Ólafur hnyklar vöðvana

Forsetinn hnyklaði upphandlegssvöðvana, leit glottandi til Jóhönnu og rak út úr sér tunguna. Hann er maður dagsins, hvort sem fólki líkar betur eða verr. Hann er áberandi stressaðri en fyrir ári síðan og fréttamenn að sama skapi ágengari. Sumir gerast jafnvel dónskir.

Er þessi synjun okkur til góðs? Í fyrra var ég ekki í vafa um að þjóðin ætti að hafna Svavars-samningnum. Almennt gildir sú regla að þjóðin á að hafna öllu sem frá Svavari Gestssyni kemur, hvort sem það er samningur, dóttir eða tengdasonur.

En staðan er flóknari núna. Atkvæðagreiðslan felur í sér að þjóðin velur á milli samninga og dómstóla. Og nú verða kunnáttumenn að leggja öll spil á borðið, uppræta allar efasemdir svo þjóðin geti af öryggi valið skásta kostinn.

Forsetinn staðfestir ekki

Athugasemdir

[Aðalsteinn Agnarsson, 20.2.2011 kl. 15:42]

Flottur dagur, Baldur.

[Rauða Ljónið, 20.2.2011 kl. 15:49]

Í dag sigraði lýðræðið alræði.
Forseti vor er sverð okkar og skjöldur.

[Viggó Jörgensson, 20.2.2011 kl. 15:49]

Bráðum förum við gullfiskarnir að gleyma klappstýrustörfum forsetans fyrir bankanna. 

[Óskar Þorkelsson, 20.2.2011 kl. 16:06]

ORG skyggði á stóra búrkudaginn

[Baldur Hermannsson, 20.2.2011 kl. 16:06]

Já því getur enginn maður neitað, Ólafur Ragnar hefur rétt sinn hlut í Íslandssögunni svo um munar.

[Hörður B Hjartarson, 20.2.2011 kl. 16:41]

        Baldher!

        Vissulega var Jóhann Páll argasti dóni og með útúrsnúning við Ólaf , en ekki sá ég á honum stressið sem þú , eða í hverju fólst það ?

[Baldur Hermannsson, 20.2.2011 kl. 16:45]

Röddin var klemmd þegar hann las tilkynninguna. Honum létti þegar rifrildið við slánana byrjaði, þá var hann kominn á kunnuglega slóð.

[Hörður B Hjartarson, 20.2.2011 kl. 16:48]

Kannské þú hafir rétt fyrir þér , en þetta greindi ég ekki , né heldur Bogi Ágústsson , en hann fullyrti að hann hefði verið afslappaðri nú , en í fyrra skiptið , en vissulega var erfiðara fyrir hann að neita þessum ólögum , að mínu mati , en fyrri .

[Baldur Hermannsson, 20.2.2011 kl. 16:57]

Það er ekkert að marka Boga Ágússton. En það er ekki aðalatriðið. Í rauninni er þetta smáatriði. Mestu varðar að hann tók djarflega ákvörðun. Hitt var miklu auðveldara .... að skrifa undir og láta þar við sitja.

[Óskar Þorkelsson, 20.2.2011 kl. 17:05]

BogiÁgústson er merkur maður í alla staði og gegnheill KR-ingur

[Björn Birgisson, 20.2.2011 kl. 17:22]

"Bráðum förum við gullfiskarnir að gleyma klappstýrustörfum forsetans fyrir bankana." skrifar Viggó Jörgensson.

Það er ástæðulaust að gleyma þeim störfum, þótt forsetinn hafi nú gerst klappstýra Sjálfstæðisflokksins.

Flokksins sem nú elskar og tilbiður þennan sinn forna óvin meira en örendið í eigin brjósti.

Fyndin er pólitíkin vindhananna.

[Hörður B Hjartarson, 20.2.2011 kl. 17:31]

    Björn B.!

    Þetta var nú vindhögg hjá þér , sem hitti þó þig sjálfan .

[Björn Birgisson, 20.2.2011 kl. 17:35]

Hörður, hvernig?

[Hörður B Hjartarson, 20.2.2011 kl. 17:42]

Vissulega var ÓRG klappstýra bankanna , en hann er einskis manns , hvað þá fokks klappstýra hvað þessa ákvörðun hanns varðar , það ættir þú að sjá - þetta gerir hann samkvæmt sinni sannfæringu og er maður að miklu meiri fyrir vikið .

