Leyfum honum að vera í friði

Hégómagirnd og athyglissýki Ólafs Ragnars er við brugðið og það var ekkert annað ern hryðjuverk gagnvart þjóðinni að hafna fjölmiðlalögunum á sínum tíma. Auðmenn, braskarar og útrásarvíkingar höfðu náð tangarhaldi á öllum helstu fjölmiðlum landsins og höfðu í hendi sér að sveigja og beygja almenningsálitið að vild. Auðfúsir þrælar á fjölmiðlunum unnu með glöðu geði öll þau skítverk sem braskarapakkið þurfti á að halda - og þetta hefur ekkert breyst. Jón Ásgeir drottnar enn yfir Baugsmiðlunum og þar eru undirlægjur hans á fullu að fegra hlut hans í bankahruninu.

Ólafur Ragnar hefur tvennt sér til afbötunar. Hann hefur beðist formlega afsökunar á framferði sínu. Og hann hefur staðið sig með sóma í Icesave-málinu og skarað fram úr í vörn sinni fyrir Ísland í erlendum fjölmiðlum.

Síðasta kjörtímabil Ólafs er senn á enda og við eigum að leyfa honum að vera í friði það sem eftir er af því.

Hvatti forsetann til að segja af sér

Athugasemdir

[Offari, 14.4.2010 kl. 13:00]

Það voru nú fleiri en forsetinn sem hrifust af útrásini. Útrásin blekkti líka stjórnmálamenn sem héldi líka að allt væri í himna lagi og sóttust því líka eftir bita af kökuni.  Ég get vel fyrirgefið forsetanum því hann vissi ekkert frekar en ég að þetta væru heiðarlegir viðskiptamenn.  Ég er honum þakklátur fyrir að hafna Icesave en mér hefði svo sem fundist að hann hefði mátt tala meir við þjóð sína eftir að honum var ljóst að fylleríið með útrásarliðinu leit ekkert of vel út.

[Heimir Lárusson Fjeldsted, 14.4.2010 kl. 13:20]

Er hægt að fyrirgefa ÓRG fótinn fyrir fjölmiðlalögin?

[Sigurbjörg Eiríksdóttir, 14.4.2010 kl. 13:28]

ÓRG verður í útvarpsviðtali seinna í dag. Hlustum vel!

[Baldur Hermannsson, 14.4.2010 kl. 14:06]

Offari, hann hefði mátt gera það.

[Baldur Hermannsson, 14.4.2010 kl. 14:07]

Heimir, ef hann biðst fyrirgefningar á þeim verknaði skulum við gera það. Fyrirgefum öðrum svo sem vér og óskum eftir fyrirgefningu vorra eigin afglapa.

[Baldur Hermannsson, 14.4.2010 kl. 14:07]

Silla, ég fer á palla og þrusa nokkrum golfboltum út í himingeiminn.

[hilmar jónsson, 14.4.2010 kl. 14:31]

Hvenær verður Óli í útvarpinu..á hvaða stöð ?