Ráðherrablók í hriplekum manndrápsbolla

Steingrímur er kominn út á rúmsjó í hriplekum manndrápsbolla. Hann langar til þess að róa í land en hann er búinn að týna báðum árunum.

Sterkir stjórnmálamenn gæta tungu sinnar en Steingrímur gasprar eins og málóða kaffikelling. Það gafst honum vel þegar hann var í stjórnarandstöðu, æddi daglega upp í pontu og ruddi úr sér óhroðanum. Nú horfir öðru vísi við. Menn leggja við hlustir þegar fjármálaráðherra landsins talar. Menn reyna að skilja hvað hann er að fara og þegar það rennur upp fyrir áheyrendum að hann er bara að gaspra út í loftið, þá glatar hann virðingu sinni.

Nú freistar hann þess að snúa út úr og tala sig frá klúðrinu með bjánalegu flissi, útúrsnúningum og hálfkæringi, en það er of gegnsætt, of billegt og manndrápsbollinn er byrjaður að sökkva.

Yndislega ótrúlega ómerkilegt

Athugasemdir

[Jóhann Elíasson, 2.12.2009 kl. 13:33]

Og svo eru sprungur í "manndrápsbollanum" sem þarf að passa uppá að gliðni ekki.

[joi (IP-tala skráð) 2.12.2009 kl. 13:38]

Það fór lítið fyrir þessari næmni Steingríms fyrir því að það þyrfti að fara varlega með ákveðnar upplýsingar þegar hann sjalfur var í stjórnarandstöðu. Þá hamaðist hann eins og griðungur á stjórninni, seðlabankanum og öllum þeim sem hann gat sér í hag. Ómerkingurinn Steingrímur J. ríður ekki við einteyming þegar kemur að tvöfeldni í málflutningi.

Það væri fyrirtækjum og fólki í landinu fyrir bestu ef þessi ríkisstjórn léti sig hverfa hið sneggsta frá völdum og kosið yrði upp á nýtt næsta vor, bæði í lands málum og sveitarstjórnum. Þessi ríkisstjórn þarf að leggja sín störf í dóm kjósenda þar sem störf hennar eru ekki þau sem lagt var upp með þegar kosningaloforðum var útbýtt hægri vinstri í aðdraganda kosninga. Samfylking er ekki að slá skjaldborgu um neitt nema pólitískar ráðningar vildarvina og flokksgutta. Vinstri Græn eru skítug ruslatunna fyrir kratana, og vinna þau verk eins og að styðja öll þau atriði sem flokkurinn var kosinn inn á þing til að vinna gegn.

Kosningar í síðasta lagi næsta vor, ekki síðar en þá.

[Baldur Hermannsson, 2.12.2009 kl. 13:39]

Jóhann, væri ekki gustuk að reka kúbein í glufurnar og spenna þær út?

[Óskar Guðmundsson (IP-tala skráð) 2.12.2009 kl. 13:41]

Þar sem að Nágrímur er landkrabbi og strútur (jarðfræðingur með höfuðið í jörðinni, þ.e.a.s. þegar það er ekki uppí rassinum á Norninni) mígur hann ekki útfyrir heldur í skóna sína!

Svona á það til með að fara þegar kommastjórn sem logar í innri deilum er að reyna að stjórna

[Jóhann Elíasson, 2.12.2009 kl. 13:41]

Jú alveg endilega

[Baldur Hermannsson, 2.12.2009 kl. 13:41]

joi, þetta er ótrúlega nákvæm greining hjá þér og líklega er þetta hárrétt - kosningar í vor er sennilega skásti kosturinn í stöðunni. Ég vona bara að íhaldið drattist til að taka til hendi og gera hreint hjá sér innan dyra fyrir kosningarnar.

[Baldur Hermannsson, 2.12.2009 kl. 13:43]

Óskar, þetta eru skemmtilegar myndlíkingar hjá þér!

