafa skilað árangri. 

Og aðferðirnar eru til, þær eru bara ekki notaðar á Íslandi enn. Fólk er ekki búið að fá nóg af ofbeldi.