[Björn Birgisson, 20.2.2011 kl. 17:55]

Bessastaðabóndinn er bara á einhverju egóflippi. Ekkert annað og ekki í fyrsta skiptið. Hvort heldur þú Hörður að forsetanum þyki vænna um þjóðina eða sjálfan sig og sitt egó?

[Viggó Jörgensson, 20.2.2011 kl. 19:03]

Ekki tek ég þessa vindhana athugasemd til mín Björn.

Ég hef sömu skoðanir á milli daga og þarf ekki að leggja á minnið hvað ég sagði síðast. 

Eins og Baldur hefur bent á,

þá biðjumst við íhaldsmenn afsökunar, þá örsjaldan sem okkur verður á að fara með rangt mál. 

Flestir vinstri menn skrifa undir nafnleynd til að þurfa ekki að svara fyrir skoðanir sínar sem sveiflast oft á dag.

[Björn Birgisson, 20.2.2011 kl. 19:35]

Viggó minn, óttalegt þvaður er þetta hjá þér. Á minni síðu er yfirgnæfandi fjölda athugasemda frá nafnlausum hægri mönnum. Huglausum leyniskyttum, sem kjósa oftar en ekki að ráðast frekar að mér persónulega, en mínum skoðunum. Drullusokkum, sem hata ríkisstjórnina og allt sem frá henni kemur og alla þá sem styðja stjórnina.

Ég skora á þig að sanna þessa fullyrðingu þína: Flestir vinstri menn skrifa undir nafnleynd til að þurfa ekki að svara fyrir skoðanir sínar sem sveiflast oft á dag.

Varst þú ekki að tala um gullfiskaminni?  

[Viggó Jörgensson, 20.2.2011 kl. 20:16]

Ég verð snöggur að sýna þér þetta Björn. 

Þú kíkir inn á eyjan.is

og þarft ekki frekari vitnanna við. 

Þarft ekkert að finna reiknivélina til að reikna tölfræðina út.

Þarna hef ég verið daglegur lesandi í mörg ár.   Nær allir vinstri mennirnir þarna eru undir dulnefni.   

Leiðinlegt að einhverjir séu að vega að þér persónulega, það hljóta að vera framsóknarmenn. 

Ha var ég að tala um gullfiska?

[Óskar Þorkelsson, 20.2.2011 kl. 20:46]

sandkassinn minn er betri en þinn, þinn hefur kattsskít

[Baldur Hermannsson, 20.2.2011 kl. 20:49]

Björn Birgisson má þó eiga það að ekki bloggar hann í skjóli nafnleyndar og hann er einn af sárafáum vinstri mönnum enn hefur heilsu til þess að bera blak af handónýtri ríkisstjórn. Hinir hafa lang flestir flúið af hólmi en Björn er ekki þeirrar gerðar. Hann mun berjast uns yfir lýkur og eftir dauðann mun hann ganga aftur og halda uppi skjaldarvörn fyrir vinstri flokkana. Björn er gæddur ákveðinni hetjulund sem verðskuldar betri málstað.

[Kristinn Karl Brynjarsson, 20.2.2011 kl. 20:57]

Einu breytingar tillögur sem komu við frumvarp fjármálaráðherra, voru að ég held að ég megi segja tillögurnar um þjóðaratkvæðið og svo um að halda inni 8. greininni frá Icesave I-lögunum.  Þeim tillögum hafnaði hins vegar ríkisstjórnarmeirihlutinn og því í rauninni ekki hægt að gera þingið í heild sinni ábyrgt fyrir málinu, heldur fjármálaráðherra, fyrir hönd ríkisstjórnarinnar.  

 Í það minnsta, má  halda þessu fram, séu ummæli ráðherra þessarar sömu ríkisstjórnar skoðuð varðandi ábyrgð á stjórnlagaþingsklúðrinu.  Í því máli var ábyrgðin þingsins, því að þingið hafði gert breytingar á upphaflegu frumvarpi ráðherra.

  Engu slíku var hins vegar að dreifa í Icesave III.

[Baldur Hermannsson, 20.2.2011 kl. 21:05]

Nú verða allir góðir menn að leggjast yfir samninginn og skera úr um hvor sé betri brúnn eða rauður. Ég skil alveg þá sem vilja semja. Ég vil sjá skýran, málefnalegan samanburð áður en ég geri upp hug minn.

[Kristinn Karl Brynjarsson, 20.2.2011 kl. 21:11]

Sé litið til þess hversu stór hluti blaðamannastéttarinnar, með blaðamann ársins 2009 í broddi fylkingar afhjúpaði sig á Bessastöðum í dag, þá eru litlar vonir til þess að umræðan um málið verði á vitrænum sanngjörnum nótum, báðum sjónarmiðum til handa.  Þessir sjálfskipuðu tengiliðir stjórnmálanna og þjóðarinnar, sýndu vanhæfi sitt, svo ekki var um villst í dag.