[Gústaf Níelsson, 2.12.2009 kl. 13:44]

Stjórnmálamenn með hugarfar Steingríms Joð þykja pólitískir andstæðingar til óþurftar. Það er bara eitthvað lið sem þvælist fyrir því að stjórnvöldin nái markmiðum sínum. Að vísu getur hann ekki losað sig við þá því hann býr í lýðræðis- og réttarríki. En skelfing myndi honum líða vel, gæti hann sent þingið heim og stjórnað með tilskipunum. Þá fyrst væri hann í essinu sínu.

[Ben.Ax. (Benedikt Jóhannes Axelsson), 2.12.2009 kl. 13:45]

Sæll, Baldur. Að venju er ég sammála þér og nú er rétti tíminn fyrir okkur, sjálfstæðismenn, að taka við stjórninni. Ekki yrðum við lengi að rífa okkur á hárinu upp úr því skuldafeni sem VG komu okkur í. Megi þeir þrjótar aldrei þrífast, sem settu Ísland á hliðina, og gera nú ekki annað en misbjóða okkur í sölum alþingis bæði nótt sem nýtan dag.

[Baldur Hermannsson, 2.12.2009 kl. 13:46]

Benax...die Fahne hoch.....

[Jón Snæbjörnsson, 2.12.2009 kl. 13:47]

sammála þér Baldur, en tími Sjálfstæðisflokks er ekki fyrr en búið er að taka til þar innandyra - stend fastu á þessu sem Sjálfstæðismaður !!!

[Baldur Hermannsson, 2.12.2009 kl. 13:48]

Gústaf, sennilega er það rétt athugað, honum viðist fyrirmunað að starfa í samvinnu við aðra - gamalreyndur VG-ari segir mér að hann sé rosalega einráður í flokknum og líði mönnum ekki að brúka kjaft. Verst að þessi drottnunargirni er ekki í slagtogi við neina snilldartakta, hann er bara metnaðurinn og ekkert annað.

[Baldur Hermannsson, 2.12.2009 kl. 13:49]

Jón - það er díllinn!

[Sigurbjörg Eiríksdóttir, 2.12.2009 kl. 13:54]

Já Sjálfstæðismenn, ef það verður lagað til og hreinsað út þá verða margir sem líta til D-listan;)

[Baldur Hermannsson, 2.12.2009 kl. 14:05]

Silla ekki gera mér þann óleik að kjósa Sjálfstæðisflokkinn, það er svo gaman að hafa þig svona glóandi eldrauða þarna úti í snjókomunni á Reykjanesinu. Kjóstu bara kommana áfram elskan.

[Guðmundur 2. Gunnarsson (IP-tala skráð) 2.12.2009 kl. 14:07]

Geri mér ekki grein fyrir hvort að Steingrímur J. Sigfússon er einfallega ekki vel heppnaður til að hugsa?  Honum fer ágætlega að tala og að stórkarlalega. 

 En þessar yfirlýsingar eins og að "Ég gerist æði hugsi yfir því hvort Alþingi ráði við það verk sem framundan er,"  og "Ég hef útskýrt mjög rækilega fyrir forustumönnum stjórnarandstöðunnar hvaða ástæður liggja þar að baki, sem eru sumar þess eðlis að það er hæpið að fara með þær hér í ræðustól á Alþingi. Þetta vita forustumenn stjórnarandstöðunnar vel. Hvað í húfi er,” er eitthvað sem ég er ekki alveg að kveikja á. Varðandi þá síðari virðast þeir sem hann segist hafa kynnt málin ekki hafa fengið neina kynningu á þeim. Bæði ummælin eru að hans sögn, dregin úr samhengi og stjórnarandstaðan reyni að gera úlfvalda úr mýflugu. Er Steingrímur að reyna vísvitandi að gera sem mest til að koma öllu í háa loft, eða er hann einfaldlega ekki skarpari en skólakrakki þegar út í alvöruna er komið?

Það er gott að hafa í huga að Fréttastofa Ríkissjónvarpsins og Samfylkingarinnar gerði sérstaka frétt í fyrrakvöld um að umræður um Icesave-málið hefði staðið í 60 klukkustundir.

