Móðgun við menninguna

Stjórnin gerir hárrétt í því að leggja niður þessa stofnun og þótt fyrr hefði verið. Skattgreiðendur eru þvingaðir til að standa undir fjölmörgum opinberum útgjaldaliðum sem engum tilgangi þjóna og nú er lagið að uppræta þá. Þar er ekki um að ræða tugmilljónir heldur tugmilljarða.

En vinstri flokkarnir eru sjúklega fastheldnir á óþarfann. Þegar Katrín Jakobsdóttir varð menntamálaráðherra lét hún verða sitt fyrsta verk að fjölga listamannalaunum um 30. Hún stóð andspænis mörgum valkostum en aðeins einn af þeim var réttur: að  afnema listamannalaun með öllu í fimm ár meðan þjóðin er að rétta úr kútnum.

Ég hef sjálfur slysast inn á listaverkasýningar á umliðnum árum og jafnan gengið beygður út. Þar getur að líta notaða smokka í sultukrukkum eða fólk að míga hvert yfir annað. Fyrir örfáum vikum var sýndur í sjónvarpi afrakstur árs vinnu borgarlistamanns Reykjavíkur. Afraksturinn var gínur sem hún lét kaupa frá Ameríku og klæddi í einhverjar dulur. Spott er þetta og spé, en list er það ekki.

Öllum er vitaskuld frjálst að reiða úr eigin vasa fjármuni fyrir slíka gjörninga en það er ekkert annað en rán og þjófnaður úr vösum skattgreiðenda að halda þessari lágkúru gangandi ár eftir ár með valdboði Katrínar Jakobsdóttur.

Heiðarlegt, harðduglegt fólk er svipt atvinnu sinni um land allt, þjónusta er skorin niður í heilbrigðiskerfinu, þrengt er að menntakerfinu, alþýðan sveltur - en fjármunum er ausið í lágkúru sem er ekkert annað en móðgun við menninguna.

Varnarmálastofnun lögð niður

Athugasemdir

[Jóhann Elíasson, 5.12.2009 kl. 11:58]

Mikið vildi ég að það væri hægt að koma VITINU fyrir þetta "menningarsnobblið" eins og "menntamálaráðherra" (fermingarstelpuna).  Ég er 130% sammála þessari grein.  Margir "listamenn" virðast líta á list sem keppni í að ofbjóða almenningi.

[Hallgerður Pétursdóttir (IP-tala skráð) 5.12.2009 kl. 12:06]

Menningarelítan vítti þess útnefningu Steinunnar. Lýðræði í hnotskurn með öfund í bland. Skoðanafrelsi á Klakanum.

Kæri vinur ég er þér 100% sammála auðvitað  að markaðurinn að ákveða. Og listamenn að lúta sömu lögmálum og þeir sem eru að selja stöffið sitt.

Annað allt annað, orðið hönnun er mér hugleikin..Allt sem verið er að hanna í dag hef ég séð áður. Er hönnun ekki nýsköpun? -þetta er búið-

[Baldur Hermannsson, 5.12.2009 kl. 12:09]

Hallgerður mín, þú hefur sjálf bloggað alveg nýverið um hönnun sem er innilega kær hjörtum okkar beggja. Hafðu heila þökk fyrir það.

[Baldur Hermannsson, 5.12.2009 kl. 12:11]

Jóhann, þessi afkáraskapur er svo ömurlega vitlaus að hann nær því ekki einu sinni að ofbjóða. Manni ofbýður helst heimskan í þeim sem eiga að gæta pyngju skattgreiðenda en gera það ekki.

[Ágúst Ásgeirsson, 5.12.2009 kl. 12:27]

Fáir hitta naglann yfirleitt betur á höfuðið en þú.

[Baldur Hermannsson, 5.12.2009 kl. 12:30]

Þakka þér fyrir gamli hlaupagarpur!

[hilmar jónsson, 5.12.2009 kl. 13:04]

Já Djöhh...Hvað varð um gamla landslagsmálverkið ? Jöklana, sveitafólkið, sjómennina, sauðkindina.. Freymóð og Steingrím Edenmálara..hmm..

[Baldur Hermannsson, 5.12.2009 kl. 13:28]

Sorry, Hilmar, nú ertu einskis virði ef þú mígur ekki yfir næsta mann og otar notuðum smokkum að sýningargestum.

[Enginn (IP-tala skráð) 6.12.2009 kl. 21:08]

Það er mun betra að eyða pening í að láta bomba brúnt fólk í tætlur í útlöndunum.

[Baldur Hermannsson, 6.12.2009 kl. 21:36]

Vinstri stjórnin er nú ekki byrjuð á því enn þá.