Góður gaur - en búinn að vera

22.4.2009 | 11:31

Góður gaur - en búinn að vera

Mér finnst þessi Sigmundur Davíð frekar viðkunnanlegur náungi. Það væri gaman að taka með honum golfhring þegar veðrið er þurrt og bjart er yfir. Hann er gáfaður og hann var góður hér um árið þegar hann talaði um borgarskipulag.

En Sigmundur Davíð er einhver gasalegasta óheillakráka stjórnmálasögunnar. Gekk í stjórnmálaflokk, kosinn formaður nokkrum klukkustundum síðar, fékk rífandi stuðning um land allt - maður framtíðarinnar.

En svo klúðraði hann öllu með einni setningu. Hann bjó til ríkisstjórn fyrir óvini sína - fólk sem hatar flokkinn hans og allt sem hann stendur fyrir og lítur niður á hann persónulega. Hann fær aldrei bætt þann skaða sem hann hefur valdið.

Sigmundur Davíð er góður gaur en hann er búinn að vera.

	Mikilvægustu kosningarnar
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Samt hefur fylgið farið upp núna hjá Gallup í margar vikur, þannig að eitthvað er að gerast honum til heilla.

Held að málið er að hann lagði af stað í góðri trú um samstarf með núverandi stjórnaflokkum sem stungu hann svo í bakið. Síðan er það að gerast nú að fólk er að átta sig á málflutningi Sigmundar og er að sjá að þarna er heiðarlegur og ábyrgur foringi sem er með lausnir á málunum og leggur meiri áherslu á framtíð Íslands en endilega sjálfs síns eða Framsóknarflokksins.

Spái 18% fylgi við Framsókn á kjördag.

Björgmundur Örn Guðmundsson, 22.4.2009 kl. 12:00

Björgmundur, svei mér þá, ég hef nú verið kallaður óforbetranlegur bjartsýnismaður en ég held að þú sért enn svakalegri. En ég er sammála þér um mannkosti Sigmundar. Því miður koma þeir ekki að notum í pólitíkinni. Hann virðist vera hugmyndaríkur og eljusamur og hann á eflaust eftir að finna vettvang við sitt hæfi.

Baldur Hermannsson, 22.4.2009 kl. 12:27

Björn, það er erfitt að treysta hringlandahætti svo yfirleitt, ekki satt? En ég treysti því að formaður farið að vilja landsfundar þótt hann kunni að hafa aðrar skoðanir í einhverjum málum.

Baldur Hermannsson, 22.4.2009 kl. 12:45

Sigmundur er einfaldlega vonarstjarnan í Framsóknarflokknum en hann hefur þann djöful að draga sem er fortíð flokksins en hana er nú reynt að bregða dulu yfir með því að tala um nýjan flokk og nýja stefnu. Það gengur ekki. Við verðum þrátt fyrir allt að minnsta kosti að horfast í augu við okkur sjálf hvað sem á bjátar.

Ben.Ax. (Benedikt Jóhannes Axelsson), 22.4.2009 kl. 14:20

Stundum spyr ég sjálfan mig að því hvort það sé bara allt í lagi með þessa pólitíkusa. Halda þeir að það sé eftirsóknarvert að taka við þessum rústum?

Árni Gunnarsson, 22.4.2009 kl. 14:34

Árni, á þeir ekki vel greitt fyrir þetta starf? Stundum eru þeir að kvarta yfir laununum en ef þú skoðar hvern þingmann fyrir sig og veltir því fyrir þér hvað hann væri að gera ef hann sæti ekki á Alþingi, þá muntu oftast sjá að hann væri í mun lakara starfi og á lægri launum.

Einn þingmaður og ráðherra sagði mér aðspurður, þegar hann var nýbyrjaður í pólitíkinni, að hann hefði einfaldlega ekki um annað að velja, því það væri engin eftirspurn í þjóðfélaginu um starfskrafta hans og færi hann ekki á þing myndi hann fara á atvinnuleysisbætur.

Og þú hefur nú séð hvernig þessir menn láta þegar þeim er sparkað í prófkjörum. Það er ófögur sjón.

Baldur Hermannsson, 22.4.2009 kl. 14:40

Benax, er ekki Framsókn einfaldlega komin á leiðarenda?

Íhaldið er komið á krossgötur, en ekki leiðarenda - held ég.

Baldur Hermannsson, 22.4.2009 kl. 14:41