Frekar en stjórnarflokkarnir, Samfylkingarmiðlarnir og bloggarar á vegum stjórnarflokkanna láðist fréttastofunni að setja ræðutímann í samhengi við umræður annarra þekktra mála á Alþingi á undanförnum árum. Afar gagnlegt og heiðarlegt að segja alla söguna en ekki bara hálfa. En tilgangurinn helgar meðalið.

Hér verða nokkur dæmi nefnd um einstök mál og tímalengd umræðna um þau:

Vatnalög 57 klukkustundir og 40 mínútur.

Fjölmiðlafrumvarp 92 klukkustundir og 59 mínútur.

EES-samningurinn 100 klukkustundir og 37 mínútur.

Ríkisútvarpið 119 klukkustundir og 46 mínútur.

Umræðurnar eiga það sameiginlegt að þáverandi stjórnarandstæðingur Steingrímur J. Sigfússon var afar virkur þátttakandi. Sami Steingrímur kvartar nú sáran undan því að núverandi stjórnarandstæðingar hafi ýmislegt við Icesave-málið að athuga. Mál sem varðar miklu meiri hagsmuni en öll þau frumvörpin að ofan til samans.

[Baldur Hermannsson, 2.12.2009 kl. 14:10]

Þakka þér kærlega fyrir þetta fróðlega innlegg, Guðmundur. Þetta er forvitnileg lesning og hjálpar manni til að setja málið í fókus.

[Sigurbjörg Eiríksdóttir, 2.12.2009 kl. 14:14]

Ef þú biður fallega skal ég skoða málið..Ég kaus sko aldrei kommana ;(

[Baldur Hermannsson, 2.12.2009 kl. 14:20]

Ég vil endilega hafa komma í landinu, það yrði of dauflegt með eintóma íhalsmenn.

[Jóhann Elíasson, 2.12.2009 kl. 14:24]

Furðulegt, þeir eru ekki margir sem vilja viðurkenna að þeir hafi kosið kommana í vor.  Hvernig í ósköpunum stendur þá á því að þeir eru í ríkisstjórn núna?

[Offari, 2.12.2009 kl. 14:26]

Gráleitt er gagnsæið matta

gruggar nú ráðherra störf

Ennþá er erfitt að fatta

æsseifsins hraðkeyrslu þörf

[Baldur Hermannsson, 2.12.2009 kl. 14:34]

Nú freyðir skáldablóðið í Offara svo um munar!

[Baldur Hermannsson, 2.12.2009 kl. 14:35]

Jóhann, ég vinn með eintómum kommúnistum og þeir eru ansi framlágir þessa dagana!

[Jón Snæbjörnsson, 2.12.2009 kl. 14:43]

Offari "engum" líkur  

[Baldur Hermannsson, 2.12.2009 kl. 14:46]

Jón, Offari situr einn á sínu óðali austur á landi - en það gerir líka zéníið Zteingrímur norður í Eyjafirði. Þessir menn eiga ekki sína líka.

[Sigurbjörg Eiríksdóttir, 2.12.2009 kl. 14:46]

Jóhann, það er allavega ekki af mínum völdum ;) Nú er þessi flokkagrautur orðinn svo vel hrærður að mann vantar skilgreiningu á gömlum heitum eins og kommum. Eru þeir ekki í VG ;)

[Baldur Hermannsson, 2.12.2009 kl. 14:51]

Silla, það eru vinstri grænir og samfylkingarmenn - sama kommarassgatið undir þessu pakki.

[Jóhann Elíasson, 2.12.2009 kl. 14:56]

Já ég trúi því vel að það sé ekki hátt risið á Jóa Líf og Rúnu, ganga þau ekki með veggjum í Flensborg þessa dagana.

[Baldur Hermannsson, 2.12.2009 kl. 15:00]

Jói stynur þungan og kýs að ræða ekki pólitík, sagði við mig um daginn að íhaldið yrði að koma að stjórninni, fyrr myndi þetta ekki ganga. Rúna fer undan í flæmingi og glottir, alsæl í sinni móðurást. Helst myndu þeir vilja skríða undir borðin í kaffistofunni og fela sig þar, veslings kommabjálfarnir.