Hún girnist kjötkatlana

Siv dauðlangar í notalegt sæti við kjötkatlana en kommarnir munu hrinda Framsóknarmönnum út í kuldann ef þeir geta. Þjóðarinnar vegna óska ég kommunum þess að þeir fái nægan meirihluta til að stjórna landinu án fulltingis Framsóknarmanna.

Það er segin saga að hvar sem Framsóknarmenn stíga niður fæti, þar rýkur upp spilling og heimtufrekja. Menntunarlausir og heimskir lúðar fá forgang að embættum þjóðarinnar. Skilvirkni í kerfinu hraðminnkar þar sem Framsóknarflokkurinn kemur fæti milli starfs og hurðar.

Verst er þó þegar þeir láta sér ekki nægja bitlinga og fyrirgreiðslu en vilja hafa áhrif á þjóðmálin. Þeir heimtuðu 90% lán til íbúðakaupa og lögðu fasteignamarkaðinn í rúst. Þeir laumuðu bönkunum í krumlur Framsóknardólga og bankakerfið hrundi.

Samkvæmt skoðanakönnunum hafa VG og Samfylking nægan meirihluta enn sem komið er. Ég sef rótt fram að næstu könnun.

Framsókn vill í vinstrisæng

Athugasemdir

[Björn Birgisson, 30.3.2009 kl. 18:25]

Fyrir mér eru núverandi stjórnarflokkar einkum skipaðir jafnaðarmönnum. VG þó aðeins meira til vinstri. Að kalla þetta fólk komma er nákvæmlega jafn heimskulegt og að kalla alla Sjálfstæðismenn fasista.

Ég sé að þú ert búinn að bóka góðan meirihluta Samfylkingar og VG eftir 25. apríl. Ef það gengur ekki eftir gæti komið upp afleit staða. Það vill enginn vinna með Sjálfstæðisflokknum! Hann verður settur lyklalaus út á tröppur. Kemst hvergi inn. Skelfur sér til hita bara fram að þarnæstu kosningum!

[Baldur Hermannsson, 30.3.2009 kl. 18:33]

Bull. Það væsir ekki um okkur. Við höfum fjóshitann hver af öðrum. Sitjum þröngt saman og kyrjum ættjarðarsöngva meðan landráðamennirnir selja okkur til Brúsel.

[Baldur Hermannsson, 30.3.2009 kl. 19:11]

Lestu Biblíuna gæska, hálfvelgjan er vesrt af öllu.

[Baldur Hermannsson, 30.3.2009 kl. 20:41]

Gamla Testamentið hefur alltaf vinninginn því þar eru vígaferlin og kvennafarið.