[Björn Birgisson, 20.2.2011 kl. 21:21]

Baldur minn, ég sakna þín svolítið. Þú kemur aldrei í heimsókn á síðuna mína, sem um þessar mundir, á erfiðum tímum, ber þó af sem gull af Geira karlinum. Ekkert væl um minn felustíl! Smelltu bara á nafnið mitt, hér að neðan til hægri!

Lærifeður þurfa að líta eftir þeim fáráðlingum sem þeir þykjast vera að leiðbeina! Þú hefur staðið þig sérstaklega vel! Fyrir það þakka ég !

[Baldur Hermannsson, 20.2.2011 kl. 21:31]

BB, þú hafnar bloggvináttu og fyrir vikið veit maður aldrei hvern fjandann þú ert að bralla. Alltaf sama leyndarhyggjan og pukrið hjá ykkur kommúnistunum.

[Baldur Hermannsson, 20.2.2011 kl. 21:33]

Kristinn, ég tek undir það, hegðun þeirra sumra var stórundarleg og blaðamannstéttinni síst til upphefðar. En það eru aðilar á borð við Indefence sem ég horfi helst til, svo og þeir lögfræðingarnir Stefán og Lárus Blöndal.

[Kristinn Karl Brynjarsson, 20.2.2011 kl. 21:44]

Ég hef frekar trú á því að Indefence, verði frekar haldið utan við umræðuna, heldur en hitt og jafnvel þeim Lárusi og Stefáni.  Hins vegar mun sá hluti fræðimannastéttarinnar er mærðu Icesave I og II vera áberandi við kynningarstörf á Icesave III.  Indefence ásamt þeim Stefáni og Lárusi, munu svo jafnvel smeygja sér inn í umræðuna, við lítinn fögnuð stjórnvalda.

[Baldur Hermannsson, 20.2.2011 kl. 21:46]

Ég efast um að stjórnvöldum haldist uppi að einoka umræðuna.

[Björn Birgisson, 20.2.2011 kl. 21:53]

Þegar lærifeður hafna sínum nemendum, á afar hæpnum forsendum, er tími til kominn að endurskoða samninginn um fræðsluna og leita á önnur mið.

Föðurlandsást er viljinn til að drepa og verða drepinn af ómerkilegum ástæðum.

Sama gildir um ást á lærifeðrum.

[Dexter Morgan, 20.2.2011 kl. 23:17]

Meiri hræsnin í þessum íhaldskurfum núna. Farnir að elska og dá Ólaf Ragnar Grímsson, sem var eitur í þeirra beinum alla tíð. Svo ekki sé minnst á þegar hann hafnaði fjölmiðlalögunum. En nú er hann allt í einu orðin besti vinur "aðal". Þetta er bara undirlægjuháttur og hrænsi, eingöngu MEÐ honum núna af því að það kemur ríkisstjórninni illa.

[Baldur Hermannsson, 21.2.2011 kl. 12:18]

Dexter, þú dæmir oss íhaldskurfa full hart. Við elskum ekki Ólaf Ragnar og dáum hann varla heldur, en við fögnum þegar hann breytir rétt og jögumst þegar hann breytir illa. Við íhaldskurfar förum aldrei í manninn, við einbeitum okkur að boltanum. Að þessu leyti erum við betri en aðrir menn.

[Viggó Jörgensson, 21.2.2011 kl. 22:57]

Höfum

Drottinn blessi heimilið

á þilinu og sálmabókina í náttborðsskúffunni. 

[Baldur Hermannsson, 21.2.2011 kl. 23:01]

Og förum aldrei á klámrásirnar. Gleymum því ekki. Aldrei.

[Hörður B Hjartarson, 27.2.2011 kl. 14:05]

    Björn B !

   Ég hef alltaf talið mig vita , í það minnsta afar lengi , lengur en minni mitt nær , að sé til tækifærissinni á Ísa köldu landi þá sé hann til geymslu að Bessastöðum , en hitt er einnig morgunljóst í mínum kolli , að í þessu tilfelli er hann ekki að hugsa um sitt eigið skinn , aldrei þessu vant .

  Eigi annað eftir að koma í ljós , í voru lífi , skal ég auðfúslega krjúpa á kné fyrir þér og segja : "Fyrirgefðu" .

[Björn Birgisson, 27.2.2011 kl. 14:08]